ជីវិតកម្សាន្ដ
ពេជ្រ ចរណៃ ចង់ឃើញកូនខ្មែររួមគ្នាហាត់គុនល្បុក្កតោឲ្យបានច្រើនដូចគេហាត់តេក្វាន់ដូ
តារាសម្តែង និងជាគ្រូគុណគុនល្បុក្កតោកញ្ញា ពេជ្រ ចរណៃ បានទទូចដោយចង់ឃើញកូនខ្មែរគ្រប់រូបពួតដៃគ្នាដើម្បីចូលរួមក្នុងការហាត់រៀន អភិរក្ស ដល់វិស័យក្បាច់គុនល្បុក្កតោខ្មែរឲ្យបានច្រើនដូចគេដែលហាត់តេក្វាន់ដូ។
![](https://www.kampucheathmey.com/wp-content/uploads/2024/02/FB_IMG_1706753832584.jpg)
ជាការពិតតារាសម្តែងកញ្ញា ពេជ្រ ចរណៃ កន្លងមកគឺនាងតែងបានចេញមុខដោយបំផុសដល់យុវជនឲ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោកតាមរយៈសកម្មភាពនានាដូចជា ការបង្ហាញក្បាច់គុនល្បុក្កតោល្ខោនខោល និងបង្ហោះរូបភាពស្លៀកពាក់សំលៀកបំពាក់បុរាណខ្មែរជាដើម ។
ទោះបីយ៉ាងណាតារាស្រីរូបស្រស់ ពេជ្រ ចរណៃ នៅ តែមិនភ្លេចចំពោះការស្នើក៏ដូចជាការអំពាវនាវយុវជនខ្មែរឲ្យចូលរួមលើកស្ទួយអភិរក្សតាមរយៈការហាត់រៀននូវហាត់គុនល្បុក្កតោខ្មែរ។ ក្នុងនោះកញ្ញា ពេជ្រ ចរណៃ ក៏បានចាត់ទុកថាបើប្អូនៗខ្មែរយើងសម័យក្រោយបានចូលហាត់គុនល្បុក្កតោឲ្យចេះគ្រប់ៗគ្នា ដូចគេចូលហាត់តេក្វាន់ដូ មិនដឹងជាល្អកម្រិតណាទេ?។
![](https://www.kampucheathmey.com/wp-content/uploads/2024/02/FB_IMG_1706753910440.jpg)
តារាសម្តែង ពេជ្រ ចរណៃ បានលើកឡើងថា សាលាគុនខ្មែរគួរតែមានការរីកដុះដាលឲ្យបានគ្រប់ទីកន្លែងពេញផ្ទៃប្រទេស ព្រោះឥឡូវនេះបរទេសគេទទួលស្គាល់ច្រើនណាស់។ គេនៅចាំបានថាកាលពីថ្មីៗកន្លងមកនេះ ពេជ្រ ចរណៃ ក៏បានបង្ហាញពីបំណងចង់ឲ្យមានថ្នាក់បង្រៀនគុន “ល្បុក្កតោខ្មែរ” ក្នុងម៉ោងសិក្សាសម្រាប់សិស្សានុសិស្សនៅតាមសាលារៀនទូទាំងប្រទេសផងដែរដើម្បីជាការចូលរួម ថែរក្សា អភិរក្ស ក្បាច់គុនបុរាណ “ល្បុក្កតោខ្មែរ” ។
![](https://www.kampucheathmey.com/wp-content/uploads/2024/02/FB_IMG_1706753878758.jpg)
បើតាមរយៈការបង្ហោះនៅលើហ្វេសប៊ុកផេកតារាស្រី កញ្ញា ពេជ្រ ចរណៃ បានបញ្ចេញខ្លឹមសារខ្លីថា “ខ្ញុំចង់ឲ្យមានថ្នាក់បង្រៀនគុន “ល្បុក្កតោខ្មែរ” ក្នុងម៉ោងសិក្សា តើបងប្អូនគិតយ៉ាងណាដែរគាំទ្រដែរ ឬទេ?។ ជាការលើកឡើងបែបនេះគេឃើញទស្សនិកជនមួយចំនួនបានបង្ហាញការគាំទ្រ និងស្នើឲ្យមានការដាក់បញ្ចូលគុនល្បុក្កតោសម្រាប់ម៉ោងសិក្សានៅតាមថ្នាក់រៀនផងដែរ៕
អត្ថបទ៖ ចាន់រ៉ា
![](https://www.kampucheathmey.com/wp-content/uploads/2024/02/FB_IMG_1706753836418.jpg)
![](https://www.kampucheathmey.com/wp-content/uploads/2024/02/FB_IMG_1706753846686.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