Connect with us

ជីវិតកម្សាន្ដ

តារាស្រីកូរ៉េខាងត្បូង ៥ ដួង មានវាសនាខ្ពស់ រៀបការជាមួយស្វាមីមហាសេដ្ឋី

បានផុស

នៅ

តារាស្រីល្បី ៥ ដួងខាងក្រោមនេះ មានជីវិតរស់នៅល្អទាំងក្នុងនិងក្រៅឆាក បន្ទាប់ពីរៀប​អាពាហ៍ពិពាហ៍ជាមួយស្វាមីអ្នកមានលុយ និងជា​មហាសេដ្ឋី​ប្រចាំ​ប្រទេសផងដែរ។

ខាងក្រោមនេះ ជាតារា​ស្រីកូរ៉េខាងត្បូង ៥ ដួង​ ដែលបានរៀបការជាមួយកូនអ្នកមានប្រចាំប្រទេស៖

១ Jun Ji hyun

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឆ្នាំ ២០១២ តារាស្រីរូបនេះ​បានរៀបការជាមួយមិត្តប្រុសដែលមិនមែនជាតារាល្បីឈ្មោះ Choi Joon-hyuk ដែល​ជាមិត្តរបស់នាង តាំងពីរៀននៅវិទ្យាល័យ។ ក្នុងនោះ​បានបង្ហាញថា​ប្តីរបស់នាង​មកពី​គ្រួសារ​ដ៏​ល្បីល្បាញ ខណៈជីដូនរបស់គាត់ ជាអ្នករចនាម៉ូដហាន់បុកដ៏ល្បីល្បាញ ហើយ​ជីតា​នៅក្នុងអាជីវកម្មដែក។ ចំណែកស្វាមីរបស់នាង ​​ធ្លាប់ធ្វើការនៅធនាគារ Bank of America មុនពេលក្លាយជា CEO គ្រប់គ្រង​អាជីវកម្ម​របស់​គ្រួសារ។ កាសែត Maeil Business បានលាតត្រដាងថា ក្នុងឆ្នាំ ២០២០ លោក Choi Joon-hyuk បានក្លាយជាម្ចាស់​ភាគហ៊ុនធំ​ជាងគេរបស់ Alpha Assets បន្ទាប់ពីទទួលបានការកើនឡើង​ចំនួនប្រាំពីរនៃ​ការលក់រហូតដល់ជាង ១០.៩ ពាន់លាន​វ៉ុនរបស់កូរ៉េខាងត្បូង (៩.១លានដុល្លារ) ។

២ Soo hyun

នាង​ត្រូវបានគេស្គាល់ថា ជាតួស្រីល្អបំផុតសម្រាប់តួនាទីហូលីវូដ​នៅក្នុងរឿង Avengers: Age of Ultron និង Fantastic Beasts: The Crimes of Grindelwald ។ នាងបានរៀបការ​ជាមួយអ្នកជំនួញជនជាតិ​អាមេរិកដើមកំណើត Cha Min-geun (ត្រូវបានគេស្គាល់ផងដែរថាជា Matthew Shampine ) អតីតអ្នកគ្រប់គ្រង​ទូទៅ​នៃ WeWork Korea ។ យោងតាមសារព័ត៌មាន JoongAng Daily របស់​កូរ៉េ គាត់បានចូលរួម WeWork តាំងពីដំបូង ហើយបានឈានជើងឡើង​ដឹកនាំការ​ចាប់ផ្តើម​អាជីវកម្មមួយនៅ​កូរ៉េ។ ប្តីប្រពន្ធនេះបានរៀបការនៅសណ្ឋាគារ Shilla ដែល​គេ​ស្គាល់​ថា​ជា​កន្លែង​អាពាហ៍ពិពាហ៍ថ្លៃបំផុតមួយ នៅក្នុងប្រទេស។

