BLACKPINK ក្លាយជាក្រុម K-Pop ដំបូងគេ ដែលប្រគំតន្ត្រីនៅប្រទេស ម៉ិកស៊ិក

BLACKPINK ក្លាយជាតារា K-Pop ដំបូងគេដែលធ្វើការប្រគំតន្ត្រីនៅកីឡដ្ឋាន Foro Sol ក្នុងប្រទេសម៉ិកស៊ិក ដោយមានសមត្ថភាពផ្ទុកអ្នកទស្សនា ៦៥ ម៉ឺននាក់ ដែលជាទីក្រុងត្រូវបន្ថែមឈ្មោះសម្រាប់ការប្រគំតន្ត្រីទេសចរណ៍ពិភពលោក “BORN PINK” ។

នៅថ្ងៃទី ១ ខែកុម្ភៈនេះ ក្រុមចម្រៀង BLACKPINK បានប្រកាសកាលបរិច្ឆេទ និងទីកន្លែងបន្ថែមសម្រាប់ដំណើរការប្រគំតន្ត្រីទេសចរណ៍ពិភពលោកដែលកំពុងបន្តរបស់ពួកគេ។ មួយក្នុងចំណោមពួកគេធ្វើការប្រគំតន្ត្រីនៅប្រទេសម៉ិកស៊ិក ដោយ BLACKPINK នឹងរៀបចំការប្រគុំតន្ត្រី ‘BORN PINK’ នៅកីឡដ្ឋាន Foro Sol នៅថ្ងៃទី ២៦ ខែមេសា។

ទន្ទឹមនឹងនេះ BLACKPINK ក៏គ្រោងនឹងសម្តែងជាតារាជួរមុខ (headliners) នៅឯការប្រគំតន្រ្តី Coachella នៅសហរដ្ឋអាមេរិកក្នុងខែមេសា ក៏ដូចជាកម្មវិធី British Summer Time (BST) Hyde Park នៅទីក្រុងឡុងដ៍ ចក្រភពអង់គ្លេសក្នុងខែកក្កដា៕

ប្រែសម្រួល៖នាងតូច

ចុចអាន៖មហាជនសម្ដែងការមិនពេញចិត្តចំពោះភាពល្បីល្បាញរបស់ Du Meizhu ថាតោង Kris Wu ល្បី