ជីវិតកម្សាន្ដ
វ៉ាន់ ប៊ី បវរកញ្ញាភេទទី ៣ តំណាងកម្ពុជា ត្រៀមកាន់ទង់ជាតិខ្មែរទៅប្រកួតនៅថៃ
ម្ចាស់មកុដដែលជាភេទទី ៣ នៃការប្រកួត Miss Queen Cambodia២០២២ កញ្ញា វ៉ាន់ ប៊ី ត្រូវបានអ្នកគាំទ្រដឹងហើយថា នាងជាបវរកញ្ញាកំពូលសម្រស់ មានទាំងសមត្ថភាពដើរម៉ូដ និងចំណេះដឹងទូទៅ។ យ៉ាងណាបន្ទាប់ពីបានក្លាយជាម្ចាស់មកុដដ៏សក្ដិសមមួយនេះ បវរកញ្ញាភេទទី ៣ វ៉ាន់ ប៊ី ក៏បានត្រៀមខ្លួនទៅចូលរួមប្រកួតលើឆាកអន្តជាតិនាពេលឆាប់ៗខាងមុខនេះ។
បើតាមដំណឹង កញ្ញា វ៉ាន់ ប៊ី ត្រូវធ្វើដំណើរចាកចេញទៅប្រកួតនៅលើទឹកដីប្រទេសថៃ នាថ្ងៃទី ១២ ខែមិថុនា ឆ្នាំ ២០២៣ ដើម្បីតំណាងឲ្យកម្ពុជាក្នុងវេទិកា Miss International Queen២០២៣ ដែលមានបេក្ខភាពមកពីប្រទេសផ្សេងៗ ចូលរួមប្រកួតដណ្ដើមមកុដ។ ការចេញទៅប្រកួតនេះ នឹងនាំយកប្រទេសកម្ពុជា ទង់ជាតិកម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជា ទៅបង្ហាញនៅលើឆាកអន្តរជាតិ។
នៅលើទំព័រហ្វេសប៊ុករបស់កញ្ញា វ៉ាន់ ប៊ី ក៏បានសរសេរដោយសូមការគាំទ្រ និងលើកទឹកចិត្តដល់រូបនាង ក្នុងការចេញទៅប្រកួតនេះដែរ។ វ៉ាន់ ប៊ី បានលើកឡើងថា «ជម្រាបសួរពុកម៉ែបងប្អូន និងប្រជាជនកម្ពុជាទាំងអស់ នាងខ្ញុំ Vanbe បវរកញ្ញាភេទទី ៣ កម្ពុជា ២០២២ Miss Queen Cambodia តំណាងកម្ពុជាចូលរួមប្រកួតក្នុងកម្មវិធីដ៏ធំសម្រាប់ភេទទី ៣ Miss International Queen Pageant នៅប្រទេសថៃ ក្នុងខែ ៦ ខាងមុខនេះហើយ។
បវរកញ្ញារូបនេះបន្ថែមថា «អរគុណបងប្អូនទាំងអស់គ្នាសម្រាប់ក្ដីស្រលាញ់ កម្លាំងចិត្ត និងការជូនពរមកកាន់នាងខ្ញុំ។ នាងខ្ញុំសង្ឃឹមថា បងប្អូនទាំងអស់ នៅតែបន្តគាំទ្រមកលើបវរកញ្ញាភេទទី ៣ ម្នាក់នេះ ដើម្បីសម្រេចក្ដីស្រមៃ ដោយយើងរួមគ្នាលុបបំបាត់ការរើសអើងភេទជាសកល»៕
អត្ថបទ ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង