សិល្បករ-សិល្បការិនីល្បីៗរួមគ្នាបំផុសយុទ្ធនាការជំរុញតំបន់ទេសចរណ៍ក្នុងស្រុក និងបរិច្ចាគឈាម

សិល្បករ-សិល្បការិនីល្បីៗរបស់ខ្មែរមួយចំនួនបានលេចវត្តមានចូលរួមចូលរួមយុទ្ធនាការជំរុញតំបន់ទេសចរណ៍ក្នុងស្រុកជាមួយការបរិច្ចាគឈាម ដែលបាននិងកំពុងធ្វើឡើង នៅក្នុងខេត្តសៀមរាប។ សកម្មភាពនេះជាការឆ្លើយតបតាមការអំពាវនាវរបស់តារាសម្តែងទឹកភ្នែកកញ្ញា នី មុន្នីនាថ ក្នុងការបំផុសមហាជន និងអ្នកគាំទ្រ។

បើតាមការបញ្ជាក់របស់តារាស្រីកញ្ញា នី មុន្នីនាថ ព្រឹត្តិការណ៍នេះគឺរៀបចំធ្វើឡើងចាប់ពីថ្ងៃទី០៣-០៤ខែកុម្ភ:ឆ្នាំ២០២៤ នៅក្នុងទឹកដីប្រវត្តិសាស្ត្រនៃខេត្តសៀមរាប។ នៅក្នុងព្រឹត្តិការណ៍នេះដែរ ក៏មានការប្រគុំតន្រ្តីសប្បាយៗ ចែកជូនពុកម៉ែបងប្អូននឹងអាចចូលរួមបានដោយសេរីជាមួយនឹងសិល្បករសិល្បករការិនីនៅក្នុងទឹកដីខេត្តសៀមរាប។

កញ្ញា នី មុន្នីនាថ ដែលជាប្រធានមូលនិធិឈាមផងនោះក៏បានអរគុណទៅដល់សិល្បករ-សិល្បការនីនឹង influence នៅក្នុងប្រទេសកម្ពុជាដែលបង្ហាញអំពីអារម្មណ៍គាំទ្រក្នុងការចូលរួមជំរុញតំបន់ទេសចរណ៍នៅក្នុងស្រុករួមជាមួយនឹងការបរិច្ចាកឈាម។

កញ្ញា នី មុន្នីនាថ កន្លងមកត្រូវបានគេស្គាល់ថា ជាតារាសម្តែងពូកែទឹកភ្នែកដែលក្តោបក្តាប់បានឱកាសសម្តែងតួឯកស្ទើរគ្រប់រឿងនៅក្នុងវិស័យភាពយន្តរបស់ខ្មែរ។ មិនតែប៉ុណ្ណោះនាងក៏ត្រូវបានទស្សនិកជនសរសើរតាមរយ:សកម្មភាពការងារសង្គមនឹងជាប្រធានមូលនិធិផ្តល់ឈាមទៀតផង។

លើសពីនេះតារាសម្ដែងទឹកភ្នែក នី មុន្នីនាថ ជាបន្តបន្ទាប់គេតែងតែឃើញនាងបង្ហាញសារចូលរួមបំផុសស្មារតីដល់បងប្អូនប្រជាពលរដ្ឋខ្មែរនិងសិល្បករ- សិល្បការិនីក្នុងកិច្ចការងារសង្គមដូចជា,ការចូលរួម បរិច្ចាគឈាមជួយសង្គ្រោះអាយុជីវិតអ្នកដែលត្រូវការឈាមបន្ទាន់, ផ្សព្វផ្សាយការអប់រំផ្សេងៗជាដើម៕

អត្ថបទ៖ ចាន់រ៉ា