៣ Han Chae young

ត្រូវបានគេដាក់រហ័សនាម “Barbie កូរ៉េ” នាង​ទទួលបាន​ភាពល្បីល្បាញ​បន្ទាប់ពីបាន​សម្តែងក្នុងរឿងភាគឆ្នាំ ២០០៥ រឿង Delightful Girl Chun-hyang ។ ក្នុងឆ្នាំ ២០០៧ នាងបាន​រៀបការ​ជាមួយ​ពាណិជ្ជករ​ជនជាតិ​អាមេរិក​ដើម​កំណើត​កូរ៉េ Choi Dong-jun ដែល​មក​ពី​គ្រួសារ​ហិរញ្ញវត្ថុ​ មាន​ទ្រព្យសម្បត្តិស្តុកស្តម្ភជាអនុប្រធានក្រុមហ៊ុន Medcare Korea និងជា​នាយក​ប្រតិបត្តិ​នៃ​ក្រុមហ៊ុន HBK Technology ។ ហើយជាការពិតណាស់ នេះ​គឺជាគូស្វាមីភរិយាមួយក្នុងចំណោមគូស្នេហ៍ ដែលរៀបចំពិធីមង្គលការធំ​បំផុត។ ដោយសារតែមានការលាតត្រដាងថាពួកគេបានចំណាយប្រាក់ជាង ៧ ពាន់លានវ៉ុន​ ដើម្បីផ្តល់ចិញ្ចៀនពេជ្រ ៥ ការ៉ាត់ និងរថយន្តស្ព័រប្រណីតសម្រាប់នាង ឥឡូវនេះ គូស្នេហ៍មួយគូនេះ បានផ្លាស់ទៅរស់នៅក្នុងផ្ទះ​អាពាហ៍ពិពាហ៍ទំហំ ៥,០០០០ ហ្វីតការ៉េ នៅ Cheongdam-dong ថែមទៀត។

៤ Lee Si young

នាងបានរៀបការ​ជាមួយ Cho Seung-hyun ដែលជាអ្នកជំនួញវ័យក្មេង Chosun Ilbo ជា​ម្ចាស់​ហាង​យីហោ​ភោជនីយដ្ឋាន​មួយ​ឈ្មោះ Cho បាន​បង្កើតអាជីវកម្មតាំងពីដំបូងក្នុងវ័យ២០ ឆ្នាំ ហើយ​មាន​ប្រាក់ចំណូល​ពី​ការលក់ប្រចាំឆ្នាំប្រហែល ២.៥ ពាន់លានវ៉ុននៅឆ្នាំ ២០២១ នេះបើយោងតាម ​​Chosun Ilbo ។ ប៉ុណ្ណឹង​មិន​គ្រប់​ទេ គាត់​ក៏​មាន​មុខ​របរ​លក់​អាហារ និង​ភេសជ្ជៈ រួមទាំងការបើករបារនៅលើដំបូលនៅ Cheongdam-dong ភោជនីយដ្ឋានកូរ៉េ BBQ និងច្រើន​ទៀត។

៥ Shin Joo ah

នៅក្នុងឆ្នាំ ២០១៤ នាងបានរៀបការជាមួយអ្នកជំនួញចិន-ថៃ ជំនាន់​ទីពីរគឺលោក Sarawut Ratchanakul ដែល​ជាអ្នកស្នងមរតកពីអាជីវកម្មថ្នាំ​លាប​ដ៏​ល្បីល្បាញ។ អ្នក​ទាំង​ពីរ​រស់​នៅ​ប្រទេស​ថៃ ហើយជារឿយៗចែករំលែករបៀបរស់នៅ​ដ៏​ប្រណីត​របស់នាង និង​វិមាន​ដ៏​ធំ​របស់​គ្រួសារ​នាង​នៅ​លើ​បណ្តាញសង្គម​ជានិច្ច៕

ប្រែសម្រួល៖ សាង ស្រីល័ក្ខ

ចុចអាន៖Lisa ឈ្នះពានរង្វាន់ Best K-Pop ពីកម្មវិធី VMA (មានវីដេអូ)

ចុចអាន៖មកដឹងតារាចម្រៀងដែលកាន់ពានរង្វាន់ MTV VMA ច្រើនជាងគេត្រឡប់មកផ្ទះវិញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម