ជីវិតកម្សាន្ដ

មាស សុខសោភា ចេញការឆ្លើយតបចិត្តត្រជាក់ ក្រោយរងការរិះគន់បទ “កុំបាញ់ទឹកដាក់មុខអូន”

បានផុស

៦ ខែ មុន

នៅ

ថ្ងៃព្រហស្បតិ៍ ១១ មេសា ២០២៤

ដោយ

តារាចម្រៀងសម្លេងមនោសញ្ចេតនាអ្នកនាង មាស សុខសោភា ស្របពេលដែលថ្មីៗនេះរងការរិះគន់ពីសំណាក់មហាជនអ្នកគាំទ្រក្រោយប្រកាសចេញបទចម្រៀងថ្មី “កុំបាញ់ទឹកដាក់មុខអូន” នោះ នៅថ្ងៃទី១០ ខែមេសា ឆ្នាំ២០២៤ នេះ នាងបានចេញមុខឆ្លើយតបជាលើកដំបូងទៅកាន់អ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាអ្វីដែលធ្វើឲ្យមហាជន និងអ្នកគាំទ្រចាប់អារម្មណ៍ថែមទៀតនោះ គឺការឆ្លើយតបរបស់អ្នកនាង មាស សុខសោភា ហាក់មានចិត្តត្រជាក់មិនវាយបកទៅកាន់អ្នកគាំទ្រដោយពាក្យសម្តីមិនល្អឡើយ។ មាស សុខសោភា បានបញ្ជាក់ថា នាងគ្មានសិទិ្ធទៅបង្ខំឲ្យលោកអ្នកក្នុងការបញ្ចេញយោបល់ឡើយ។

អ្នកនាង មាស សុខសោភា បានលើកឡើងថា «សិល្បៈចម្រៀងដែរខ្ញុំនិងក្រុមកាងាររបស់ខ្ញុំបង្កើតឡើងមកសម្រាប់អ្នកគាំទ្ររបស់ខ្ញុំទទួលបានសេចក្តីសុខទៅតាមមនោអារម្មណ៍នៃការគិតរបស់គាត់ តែបើលោកទាំងឡាយស្តាប់ចម្រៀងរបស់ខ្ញុំហើយទទួលបាននៅសេចក្តីទុក្ខនោះ ក៏ខ្ញុំមិនមានសិទិ្ធទៅបង្ខំឲ្យលោកអ្នកក្នុងការបញ្ចេញយោបល់របស់គាត់ឡើយ»។

កំពូលតារាចម្រៀងអ្នកនាង មាស សុខសោភា បានប ន្ថែមទៀតថា «ព្រោះថា សេចក្តីសុខពិតប្រាកដគឺ ជាភាវធម្មជាតិមួយដែលផ្តើមចេញមកពីកិលេស «ល្អ» អរគុណបងប្អូនគាំទ្រដោយក្តីគោររពស្រលាញ់អំពីនាងខ្ញុំ»។

សូមបញ្ជាក់ថា កាលពីថ្មីៗបន្ទាប់ពីប្រកាសត្រៀមចេញMVបទ “កុំបាញ់ទឹកដាក់មុខអូន” មិនទាន់បានប៉ុន្មានផងស្រាប់តែតារាចម្រៀងសំនៀងមនោសញ្ចេតនាអ្នកនាង មាស សុខសោភា បានរងនូវការរិះគន់យ៉ាងចាស់ដៃពីសំណាក់មហាជនអ្នកប្រើប្រាស់បណ្តាញសង្គមហ្វេសប៊ុក។

គេកត់សម្គាល់ថា តារាចម្រៀងស្រីអ្នកនាង មាស សុខសោភា កន្លងមកថ្វីត្បិតតែនាងចាក់ចេញពីទ្រនុំចាស់ផលិតកម្មថោនច្រើនឆ្នាំហើយពិតមែនតែសម្រាប់ទីផ្សាគាំទ្រ និងកេរ្តិ៍ឈ្មោះល្បីរបស់នាងនៅតែដក់ជាប់ក្នុងអារម្មណ៍ទស្សនិកជនមិនអន់ថយឡើយ។ ប៉ុន្តែទើបថ្មីៗនេះ បែរជារងការរិះគន់យ៉ាងចាស់ដៃក្រោយចេញបទ “កុំបាញ់ទឹកដាក់មុខអូន” ៕

អត្ថបទ៖ ចាន់រ៉ា