ជីវិតកម្សាន្ដ

កុយ អេនណា អង្វរសុំចិត្តការរិះគន់ដើម្បីស្ថាបនា កុំរិះគន់ជាន់ពន្លិចខ្មែរគ្នាឯង

បានផុស

២ years មុន

នៅ

ថ្ងៃអង្គារ ២១ ឧសភា ២០២៤

ដោយ

បវរកញ្ញារូបស្រស់ចូលចិត្តការស្លៀកពាក់សិចស៊ីកញ្ញា កុយ អេនណា បានចេញមកអង្វរដល់អ្នកគាំទ្រពិសេសអ្នកដែលចូលចិត្តរិះគន់សុំឲ្យរាល់ការរិះគន់ គឺដើម្បីស្ថាបនាកុំរិះគន់ជាន់ពន្លិចខ្មែរគ្នាឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខរបស់បវរកញ្ញាលំដាប់រងទី១ ក្នុងកម្មវិធី Miss Grand Cambodia 2023 នេះធ្វើឡើងបន្ទាប់ពីឃើញមិត្តភក្តិរួមជំនាន់ម្ចាស់មកុដ Miss Grand 2023 កញ្ញា ភឹម ស្រីនោ បានរងការរិះគន់យ៉ាងធ្ងន់ធ្ងរពីសំណាក់បុគ្គលម្នាក់ពាក់ព័ន្ធរូបសម្រស់ដែលបង្អាប់ថា ស្រីនោ ជាបវរកញ្ញាសាច់ដូចគីង្គក់នឹងដូចមនុស្សមានកូន ៤ ឬ៥នាក់ ធាត់ក៏ធាត់ យាក៏យាជាដើម។

ក្រោយឃើញការរិះគន់ហាក់មិនផ្តល់តម្លៃបែបនេះកញ្ញា កុយ អេនណា ក៏បានអង្វរសុំចិត្តដល់មហាជនអ្នកគាំទ្រឲ្យរាល់ការរិះគន់គឺដើម្បីស្ថាបនា កុំរិះគន់ជាន់ពន្លិច ព្រោះសុទ្ធជាខ្មែរគ្នាឯងទេ។ អេនណា និយាយថា «យើងសុទ្ធតែមានបេះដូងឈឺដូចគ្នាហេតុនេះហើយសុំការរិះគន់ទាំងអស់ត្រូវមានសីលធម៌ផ្តល់តម្លៃអ្នកដទៃផង»។

ស្រីស្អាត កុយ អេនណា បានលើកឡើងទៀតថា “នាងខ្ញុំយល់ឃើញថា មានបងៗខ្លះស្រលាញ់ពេញចិត្ដ ខ្លះទៀតមិនពេញចិត្ដតែនាងខ្ញុំសុំចិត្ដបានទេ? រិះគន់ដើម្បីស្ថាបនា មិនមែនរិះគន់ដើម្បីជាន់ពន្លិចខ្មែរគ្នាឯងទេ មានបេះដូងចេះឈឺចាប់ដូចគ្នា ពាក្យសម្ដីអ្នកអាចសម្លាប់មនុសម្នាក់ដោយមិនដឹងខ្លួន គ្មានមនុស្សណាកើតមកល្អគ្រប់ដប់ទេ វាតែងតែមានចន្លោះប្រហោង”។

គួរកត់សម្គាល់ថា បន្ទាប់ពីសាងកេរ្តិ៍ឈ្មោះល្បីវិស័យបវរកញ្ញាស្រីស្អាត កុយ អេនណា គឺមានឱកាសច្រើនដោយលេចវត្តមាននៅតាមបណ្តាកម្មវិធីតូចធំនានាបន្តបន្ទាប់ ខណៈដែលរូបសម្រស់របស់នាងគឺនៅតែស្រស់ស្អាតសម្រាប់អ្នកគាំទ្រ។ ម្យ៉ាងទៀត អ្វីដែលកាន់តែចាប់បវរកញ្ញារូបនេះជារឿយៗតែងតែផ្លាស់ប្តូរស្តាយ៍តុបតែងខ្លួនសិចស៊ី ១៨០ដឺក្រេ៕

អត្ថបទ៖ ចាន់រ៉ា