ជីវិតកម្សាន្ដ

លោក សុះ ម៉ាច សង្ឃឹមប្រធានសមាគមអាណត្តិថ្មីរួមគ្នាជាប្រយោជន៍ដល់សង្គមជាតិ និងសិល្បៈ

បានផុស

២ years មុន

នៅ

ថ្ងៃពុធ ២៧ មីនា ២០២៤

ដោយ

លោក សុះ ម៉ាច ដែលជាអតីតប្រធានសមាគមសិល្បករខ្មែរ ២អាណត្តិ គឺបានដាក់ក្តីសង្ឃឹមថា ប្រធានសមាគមអាណត្តិថ្មីចេះស្រឡាញ់យកអាសាគ្នាដើម្បីជាប្រយោជន៍ដល់សង្គមជាតិ និងសិល្បៈ។ ការលើកឡើងរបស់លោក សុះ ម៉ាច នេះ ខណៈការបោះឆ្នោតជ្រើសរើសប្រធានសមាគមសិល្បករខ្មែរអាណត្តិ៧ នឹងប្រព្រឹត្តទៅនៅខែឧសភា ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក សុះ ម៉ាច បានឲ្យដឹងថា ជម្រាបសួរ វីរសិល្បករ វីរសិល្បការិនី រៀមច្បងសិល្បករសិល្បការិនី មិត្តសិល្បករ សិល្បការិនី បងប្អូនសិល្បករ សិល្បការិនី ជាទីគោរពស្រឡាញ់រាប់អាន។ តើបានត្រៀមខ្លួនហើយ ឬនៅសម្រាប់បេក្ខភាពប្រធានសមាគមសិល្បករខ្មែរ និងការចូលរួមបោះឆ្នោតជ្រើសរើសប្រធានសមាគមសិល្បករខ្មែរអាណត្តិ៧ ដែលនឹងប្រព្រឹត្តទៅនៅខែឧសភា ក្រោយចូលឆ្នាំប្រពៃណីខ្មែរយើ?

លោក សុះ ម៉ាច បញ្ជាក់ថា “ខ្ញុំនឹងចូលរួមក្នុងនាមជាគណៈកម្មការតាមការអញ្ជើញពីសំណាក់សមាគមសិល្បករខ្មែរខ្ញុំនៅតែសង្ឃឹមនឹងជឿជាក់ថាប្រធានចាស់ ឬថ្មី (មានធនធាន ឬមិនមានធនធាន ក្នុងអាណត្តិខ្ញុំ ខ្ញុំគ្មានទេការឧបត្ថម្ភធំដំ តែសប្បុរសជនគ្រប់ស្រទាប់ វណ្ណៈជួយជ្រោមជ្រែងខ្ញុំៗដឹកនាំសមាគមរហូតដល់ចប់អាណត្តិ)”។

តារាជើងចាស់លោក សុះ ម៉ាច បានបន្តទៀតថា «តាមការសង្កេតខ្ញុំឃើញថា ពួកគាត់សុទ្ធតែជាមនុស្សមានបេះដូងមនសិការស្រឡាញ់សិល្បៈវប្បធម៌ជាតិលើកស្ទួយយកអាសាអ្នកសិល្បៈដូចគ្នាមានពេលវេលាចុះផ្ទាល់នូវពេលបងប្អូនសិល្បៈយើងមានបញ្ហាទុក្ខលំបាក ឈឺថ្កាត់ ដោយមិនទុកឲ្យពួកគាត់នៅឯកាឡើយជាពិសេសការបង្រួបបង្រួមអ្នកសិល្បៈឲ្យចេះស្រឡាញ់យកអាសាគ្នា ធ្វើអ្វីជាប្រយោជន៍ដល់សង្គមជាតិ និងសិល្បៈ»។

ជាមួយគ្នានេះ តារាចម្រៀងលោក សុះ ម៉ាច ក៏បានប្រកាសចំពោះការរីករាយស្វាគមន៍ទុកជាមុនចំពោះប្រធានសមាគមសិល្បករខ្មែរអាណត្តិថ្មីដែលគ្រោង និងបោះឆ្នោតជ្រើសរើសប្រធានសមាគមសិល្បករខ្មែរអាណត្តិ៧ ដែលនឹងប្រព្រឹត្តទៅនៅខែឧសភា ឆ្នាំ២០២៤ ឆាប់ៗខាងមុខនេះផងដែរ៕

អត្ថបទៈ ចាន់រ៉ា