Connect with us

ជីវិតកម្សាន្ដ

ឌីជេ Yesong ជាប់ពន្ធនាគារ ១០ ឆ្នាំ ពីបទបើកបរពេលស្រវឹង និងបុកមនុស្សស្លាប់

បានផុស

នៅ

DJ Yesong ដែលត្រូវបានគេស្គាល់ថា Ahn Yesong អតីតសមាជិក INSTAR ត្រូវបានកាត់ទោសឲ្យជាប់ពន្ធនាគាររយៈពេល ១០ ឆ្នាំពីបទបង្កគ្រោះថ្នាក់ចរាចរណ៍ធ្វើឲ្យមនុស្សស្លាប់ និងពេលបើកបរក្រោមឥទ្ធិពលស្រវឹង នៅតំបន់ Gangnam ទីក្រុងសេអ៊ូល ប្រទេសកូរ៉េខាងត្បូង។

កាលពីថ្ងៃទី ០៩ ខែកក្កដា ចៅក្រមតុលាការក្រុងសេអ៊ូលកណ្តាល Kim Ji Young បានកាត់ទោសឌីជេស្រីរូបនេះ ឲ្យជាប់គុក ១០ ឆ្នាំ និងបានបញ្ជាឲ្យរឹបអូសរថយន្ត Mercedes-Benz របស់នាង។ នាងត្រូវ​បាន​តុលាការ​រក​ឃើញ​ថា​មាន​ពិរុទ្ធ​ភាព​ក្នុង​ការ​បើក​បរ​គ្រោះថ្នាក់​បណ្តាល​ឲ្យស្លាប់​បាត់បង់​ជីវិត​នៅ​កន្លែង​កើត​ហេតុ​ មិន​បាន​អនុវត្ត​វិធានការ​ក្រោយ​គ្រោះថ្នាក់​និង​ការ​បើកបរ​ក្នុង​ស្ថានភាព​ស្រវឹង​ក្រោម​ច្បាប់​ស្តី​ពី​ការ​ផ្ដន្ទាទោស​បទ​ល្មើស​ជាក់លាក់​និង​ច្បាប់​ចរាចរណ៍​ផ្លូវ​គោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តុលាការបានកត់សម្គាល់ថា ជនរងគ្រោះបានផ្តល់សក្ខីកម្ម Ahn Yesong ចេញពីឡានភ្លាមៗ​​ បន្ទាប់ពីគ្រោះថ្នាក់ ហើយបានអង្វរឲ្យខាងភាគីម្ខាងអភ័យទោស ​​តែមិន​បាន​ព្យាយាម​គ្រប់​គ្រង​គ្រោះ​ថ្នាក់​នេះ ឬ​ទូរស័ព្ទ​ទៅ​ប៉ូលិស​ទេ។

ចៅក្រម​បាន​ពន្យល់​ទៀតថា​៖ “គ្រោះថ្នាក់​ចរាចរណ៍​ទាំង​ពីរ​កើត​ឡើង​ទាំង​ស្រុង​ដោយ​ការ​ធ្វេសប្រហែស​របស់​ចុង​ចោទ។ មែនទៅ គ្រោះថ្នាក់គឺអាចព្យាករណ៍បានទាំងស្រុង ហើយអាចចៀសវាងបានយ៉ាងងាយ ប្រសិនបើចុងចោទបានដឹងអំពីអ្នកជុំវិញខ្លួន ដោយបង្ហាញពីការប្រព្រឹត្តខុសកម្រិតខ្ពស់”។

ចៅក្រមក៏បានគូសបញ្ជាក់ពីសេចក្តីថ្លែងការណ៍មិនស៊ីសង្វាក់គ្នារបស់ Ahn ដោយកត់សម្គាល់ថា នាងបានបដិសេធការផ្តល់ជំនួយ ទោះបីជាមានភស្តុតាងប្រអប់ខ្មៅបង្ហាញថានាងបាននិយាយជាមួយជនរងគ្រោះនៅកន្លែងកើតហេតុក៏ដោយ។ ចៅក្រម​បាន​បន្ថែម​ថា​ វា​ជា​ចម្ងល់​ថា​តើ​នាង​មាន​វិប្បដិសារី​ពិតប្រាកដ​ឬ​អត់​?

