ជីវិតកម្សាន្ដ

ម្ចាស់ពាន «The Rapper Cambodia» យូហៃ ចាត់ទុកជ័យជំនះបានមកពីអ្នកគាំទ្រ

បានផុស

៣ years មុន

នៅ

ថ្ងៃចន្ទ ២៥ ធ្នូ ២០២៣

ដោយ

កម្មវិធីប្រឡងចម្រៀងរ៉េបលំដាប់ថ្នាក់ពិភព លោក The Rapper Cambodia រដូវកាលទី១ ត្រូវបានបញ្ចប់ហើយនារាត្រីថ្ងៃទី២៤ ខែធ្នូ ឆ្នាំ២០៣ ដោយរកឃើញម្ចាស់ពានបានទៅលើកំលោះសង្ហា Yuu Hai (យូហៃ)។ លទ្ធផលនេះបានធ្វើមហាជន និងអ្នកគាំទ្រចូលរួមអបអរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រឡេកមកមើលសាមីខ្លួនលោក យូហៃ ក្រោយទទួលបានជ័យជំនះនៅក្នុងកម្មវិធីនេះ បានទម្លាយអារម្មណ៍រំភើបជាមួយការអរគុណចំពោះអ្នកគាំទ្រទាំងអស់គ្នា។ យូហៃ បានរៀបរាប់ថា “ខ្ញុំមិនអាចមកដល់ចំណុចនេះដោយគ្មានការគាំទ្ររបស់អ្នកទាំងអស់គ្នាទេ អរគុណយ៉ាងខ្លាំងទៅដល់អ្នកដែលបានស្រឡាញ់គាំទ្របោះឆ្នោតឲ្យខ្ញុំកន្លងមក“។

លោកបន្តថា រាល់ comment, videoនឹងពាក្យលើកទឹកចិត្តរបស់អ្នកទាំងអស់គ្នាគឺជាអ្វីដែលជម្រុញឲ្យលោកមានកម្លាំងចិត្តបន្តទៅមុខ។ ជាចុងក្រោយលោកក៏អរគុណដល់ Coach Norith ដែលបានបង្ហាត់បង្រៀន និងផ្ដល់បទពិសោធន៍ជាច្រើនមកដល់រូបលោកក្នុងរយៈពេលដ៏ខ្លីកន្លងមកនេះ។

សូមបញ្ជាក់ដែរថា ឆ្លងកាត់ការប្រឡងវគ្គជម្រុះជាច្រើនសប្តាហ៍កន្លងមកនេះ ទីបំផុតបានរកឃើញម្ចាស់ពានកម្មវិធីប្រឡងចម្រៀងរ៉េបលំដាប់ថ្នាក់ពិភពលោក The Rapper Cambodia គឺបានទៅលើបេក្ខជន Yuu Hai សម្រាប់វគ្គផ្ដាច់ព្រ័ត្រកាលពីយប់មិញ។

ប្រាកដណាស់កម្មវិធីប្រឡង «The Rapper Cambodia» គឺ ជាកម្មវិធីប្រឡងចម្រៀងបែបរ៉េបដ៏ល្បីមួយដែលមានផ្សាយលើកញ្ចក់ទូរទស្សន៍បាយ័ននិងផេកផ្លូវការរបស់ផលិតកម្មបារមីទទួលបានការគាំទ្រច្រើនពីទស្សនិកជ។ កម្មវិធី «The Rapper Cambodia »បានរៀបចំឡើងដោយផលិតកម្ម Borameyដោយមានការចូលរួមពីតារារ៉េបល្បីៗនៅកម្ពុជា ជាពិសេសតារាចម្រៀង វណ្ណដា ធ្វើជាគណៈកម្មការដាក់ពិន្ទុផងដែរ៕

អត្ថបទ៖ ចាន់រ៉ា

Related Topics:The Rapper Cambodia