Connect with us

ជីវិតកម្សាន្ដ

ប្រវត្តិខ្លះៗរបស់ Pinky មុនជួបរឿងក្ដី រហូតបញ្ជូនខ្លួនចូលមន្ទីរឃុំឃាំង

បានផុស

នៅ

Pinky Savika បានចូលប្រឡូកក្នុងវិស័យសិល្បៈតាំងពីឆ្នាំ១៩៩៣ មកម្ល៉េះ ហើយនាងត្រូវមហាជនស្គាល់តាំងពីកុមារភាពផងដែរ។ តារាស្រីវ័យ ៣៦ឆ្នាំរូបនេះ តស៊ូសម្ដែងជាតួរាយរងតាំងពីក្មេងៗ ទម្រាំនាងមានឈ្មោះសំឡេង រហូតអាចចូលខ្លួនជាតារាកុងត្រាក្រោមប៉ុស្តិ៍លេខ ៧។ បន្ទាប់ពីដណ្ដើមបានប្រជាប្រិយភាពពីទស្សនិកជន Pinky បានចូលខ្លួនសម្ដែងក្នុងភាពយន្តខ្នាតធំ ហើយរឿងដែលធ្វើឱ្យទស្សនិកជនកាន់តែគាំទ្រនាងទ្វេដងគឺរឿង “ទាសករស្នេហ៍” ។ ក្រៅពីសម្ដែងនាងក៏ជាតារាម៉ូដែលមួយរូប និងត្រូវប៉ាន់ថតផ្សាយពាណិជ្ជកម្មឱ្យប្រេនធំៗនៅក្នុងប្រទេសយ៉ាងច្រើនទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលចប់កុងត្រាជាមួយប៉ុស្ដិ៍លេខ៧ Pinky ធ្លាប់ផ្ទុះរឿងអាស្រូវទាក់ទងជាមួយប្ដីគេ រហូតវាក្លាយជាព័ត៌មានក្ដៅគគុក ធ្វើឱ្យប៉ះពាល់​ដល់​ជីវិត​ផ្ទាល់​ខ្លួនរបស់នាង រួម​ទាំង​ការងារ​ក្នុង​វិស័យ​កម្សាន្ត​ផងដែរ។ ក្រោយផ្ទុះរឿងនេះ នាងបាន​បាត់​មុខពី​វិស័យ​កម្សាន្តថៃ​ ហើយទៅ​ថត​រឿង​បូលីវូដ​នៅ​ឥណ្ឌា​មួយ​រយៈ។

ក្រោយមក Pinky ចាប់​ផ្តើម​មាន​ទំនាក់​ទំនង​ជាមួយ​នឹង​លោក​ Petch Itthi Chavalithamrong ជា​អ្នក​ជំនួញ​អចលន​ទ្រព្យម្នាក់នៅក្នុងប្រទេស។ បន្ទាប់ស្វែងយល់ចិត្តគ្នាមួយរយៈ អ្នកទាំងពីសម្រេចចិត្ត​រៀប​ការ​នៅ​ថ្ងៃ​ទី​១២ ខែ​កញ្ញា ឆ្នាំ​២០១៤ នៅ​សណ្ឋាគារ​ដ៏​ល្បី​មួយ​កណ្តាល​ក្រុង​ប៉ាតាយ៉ា។ គូស្នេហ៍​មួយ​គូ​នេះ​រស់នៅ​ជាមួយ​គ្នា​ជាង​៣​ឆ្នាំ ស្រាប់តែលេចឮ​ពាក្យ​ចចាមអារ៉ាម ​ពួកគេ​បាន​បែក​គ្នា។ មិនយូរប៉ុន្មាន Pinky ចេញ​មុខ​សារភាព​ថា ពួក​គេ​ពិត​ជា​បាន​បែក​គ្នា​មែន។ មូលហេតុ​គឺ​ដោយសារ​រស់នៅមិនចុះសម្រុងនឹងគ្នា​ ព្រោះស្វាមីរបស់ចង់រកស៊ី ប៉ុន្តែ​នាង​មិន​ពូកែខាងជំនួញ​ នាងមាននិស្ស័យ​តែខាងសិល្បៈប៉ុណ្ណោះ។

