ជីវិតកម្សាន្ដ

ពេជ្រ ចរណៃ សង្ឃឹមអាជ្ញាធរអប្សរាបើកទូលាយដើម្បីផ្សព្វផ្សាយសិល្បៈវប្បធម៌នៅតំបន់អង្គរ

បានផុស

២ years មុន

នៅ

ថ្ងៃអាទិត្យ ២៥ សីហា ២០២៤

ដោយ

តារាគុនល្បុក្កតោកញ្ញា ពេជ្រ ចរណៃ ជាថ្មីម្តងទៀតបានដាក់ក្តីសង្ឃឹមថា អាជ្ញាធរអប្សរា នឹងបើកទូលាយ ដើម្បីផ្សព្វផ្សាយសិល្បៈវប្បធម៌នៅតំបន់ទេសចរណ៍អង្គរវត្ត នៃខេត្តសៀមរាបរបស់ប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេធ្លាប់ចាំបានថា កាលពីថ្មីៗ កន្លងទៅ តារាសម្តែងរូបស្រស់ កញ្ញា ពេជ្រ ចរណៃ បានត្អូញត្អែរពីផលលំបាករបស់ខ្លួន ដោយបង្ហាញបំណងថតផ្សព្វផ្សាយសិល្បៈវប្បធម៌ខ្មែរនៅប្រាសាទអង្គរវត្ត តែក្តីប្រាថ្នាមួយនេះមិនបានសម្រេច។ ប៉ុន្តែទោះបីជាយ៉ាងណាថ្មីៗ មុននេះ នាង និងលោក ឡៃ ថៃចាន់ ទើបមានឱកាសចូលរួមផ្សព្វផ្សាយដូចបំណងប្រាថ្នា និងក្តីស្រមៃ។

ដោយឡែកស្របពេលក្តីប្រាថ្នានេះបានសម្រេច កញ្ញា ពេជ្រ ចរណៃ ក៏បានស្នើដល់អាជ្ញាធរអប្សរាបើកទូលាយ ដើម្បីផ្សព្វផ្សាយសិល្បៈវប្បធម៌នៅតំបន់អង្គរ។

កញ្ញា ចរណៃ បានលើកឡើងថា «ខ្ញុំសង្ឃឹមថា អាជ្ញាធរអប្សារា នឹងបើកឲ្យបងប្អូនអ្នកផលិតមាតិកា ដើម្បីផ្សព្វផ្សាយ សិល្បៈ វប្បធម៌ និង តំបន់ទេសចរណ៍ ក្នុងប្រទេសរបស់យើង (កម្ពុជា) ដោយមិនមានការរឹតត្បិត ឬ មានសម្ពាធវិញទៀតឡើយ»។

តារាសម្តែងរូបស្រស់កញ្ញា ពេជ្រ ចរណៃ បាននិយាយបន្ថែមទៀតថា «សូមឲ្យបងប្អូនដែលចូលរួមថតផ្សព្វផ្សាយ ក៏គោរពទៅតាមគោលការណ៍របស់អាជ្ញាធរផងដែរ»។

គួរបញ្ជាក់ថា កាលថ្មីៗ នេះ តារាសម្តែងកញ្ញា ពេជ្រ ចរណៃ បាននិយាយថា «ខ្ញុំពិតជាអរគុណដល់អាជ្ញាធរអប្សរា និងថ្នាក់ដឹកនាំ ដែលបានសម្របសម្រួលឲ្យក្រុមពួកខ្ញុំបានមកថតនៅតំបន់អង្គរវត្ត ដើម្បីផ្សព្វផ្សាយពីគុនល្បុក្កតោខ្មែរ ក៏ដូចជាវប្បធម៌-អរិយធម៌ខ្មែរ»៕

អត្ថបទ ៖ ចាន់រ៉ា