ចូលរួមមង្គលការ Mark-Kim ម្ដង Janie តែងខ្លួនសិចស៊ីមួយអស់ដៃ

ពិធីមង្គលការរបស់ Mark Prin និង Kimberly បានប្រារព្ធធ្វើឡើងកាលពីថ្ងៃទី១២ ខែវិច្ឆិកា ដោយមានតារាជាច្រើនបានមកចូលរួមអបអរសាទរដល់គូស្នេហ៍តារាសម្ដែង។ ក្នុង​នោះ​មាន Janie Tienphosuwan ក៏ត្រូវបានអញ្ញើញឲ្យចូលរួម​កម្មវិធី​នេះផងដែរ។

ក្នុងនោះផងដែរ Janie បានស្លៀកឈុតពណ៌ផ្កាឈូក​បង្អួត​រាង​ស្រឡូន​និងសិចស៊ី​​ប្រៀបបាននឹង Barbie ស័ក្តិសម​នឹង​ចង្កេះ​ស្ដើង​ទំហំ​២២​អ៊ីញដូចដែលគេល្បី។ ត្បិតថាជាសំពត់វែងអូសដៃ​ ប៉ុន្តែបើក្រឡេកមើលឲ្យមែនទែនទៅ វាជាសំពត់ឆែកកៀកនឹងគល់ភ្លៅ អមនឹងអាវដែលស្មាដៃតូចបញ្ចេញដើមទ្រូងបង្អួតភ្នែកមហាជន និងក្រុមអ្នកសារព័ត៌មានដែលបង្ហាញវត្តមានក្នុងពិធីរៀបការ។

លើសពីនេះទៀតសោត តារាសម្ដែងកូនមួយរូបនេះបានបង្ហាញរូបភាពថតជាក្រុមជាមួយមិត្តជិតស្និត និងជាមួយតារាសម្ដែង Bella Ranee ហើយ​ជា​រូបភាព​កម្រ​ចាប់តាំងពីរអ្នកទាំងពីរចាប់ដៃគ្នាសម្ដែងក្នុងរឿង “ភ្លើងស្នេហ៍ ភ្លើងឬស្យា”ឬ Plerng Boon តាំងពីឆ្នាំ២០១៧មក។

តាមរយៈរូបភាពរបស់ Janie ច្រើនសន្លឹកក្នុងពិធីរៀបការជាលើកទីពីររបស់ Mark Prin និង Kimberly បង្ហោះលើគណនីផ្ទាល់ខ្លួនធ្វើទស្សនិកជនជាច្រើនសម្រុកចូលមកបញ្ចេញមតិពោលសរសើរលើសម្រស់របស់អ្នកម្ដាយកូនមួយថា ត្បិតថានាងមានកូនមានស្វាមីក្ដី។ ប៉ុន្តែបើនិយាយពីរូបរាងនិងការរក្សាសម្រស់ តារាថៃរូបនេះពូកែមើលថែខ្លួនឯង រាប់ចាប់តាំងពីរបបអាហារនៃការទទួលទាន និងលំហាត់ប្រាណជាប់លាប់ជាដើម៕

ប្រែសម្រួល៖ សាង ស្រីល័ក្ខ

ចុចអាន៖ម្សិលមិញ ​ ​តារា​ថៃ៣គូ​ រៀបពិធី​មង្គលការព្រមគ្នាក្នុងថ្ងៃតែមួយ