លោកតា វ៉ិចទ័រ ប្រាប់មូលហេតុបញ្ចូលតារាកំប្លែង២រូប ក្រោយ ខ្ញុង ត្រូវផ្អាក

អ្នកគាំទ្រ និងមហាជនកាន់តែមានការចាប់អារម្មណ៍ខ្លាំង ក្រោយលេចឮដំណឹងថា លោក សុវ ណ្ណ រិទ្ធី ហៅតា វ៉ិចទ័រ ដែលជាអ្នកដឹកនាំកម្មវិធីកម្សាន្ដរបស់ស្ថានីទូរទស្សន៍ CTN និងក្រុមកំប្លែង CBS បានសម្រេចបញ្ចូលតារាកំប្លែងចំនួនពីររូបទៅក្នុងក្រុមកំប្លែង CBS បន្ទាប់ពី ខ្ញុង ត្រូវបានផ្អាក។

ប្រាប់កម្ពុជាថ្មីនៅរសៀលថ្ងៃទី ២៧ខែតុលាឆ្នាំ ២០២១នេះ លោកតា វ៉ិចទ័រ បានបញ្ជាក់ថា ដំណឹងនេះជាការពិត។លោកឲ្យដឹងទៀតថា សម្រាប់តារាកំប្លែងប្រុសពីររូបនោះរួមមាន នាយ ចាប ចៀន និងពូណុយ ដែលត្រូវបង្ហាញខ្លួននៅក្នុងកម្មវិធីពីរគ្រួសារ។

លោកតា វ៉ិចទ័រ បន្តទៀតថា ចំពោះមូលហេតុដែលត្រូវបានជ្រើសរើសពួកគាត់មកចូលរួមកំប្លែងក្នុងក្រុមដោយសារ​ទី១.មើលឃើញពីពេទ្យកោសល្យរប ស់តារាកំប្លែង២ដួងនេះ និងទី២.នេះក៏ជាការចង្អុលបង្ហាញនិងស្នើរសុំរបស់​គណ:គ្រប់គ្រង CBSផងដែរ។

លោកបន្ថែមថា ម្យ៉ាងទៀតព្រោះយើងចង់ឲ្យមានការចូលរួមបែបនេះទើបការងារមានការអភិវឌ្ឍន៍សម្រាក់ការសម្តែង។ជាមួយគ្នានេះដែរលោកតា វ៉ិចទ័រ ក៏បានបង្ហាញក្តីរឹពឹងថាសន្ទុះនៃការគាំទ្ររបស់មហាជននឹងមានការកើនឡើងច្រើនផងដែរក្រោយអ្នកកំប្លែង២ដួងនេះបង្ហាញវត្តមាន៕

អត្ថបទ៖ ចាន់រ៉ា