អំឡុងនៅជាភរិយាសេដ្ឋីអចលនទ្រព្យ និងមិនបានលេចមុខក្នុងវិស័យសិល្បៈឡើយ។  ទាល់តែប្រកាសបែកគ្នាជាមួយអតីតស្វាមីជាផ្លូវការ ទើបនាងវិលចូលពិភពកម្សាន្តវិញក្នុងនាមជាតារាឯករាជ្យ ប៉ុន្តែកេរ្តិ៍ឈ្មោះរបស់នាងហាក់ថមថយជាងមុន។ ទោះយ៉ាងណា ក្រោយលែងលះ នាងបង្ហាញមុខក្នុងរឿងភាគ និងភាពយន្តខ្នាតធំមួយចំនួន។ ទន្ទឹមនឹងអាជីពស​ម្ដែង Pinky ក៏ជាអ្នកលក់អនឡាញម្នាក់ផងដែរ។

ទើបតែថ្មីៗនេះ នាងត្រូវបានចោទប្រកាន់ពីតុលាការ រហូតបញ្ជូនខ្លួនចូលពន្ធនាគារ ពាក់ព័ន្ធនឹងករណីបោកប្រាស់ប្រាក់ នៅក្នុងក្នុងក្រុមហ៊ុន FOREX-3D។ ក្នុង​ករណី​នេះ មាន​ជនរងគ្រោះ​ចំនួន ៩,៨០៤ នាក់ ដែល​បាន​ដាក់​ពាក្យ​បណ្តឹង ​តាំងពីខែតុលា ឆ្នាំ២០១៩ មកម្ល៉េះ។ ជនរងគ្រោះទាំងនោះ ប្ដឹងសំណងខូចខាតប្រមាណ ៥៣លានដុល្លារពី Pinky ។ ប៉ុន្តែកាលណោះ Pinky អះអាងនៅក្នុងបទសម្ភាសន៍ថានាងក៏ជាជនរងគ្រោះម្នាក់ដែរ ដោយនាង​វិនិយោគ​អស់​ជាង ​១០​លាន​បាត ហើយរហូតដល់​បច្ចុប្បន្ន​​នាងក៏គ្មាននរណា​សងការខូចខាតដូចគ្នា។

យ៉ាងណាមិញ នៅ​ថ្ងៃ​ទី​១៨ ខែ​សីហា ឆ្នាំ​២០២២ Pinky និងម្ដាយត្រូវតុលាការព្រហ្មទណ្ឌបង្គាប់ឱ្យបញ្ជូនខ្លួនចូលមន្ទីរឃុំឃាំង ក្នុងសំណុំរឿងឆបោកប្រាក់ Forex-3D Pony Scheme៕

ប្រែសម្រួល៖ សន្យា

ចុចអាន៖ ប៉ូលិសថៃបញ្ជូនខ្លួន Pinky និងម្ដាយទៅពន្ធនាគារ ពាក់ព័ន្ធសំណុំរឿងបោកប្រាស់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៤១ នាទី មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា១ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ១ ម៉ោង មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

ព័ត៌មានជាតិ២ ម៉ោង មុន

សមត្ថកិច្ច​ចុះបង្ក្រាបបទល្មើសនេសាទ​នៅស្រុកជល់គីរី​កម្ទេចរបាំងសាច់អួន​១ ពាន់ម៉ែត្រ​​

ជីវិតកម្សាន្ដ២ ម៉ោង មុន

ល្បីថា តួឯកប្រុសក្នុងរឿង “កប៉ាល់ Titanic” លួចទាក់ទងស្នេហាជាមួយតារាបង្ហាញម៉ូដ Gigi Hadid

Sokha Hotels

ព័ត៌មានពេញនិយម