ក្រុមចម្រៀងកូរ៉េ BLACKPINK និង BTS ត្រូវបានជ្រើសរើសឈ្មោះសម្រាប់ដណ្តើមពានរង្វាន់ពីកម្ម​វិធី ‘2023 Nickelodeon Kids’ Choice Awards’ ដែលជាគឺជាកម្មវិធីប្រគល់រង្វាន់ប្រចាំឆ្នាំរបស់កុមារអាមេរិក។

កាលពីថ្ងៃទី ៣១ ខែមករា កម្មវិធីប្រគល់ពានរង្វាន់ ‘2023 Nickelodeon Kids’ Choice Awards’ បានប្រកា សបញ្ជីឈ្មោះបេក្ខភាពពេញលេញរបស់ខ្លួន។ ក្នុងចំណោមនោះមានក្រុម K-pop ធំៗចំនួនពីរគឺ BLACKPINK និង BTS ក៏មានឈ្មោះក្នុងបញ្ជីជាថ្មីម្តងទៀតសម្រាប់ការដណ្តើមពានរង្វាន់នៅឆ្នាំនេះ។

ជាមួយគ្នានេះ BTS និង BLACKPINK ពួកគេត្រូវបានដណ្តើមពានរង្វាន់ ‘Favorite Music Group’ ជាមួយក្រុមចម្រៀងល្បីៗរួមមាន 5 Seconds of Summer , Black Eyed Peas, Imagine Dragons,OneRepublic, Panic! At The Disco និង Paramore ។ ជាពិសេស BLACKPINK ក្រុមនេះក៏ត្រូវដណ្តើមពានរង្វាន់ ‘Favorite Global Music Star’ ដែលតំណាងឱ្យអាស៊ីដោយមានបេក្ខភាពចូលរួមមាន Bad Bunny, Harry Styles, Rosalía, Taylor Swift, Tones and I និង Wizkid ។

ទន្ទឹមនឹងនេះ កម្មវិធីប្រគល់ពានរង្វាន់ ‘2023 Nickelodeon Kids’ Choice Awards’ នឹងប្រព្រឹត្តទៅនៅរោងមហោស្រព Microsoft ក្នុងទីក្រុង Los Angeles នៅថ្ងៃទី ៤ ខែ មីនា វេលាម៉ោង ៧ យប់ផងដែរ៕

ប្រែសម្រួល៖នាងតូច

ចុចអាន៖BLACKPINK ក្លាយជាក្រុម K-Pop ដំបូងគេ ដែលប្រគំតន្ត្រីនៅប្រទេស ម៉ិកស៊ិក