ជីវិតកម្សាន្ដ

វ៉ាន់ ប៊ី បវរកញ្ញាភេទទី ៣ តំណាងកម្ពុជា ត្រៀមកាន់ទង់ជាតិខ្មែរទៅប្រកួតនៅថៃ

បានផុស

៣ years មុន

នៅ

ថ្ងៃសៅរ៍ ២៧ ឧសភា ២០២៣

ដោយ

ម្ចាស់មកុដដែលជាភេទទី ៣ នៃការប្រកួត Miss Queen Cambodia២០២២ កញ្ញា វ៉ាន់ ប៊ី ត្រូវបានអ្នកគាំទ្រដឹងហើយថា នាងជាបវរកញ្ញាកំពូលសម្រស់ មានទាំងសមត្ថភាពដើរម៉ូដ និងចំណេះដឹងទូទៅ។ យ៉ាងណាបន្ទាប់ពីបានក្លាយជាម្ចាស់មកុដដ៏សក្ដិសមមួយនេះ បវរកញ្ញាភេទទី ៣ វ៉ាន់ ប៊ី ក៏បានត្រៀមខ្លួនទៅចូលរួមប្រកួតលើឆាកអន្តជាតិនាពេលឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមដំណឹង កញ្ញា វ៉ាន់ ប៊ី ត្រូវធ្វើដំណើរចាកចេញទៅប្រកួតនៅលើទឹកដីប្រទេសថៃ នាថ្ងៃទី ១២ ខែមិថុនា ឆ្នាំ ២០២៣ ដើម្បីតំណាងឲ្យកម្ពុជាក្នុងវេទិកា Miss International Queen២០២៣ ដែលមានបេក្ខភាពមកពីប្រទេសផ្សេងៗ ចូលរួមប្រកួតដណ្ដើមមកុដ។ ការចេញទៅប្រកួតនេះ នឹងនាំយកប្រទេសកម្ពុជា ទង់ជាតិកម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជា ទៅបង្ហាញនៅលើឆាកអន្តរជាតិ។

នៅលើទំព័រហ្វេសប៊ុករបស់កញ្ញា វ៉ាន់ ប៊ី ក៏បានសរសេរដោយសូមការគាំទ្រ និងលើកទឹកចិត្តដល់រូបនាង ក្នុងការចេញទៅប្រកួតនេះដែរ។ វ៉ាន់ ប៊ី បានលើកឡើងថា «ជម្រាបសួរពុកម៉ែបងប្អូន និងប្រជាជនកម្ពុជាទាំងអស់ នាងខ្ញុំ Vanbe បវរកញ្ញាភេទទី ៣ កម្ពុជា ២០២២ Miss Queen Cambodia តំណាងកម្ពុជាចូលរួមប្រកួតក្នុងកម្មវិធីដ៏ធំសម្រាប់ភេទទី ៣ Miss International Queen Pageant នៅប្រទេសថៃ ក្នុងខែ ៦ ខាងមុខនេះហើយ។

បវរកញ្ញារូបនេះបន្ថែមថា «អរគុណបងប្អូនទាំងអស់គ្នាសម្រាប់ក្ដីស្រលាញ់ កម្លាំងចិត្ត និងការជូនពរមកកាន់នាងខ្ញុំ។ នាងខ្ញុំសង្ឃឹមថា បងប្អូនទាំងអស់ នៅតែបន្តគាំទ្រមកលើបវរកញ្ញាភេទទី ៣ ម្នាក់នេះ ដើម្បីសម្រេចក្ដីស្រមៃ ដោយយើងរួមគ្នាលុបបំបាត់ការរើសអើងភេទជាសកល»៕

អត្ថបទ ៖ ចាន់រ៉ា