ជីវិតកម្សាន្ដ

តារា ឥណ្ឌូណេស៊ី ម្នាក់ ប្រឈមនឹងការជាប់ពន្ធនាគារ ពីបទយកលុយពុករលួយទិញយន្តហោះ

បានផុស

១២ ខែ មុន

នៅ

ថ្ងៃអង្គារ ៩ មេសា ២០២៤

ដោយ

តារាសម្ដែង Sandra Dewi អាចនឹងត្រូវជាប់ពន្ធនាគាររហូតដល់ ៥ឆ្នាំ ប្រសិនបើរកឃើញថា ទិញយន្តហោះឯកជន ឡាន Rolls-Royce និងទំនិញប្រណីតៗ ជាមួយនឹងមូលនិធិពុករលួយពីស្វាមីអ្នកជំនួញលោក Harvey Moeis។

តាមការរាយការណ៍របស់ The Star បានបញ្ចាក់ថា យន្តហោះ និងយានជំនិះដែលគេនិយាយថាជាកាដូពី Moeis សម្រាប់ពិធីខួបកំណើតរបស់តារាស្រីរូបនេះ ត្រូវបានសមត្ថកិច្ចរឹបអូសដើម្បីកំណត់ថាតើពួកគេត្រូវបានទិញដោយយកលុយពី Moeis ដែរឬទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក បើយោងតាមសារព័ត៌មាន The Independent Singapore’s របាយការណ៍ថា តារាស្រីរូបនេះ ប្រឈមមុខនឹងការកាត់ទោសឲ្យជាប់ពន្ធនាគាររយៈពេល ៥ ឆ្នាំ ឬការពិន័យជាប្រាក់ចំនួន ១ ពាន់លានរូពី (៦២.៩០០ ដុល្លារអាមេរិក) ប្រសិនបើនាងត្រូវបានគេរកឃើញថាមានពិរុទ្ធពីបទកេងចំណេញពីប្រាក់ចំណូលដែលប្រមូលបានតាមរយៈការបណ្តាក់ទុនពាណិជ្ជកម្មរបស់ប្តីនាង។

ស្វាមីរបស់នាងគឺ Moeis ត្រូវបានចាប់ខ្លួនកាលពីថ្ងៃទី ២៧ ខែមីនា ពីបទសង្ស័យថាបានប្រព្រឹត្តអំពើពុករលួយ និងការបែងចែកធនធានរបស់ក្រុមហ៊ុនរបស់គាត់មិនត្រឹមត្រូវ បន្ទាប់មកមានការចោទប្រកាន់ដោយអង្គការប្រឆាំងអំពើពុករលួយជាតិទៅកាន់អាជ្ញាធរដែលបង្ហាញថា Dewi បានទទួលផលប្រយោជន៍ពីប្រាក់ចំណូលពាណិជ្ជកម្មរបស់ប្តីនាងផងដែរ ដែលនាំឲ្យនាងហ៊ានប្រើជីវិតហ៊ឺហារហួសហេតុ។

អ្នកនាំពាក្យរបស់ទីភ្នាក់ងារប្រឆាំងអំពើពុករលួយក្នុងប្រទេសឥណ្ឌូនេស៊ីបានថ្លែងថា “អាជ្ញាធរត្រូវស៊ើបអង្កេតថា តើ Sandra បានដឹងថា តើលុយរបស់ប្តីនាងមកពីណា។ ជាញឹកញាប់ Sandra ទិញទំនិញម៉ាកក្រៅពីការទិញយន្តហោះឯកជន”។

សូមជម្រាបេជូនថា នៅអាយុ ៤១ ឆ្នាំ Dewi ត្រូវបានគេប្រារព្ធជាតារាសម្តែងនាំមុខគេនៅក្នុងប្រទេសដែលត្រូវបានទទួលស្គាល់សម្រាប់ការសំដែងរបស់នាងនៅក្នុងខ្សែភាពយន្តនិងរឿងភាគទូរទស្សន៍ក្នុងស្រុក។ នាងទទួលបានងារជាបុគ្គលិកលក្ខណៈដែលគេស្វែងរកច្រើនបំផុតនៅលើ Yahoo!ឥណ្ឌូណេស៊ី ក្នុងឆ្នាំ ២០០៩៕