ជីវិតកម្សាន្ដ
នៅពីក្រោយការតុបតែងខ្លួនជានារីគំនូរបុរាណ នី មុន្នីនាថ ទម្លាយអត្ថន័យយ៉ាងចាក់ដោតសម្រាប់កូនខ្មែរ
កញ្ញា នី មុន្នីនាថ កន្លងមក ត្រូវបានគេស្គាល់ថាជាតារាសម្ដែងពូកែទឹកភ្នែក ដែលក្ដោបក្ដាប់បានឱកាសសម្ដែងតួឯកស្ទើរគ្រប់រឿងនៅក្នុងវិស័យភាពយន្តរបស់ខ្មែរ។ មិនតែប៉ុណ្ណោះ នាងក៏ត្រូវបានទស្សនិកជនសរសើរតាមរយៈសកម្មភាពការងារសង្គម និងជាប្រធានមូលនិធិផ្ដល់ឈាមផងដែរ។
អ្វីដែលភ្ញាក់ផ្អើលទៀតនោះ កាលពីថ្មីៗនេះ នី មុន្នីនាថ បានបង្កការចាប់អារម្មណ៍ និងផ្ទុះការកោតសរសើរពីសំណាក់មហាជនគ្រប់គ្នា បន្ទាប់ពីឃើញតារាស្រីរូបនេះបានបង្ហាញខ្លួនក្នុងការតុបតែងខ្លួនជានារីគំនូរបុរាណយ៉ាងទាក់ទាញ។ ស្របពេលរូបភាពនេះកំពុងត្រូវបានការគាំទ្រពីមជ្ឈដ្ឋានមហាជន តារាស្រី នី មុន្នីនាថ បានបញ្ចេញចំណាប់អារម្មណ៍ជុំវិញសកម្មភាពក្នុងការតុបតែងសំលៀកបំពាក់បុរាណខ្មែរ។
កញ្ញា នី មុន្នីនាថ បានរៀបរាប់ខ្លឹមសារថា តើអ្នកដឹងទេថា បុព្វបុរសខ្មែរយើងបានបន្សល់ទុកកេរដំណែលច្រើនណាស់មកដល់កូនចៅជំនាន់ក្រោយ ក្នុងនាមជាកូនខ្មែរ ត្រូវថែរក្សា និងហ៊ានបង្ហាញឲ្យគេស្គាល់។ នេះជានារីគំនូរបុរាណ ជាផ្នែកមួយ នៃការបង្ហាញវប្បធម៌ខ្មែរដល់កូនចៅជំនាន់ក្រោយឲ្យបានដឹង និងស្វែងយល់។
មុន្នីនាថ និយាយបន្តទៀតថា ឈុតដកស្រង់ចេញពីគំនូរបុរាណដែលស្ថិតនៅលើជញ្ជាំងព្រះវិហារព្រះកែវមរកត នៃព្រះបរមរាជវាំង ដោយប្រើប្រាស់គ្រឿងទាំងស្រុង នៃរូបគំនូរផាត់មុខបុរាណលាបខ្លួនស និងប្រើប្រាស់តិចនិកបិទសក់ឲ្យដូចកោរជុកតាមបែបបុរាណ ដែលស្ទើរតែគ្មានអ្នកដឹង និងស្គាល់នាពេលកន្លងមក។ ការលាបខ្លួនឲ្យសដំណាងឲ្យភាពបរិសុទ្ធស្មោះសរនៅសម័យបុរាណ គេលាបខ្លួនឲ្យស ដើម្បីថ្វាយខ្លួនឲ្យព្រះរាជា ឬលាបខ្លួនឲ្យស ដើម្បីរាំថ្វាយអាទិទេព ជាដើម។
តារាសម្ដែង នី មុន្នីនាថ លើកឡើងថា ការលាបខ្លួនឲ្យសនេះមានអត្ថន័យផ្សេងៗគ្នាទៅតាមពេលវេលាសម័យកាល និងទៅតាមប្រទេសនីមួយៗ នៃប៉ែកអាស៊ី តើមានមនុស្សប៉ុន្មាននាក់ដែលស្គាល់ការតុបតែង និងស្លៀកពាក់បែបនេះ? ខ្ញុំព្យាយាមបង្ហាញអ្វីដែលខ្មែរមាន ខ្ញុំមិនបានជួយអ្វីក្រៅពីការចែករំលែក និងថែរក្សាវប្បធម៌ដ៏មានតម្លៃតាមអ្វីដែលអាចធ្វើទៅបាននោះទេ។ នី មុន្នីនាថ និយាយថា “ខ្ញុំគ្រាន់តែសង្ឃឹមថា នេះជាប្រយោជន៍ដល់វប្បធម៌ខ្ញុំ បើយើងមិនស្គាល់ មិនថែ មិនបង្ហាញទេ នោះថ្ងៃណាមួយយើងនឹងបាត់បង់”៕
អត្ថបទ ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង