ចូលរួមសោកស្តាយ! សួស វីហ្សា ជួបទុក្ខធំ បាត់បង់មនុស្សជាទីគោរពស្រឡាញ់

នេះគឺជាដំណឹងមរណទុក្ខដ៏ក្រៀមក្រំបំផុតសម្រាប់់តារាចម្រៀង អ្នកនាង សួស វីហ្សា និងក្រុមគ្រួសារនៅពេលនេះ ខណៈនាងបាន និងកំពុងជួបទុក្ខដ៏សោកសៅក្រោយពីបាត់បងមនុស្សជាទីគោរពស្រឡាញ់។

បើតាមការបញ្ជាក់ឱ្យដឹងពីសំណាក់ អ្នកនាង សួស វីហ្សា នៅរសៀល ថ្ងៃទី០៣ ខែមិថុនា ឆ្នាំ២០២២នេះ បានលើកឡើងថា មនុស្សជាទីស្រឡាញ់ដែលបានចាកចេញពីនាង និងក្រុមគ្រួសារនោះ គឺជាលោកអ៊ុំបង្កើតនាង ពោលត្រូវជាបងប្រុសលោកឪពុកនាងតែម្តង។

អ្នកនាង សួស វីហ្សា បានរៀបរាប់ក្តុកក្តួលថា៖ “០៣ ០៦ ២០២២ ពេលនេះអ៊ំប្រុសជាទីគោរពស្រឡាញ់របស់ក្មួយៗ បានលាចាកលោកនេះទៅចោលក្មួយៗ និងកូនចៅរហូតហើយ ដោយរោគាពាធ លោកអ៊ំត្រូវជាបងប្រុសបង្កើតរបស់ឪពុកខ្ញុំ”។

អ្នកនាង សួស វីហ្សា និយាយទៀតថា លោកអ៊ំជាមនុស្សមានព្រហ្មវិហារធម៌ អ៊ំតែងប្រដៅទូន្មានកូនចៅគ្រប់គ្នាឱ្យរស់នៅមានគុណធម៌ អ៊ំជាមនុស្សម្នាក់ដែលគួរឱ្យគោរពស្រឡាញ់ណាស់ តែធ្វើម៉េចវាគឺជាច្បាប់ធម្មជាតិ កើត ចាស់ ឈឺ ស្លាប់ ចង់គេចក៏គេចមិនបាន។ កូនក្មួយទាំងអស់គ្នាមានតែសូមគោរពជូនដំណើរអ៊ំ សូមលោកអ៊ំបានធ្វើដំណើរទៅកាន់ទីបរមសុខ សូមអ៊ំបានទៅដល់ទីស្ងប់សុខរួចចាកផុតទុក្ខ និងបានទៅដល់សួគ៌ឋាននិព្វានកុំបីឃ្លៀងឃ្លាតឡើយ។

តាមរយៈការបង្ហោះសារនេះ មានទស្សនិកជន និងអ្នកគាំទ្រ ព្រមទាំងមិត្តភក្តិសិល្បៈមួយចំនួន ផ្ញើសារចូលរួមរំលែកទុក្ខជាមួយតារាចម្រៀងអ្នកនាង សួស វីហ្សា និងក្រុមគ្រួសារផងដែរ៕

អត្ថបទ៖ ចាន់រ៉ា