ជាប់ពន្ធនាគារជាងមួយខែ Pinky បង្ហាញខ្លួនលើកដំបូង នៅមុខតុលាការ

តារាសម្ដែង Pinky Savika បង្ហាញខ្លួនជាលើកដំបូង ជាមួយនឹងម៉ូដសក់កាត់ខ្លី និងដើរជើងទទេ ពេលចុះពីឡាននៅពីមុខអគារតុលាការ ក្រោយជាប់ឃុំជាងមួយខែ​ ពាក់ព័ន្ធរឿងក្ដីបោកប្រាស់លុយតាមប្រព័ន្ធអ៊ីនធឺណិត។

កាលពីថ្ងៃទី២៦ ខែកញ្ញា ឆ្នាំ២០២២ តុលាការព្រហ្មទណ្ឌថៃ បានកំណត់ពេលពិនិត្យភស្តុតាងក្នុងសំណុំរឿងបោកប្រាស់ប្រាក់ជាង ៥៣លានដុល្លារ ទៅលើជនចោទចំនួន ១៩នាក់ ដែលក្នុងនោះរួមមានតារាស្រី Pinky ប្អូនប្រុស និងម្ដាយរបស់នាងផងដែរ។

ប៉ូលិសបាននាំខ្លួន Pinky Savika អ្នកស្រី Aoi Sarinya ដែលត្រូវជាម្ដាយ រួមជាមួយប្អូនប្រុសរបស់នាង Kittichet និងជនជាប់ចោទផ្សេងទៀតចេញពីពន្ធនាគារទៅកាន់តុលាការព្រហ្មទណ្ឌ ដើម្បីពិនិត្យភស្តុតាង។

យ៉ាងណាមិញ ការឡើងតុលារលើកនេះ ត្រូវបានពន្យារពេលធ្វើសក្ខីកម្មហូតដល់ថ្ងៃទី២៩ ខែវិច្ឆិកា ឆ្នាំ២០២២ ដោយសារឯកសារពាក់ព័ន្ធនឹងសំណុំរឿងមានចំនួនច្រើនប្រហែល ៥០០ឯកសារ ដូច្នេះមេធាវីចុងចោទត្រូវការពេលវេលាដើម្បីពិនិត្យ។

ក្រោយចេញពីតុលាការមក Pinky ដែលកាត់សក់ខ្លីត្រឹមស្មា ពុំមានពាក់ស្បែកជើង បានដើរចាប់ដៃម្ដាយ ហើយញញឹមលើកដៃ Okay ដាក់អ្នកសារព័ត៌មាន បង្ហាញថានាងមិន​សូវជា​តានតឹងខ្លាំង​នោះទេ៕

ប្រែសម្រួល៖ សន្យា

ចុចអាន៖ ប្រវត្តិខ្លះៗរបស់ Pinky មុនជួបរឿងក្ដី រហូតបញ្ជូនខ្លួនចូលមន្ទីរឃុំឃាំង

ចុចអាន៖ រឿងភាគចិនមួយត្រូវដកចេញពីប្រព័ន្ធផ្សព្វផ្សាយ ក្រោយបង្ហាញឈុតលូកចាប់សុដន់តួស្រី