រដ្ឋបាលខេត្តបន្ទាយមានជ័យ​ បង្ហាញ​អត្តសញ្ញាណអ្នកវិជ្ជមាន​កូវីដ​-១៩​ ៥នាក់ទៀតនៅក្នុងក្រុងសិរីសោភ័ណ​

ខេត្តបន្ទាយមានជ័យ៖ តាមការបង្ហោះទំព័រហ្វេសបុកផ្លូវការរបស់រដ្ឋបាលក្រុងសិរីសោភ័ណនៅថ្ងៃទី​២១ ខែមិថុនា​ ឆ្នាំ​២០២១នេះ រដ្ឋបាលខេត្តបន្ទាយមានជ័យ​ បានបង្ហាញអត្តសញ្ញាណ​ អ្នកវិជ្ជមាន​កូវីដ​-១៩​ចំនួន ៥ករណី​នៅក្នុងក្រុងសិរីសោភ័ណ​ និងបានធ្វេីការ​អំពាវនាវដល់បងប្អូនអ្នកជាប់ពាក់ព័ន្ធ​ផ្ទាល់​ និងប្រយោល​ ជាមួយអ្នកវិជ្ជមានជំងឺកូវីដ-១៩​ខាងលេីនេះ ប្រញាប់រួសរួនទៅធ្វេីសំណាកវិភាគរកកូវីដ-១៩​ នៅមន្ទីរពេទ្យបង្អែកក្រុង​សិរីសោភ័ណ​ជាបន្ទាន់​។
អ្នកវិជ្ជមានទាំង៥នាក់រួមមាន៖
១. ​ឈ្មោះ​ អោ​ លាងហេ​ង​ អាយុ​២៥ឆ្នាំ​ នៅភូមិ២​ សង្កាត់​កំពង់ស្វាយ​ ក្រុងសិរីសោភ័ណ​
២. ឈ្មោះ​ នី​ សៀងហៃ​ អាយុ​២៧ឆ្នាំ​ នៅភូមិ២​ សង្កាត់​កំពង់ស្វាយ​ ក្រុងសិរីសោភ័ណ​
៣. ឈ្មោះ​ កែវ​ ចរនា​ អាយុ២៦ឆ្នាំ​ នៅភូមិព្រះពន្លា​ (មាត់ស្ទឹងស្ពានថ្ម) សង្កាត់​ព្រះពន្លា​ ក្រុងសិរីសោភ័ណ​
៤. ឈ្មោះ​ កែវ​ ប៊ុនហ្វី អាយុ៣០ឆ្នាំ​ នៅភូមិព្រះពន្លា​ (មាត់ស្ទឹងស្ពានថ្ម) សង្កាត់​ព្រះពន្លា​ ក្រុងសិរីសោភ័ណ​
៥. ឈ្មោះ​ ងាន​ ចាន់លាភ​​ អាយុ២៣ឆ្នាំ​ ភូមិគោរដ្ឋាន​ សង្កាត់​អូរអំបិល​ ក្រុងសិរីសោភ័ណ​។
ក្រៅពីការបង្ហាញ​អ្នកវិជ្ជមានថ្មីទាំង៥រូបខាងលើនេះ រដ្ឋបាលខេត្តបានអំពាវនាវដល់ប្រជាពលរដ្ឋអនុវត្ត​នូវវិធានការ​ “៣ការពារ​ ៣កុំ​”​ ឱ្យបានខ្ជាប់ខ្ជួន​ទាំង​អស់​គ្នា​។
គួរបញ្ជាក់ថា កាលពីថ្ងៃទី២០ ខែមិថុនា ឆ្នាំ២០២១ រដ្ឋបាលខេត្តបន្ទាយមានជ័យបាន
ចេញសេចក្តីប្រកាសព័ត៌មានបន្តរកឃើញអ្នកវិជ្ជមានកូវីដ-១៩ ចំនួន៤៨នាក់ និង អ្នកជាសះស្បើយចំនួន ៧៨នាក់។

អត្ថបទ៖ ពៅ