Ahn Yesong ត្រូវបានចាប់ខ្លួន និងចោទប្រកាន់កាលពីខែកុម្ភៈ បន្ទាប់ពីបើកបររថយន្ត Mercedes-Benz របស់នាងនៅក្រោមឥទ្ធិពលគ្រឿងស្រវឹង ។ នាង​បាន​បើក​បុក​អ្នក​បើក​ម៉ូតូ​ស្លាប់​ម្នាក់​ឈ្មោះ A ខណៈ​ព្យាយាម​រត់​គេច​ក្រោយ​ឆ្លង​ក៏​បុក​ជាមួយ​រថយន្ត​មួយ​គ្រឿង​ទៀត។ កំហាប់ជាតិអាល់កុលក្នុងឈាមរបស់នាងនៅពេលនោះគឺ ០.២២១% លើសពីដែនកំណត់ផ្លូវច្បាប់សម្រាប់ការដកហូតអាជ្ញាប័ណ្ណ។

ទន្ទឹមនោះដែរ ការខឹងសម្បារជាសាធារណៈបានកើតមានឡើង នៅពេលដែលព័ត៌មានលម្អិតនៃឧប្បត្តិហេតុនេះរីករាលដាលនៅលើអ៊ីនធឺណិត ជាពិសេសរូបភាពរបស់នាងកាន់ឆ្កែចិញ្ចឹមសំណព្វ ជំនួសឲ្យការផ្តល់ជំនួយឬជួយដល់ជនរងគ្រោះ។

នៅក្នុងការកាត់ក្តីចុងក្រោយរបស់នាងកាលពីខែមុន Ahn បានសម្តែងនូវវិប្បដិសារីដោយនិយាយថា “ខ្ញុំសូមអភ័យទោសដោយស្មោះចំពោះជនរងគ្រោះដែលបានបាត់បង់ជីវិត។ ខ្ញុំបានប្រព្រឹត្តបទឧក្រិដ្ឋដែលមិនអាចលើកលែងទោសបានប្រឆាំងនឹងគ្រួសារដែលសោកសៅ” ។

ទោះជាយ៉ាងណាក៏ដោយ មេធាវីការពារក្តីរបស់ Ahn បានអង្វរសុំការបន្ធូរបន្ថយ ដោយបង្ហាញពីទេពកោសល្យពិសេសរបស់នាងក្នុងវិស័យកម្សាន្ត និងការរួមចំណែករបស់នាងចំពោះកិត្យានុភាពជាតិ តាមរយៈការសម្តែងនៅក្រៅប្រទេសក្នុងប្រទេសចិន ថៃ និងតៃវ៉ាន់។ លើសពីនេះទៀត Ahn Yesong បានបម្រើការជាទូតផ្សព្វផ្សាយសម្រាប់ស្ថានីយ៍ប៉ូលិស Seoul Jongno ។ ប៉ុន្តែយ៉ាងណា ច្បាប់នៅតែជាច្បាប់ ចុងក្រោយនាងក៏ត្រូវតុលាការសម្រេចឲ្យជាប់គុក១០ឆ្នាំ៕

អត្ថបទ៖ សាង ស្រីល័ក្ខ

ចុចអាន៖Jennie ចេញលិខិតសុំទោស ​ក្រោយជក់បារីអេឡិចត្រូនិចផ្លុំផ្សែងលើបុគ្គលិក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ នាទី មុន

Honda ប្រកាសបញ្ចប់​ផលិត​កម្ម​រថយន្ត​នៅ​រោង​ចក្រ​ក្រុង​អយុធ្យា ខណៈ​ការ​លក់​ក្នុង​ស្រុកថៃ​​ធ្លាក់​ចុះ​

ព័ត៌មានជាតិ១៩ នាទី មុន

រដ្ឋមន្ត្រី ប្រាប់រដ្ឋសភា ថា ក្រសួងអភិវឌ្ឍន៍ជនបទ បានកំណត់កម្មវិធីអាទិភាព៤ ក្នុងបេសកកម្មរបស់ខ្លួន

ព័ត៌មានជាតិ២៤ នាទី មុន

ណែនាំ​ឲ្យ​ស្គាល់​តំបន់​សេដ្ឋកិច្ច​ពិសេស​ ២៦ កន្លែង​​ដំណើរ​ការ​នៅ​កម្ពុជា វិនិយោគអស់រាប់ពាន់លាន​ដុល្លារ

ជីវិតកម្សាន្ដ២៧ នាទី មុន

ឌីជេ Yesong ជាប់ពន្ធនាគារ ១០ ឆ្នាំ ពីបទបើកបរពេលស្រវឹង និងបុកមនុស្សស្លាប់

កីឡា៤៤ នាទី មុន

កម្ពុជា​នឹងបង្ហាញ​ ទស្សនីយភាព​​​ប្លែក​មិន​ធ្លាប់​មាន​ក្នុង​ពិធី​បើក MMA ថ្ងៃស្អែក

Sokha Hotels

ព័ត៌មានពេញនិយម