ជីវិតកម្សាន្ដ

វ៉ាន់ នីឡា បង្ហាញជម្រើស២ ប្រសិនបើគ្មានពិធីមង្គលការ

បានផុស

៥ years មុន

នៅ

ថ្ងៃពុធ ១១ វិច្ឆិកា ២០២០

ដោយ

តារាកំប្លែងស្រីវ័យក្មេង កញ្ញា វ៉ាន់ នីឡា បានប្រកាសឲ្យដឹងជាសាធារណៈថា បើទោះបីជាពិធីមង្គលការរវាងនាងនិងគូស្នេហ៍វ័យប្រហែលគ្នា មិនអាចឈានដល់គោលដៅ តាមប្រពៃណីនោះទេ គឺនាងគិតឃើញនូវជម្រើសពីររួចជាស្រេច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់តារាកំប្លែងកញ្ញា វ៉ាន់ នីឡា នេះបាននឹងកំពុងធ្វើឲ្យទស្សនិកជននិងអ្នកគាំទ្រ មានការចាប់អារម្មណ៍សារថ្មី ក្រោយពេលកន្លងមកនាង ធ្លាប់បានប្រកាសម្តងរួចមកហើយនូវការរៀបមង្គលការលក្ខណៈខ្នាតតូច។ ប៉ុន្តែកាលនោះ បន្ទាប់ពីមានការផ្សព្វផ្សាយនិងចែករំលែកព័ត៌មាន ក៏ត្រូវបានលោក សុវណ្ណ រិទ្ធី ដែលត្រូវជាឪពុកចេញមុខបកស្រាយថា សម្តីកូនស្រីដែលសរសេរនោះ គ្រាន់តែជាការលេងសើចប៉ុណ្ណោះ។

ជាថ្មីម្តងទៀត ក៏ស្រាប់តែតារាកំប្លែងស្រីកញ្ញា វ៉ាន់ នីឡា បានថ្លែងសារបង្ហាញអំពីគោលបំណងរបស់ខ្លួនចំនួនពីរចំណុចដូច្នេះថា ប្រសិនជានាងមិនបានរៀបមង្គលការទេ ខ្លួនមានជម្រើសពីររួចជាស្រេច គឺ១. ធ្វើពិធីសែនព្រេនបែបប្រពៃណី និង២. រៀបចំចុះអេតាស៊ីវិលស្របច្បាប់។ថ្វីត្បិតតែកញ្ញា វ៉ាន់ នីឡា បានថ្លែងបែបនេះក្តី តែទស្សនិកជនមិនទាន់ដឹងច្បាស់នៅឡើយទេថា សម្តីរបស់នាងនេះ ជាការពិតឬយ៉ាងណានៅឡើយទេ។

គេចាំបានថា បើតាមគម្រោងដែលគ្រោងទុកតារាកំប្លែងកញ្ញា វ៉ាន់ នីឡា នឹងត្រូវដឹកដៃគូស្នេហ៍បណ្ដូលចិត្តរៀបចំពិធីមង្គលការ តាមប្រពៃណីនៅថ្ងៃទី១៦ ខែឧសភា ឆ្នាំ២០២០។ ប៉ុន្តែក្រោយមក ក៏ត្រូវបានសាមីខ្លួននិងក្រុមគ្រួសារ បានប្រកាសលើកពន្យារពេលទៅវិញ ដោយសារតែមមាញឹកជាមួយការងារនិងបញ្ហាជំងឺកូវីដ-១៩ ទើបត្រូវបានផ្អាកជាបន្ទាន់ខណៈពិធីមង្គលការនេះ ត្រូវលើកមកអំឡុងខែវិច្ឆិកាឆ្នាំ២០២០ តែជារឿងចៃដន្យពេលនេះ ក៏កើតមានជំងឺនេះជាថ្មីឡើងវិញ៕

អត្ថបទ៖ ចាន់រ៉ា

សូមចុចអាន៖ ធ្លាយកាន់តែច្បាស់មុខមាត់ពិតនារីគូស្នេហ៍ ខេម ដែលជាអាណិកជនខ្មែរនៅបារាំង

Related Topics:វ៉ាន់ នីឡា