Zhang Ziyi ត្រូវតារាសម្ដែងបារាំងចាប់ថើប ពេលប្រគល់ពាន​ក្នុងកម្មវិធី Venice

មហោស្រពភាពយន្តទីក្រុង Venice បានបញ្ចប់ហើយ ប៉ុន្តែអ្នកលេងអ៊ីនធឺណេតនៅតែមានការភ្ញាក់ផ្អើលចំពោះពិធីប្រគល់ពានរង្វាន់ ជាពិសេសទំនាក់ទំនងដ៏ឆ្គាំឆ្គងរវាងតារាចិន Zhang Ziyi និងតារាសម្តែងជនជាតិបារាំង Vincent Lindon នៅពេលនាងប្រគល់ពានរង្វាន់តារាសម្តែងឆ្នើមដល់រូបគាត់។

Vincent មានអាយុ ៦៥ ឆ្នាំ​​ បានឈ្នះពានរង្វាន់សម្រាប់ការសំដែងនៅក្នុងរឿង The Quiet Son ដែលនិយាយអំពីឪពុកនិងកូនប្រុស ក្រោយបែកគ្នាដោយមនោគមវិជ្ជានយោបាយរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា នៅពេល​ទទួល​ពាន​រង្វាន់​ពី Ziyi អ្នក​ទាំង​ពីរ​ចាប់​ដៃ​ថើប​ ដែល​នេះ​ជា​រឿង​ធម្មតា​នោះទេ។ ក្រោយមក នៅពេលដែល Vincent លូកដៃទៅថើបជាលើកទីពីរ គាត់បានថើបថ្ពាល់របស់ Ziyi ដែលធ្វើឲ្យនាងភ្ញាក់ផ្អើល និងមានអារម្មណ៍មិនសប្បាយចិត្ត។

នៅក្នុងវីដេអូមួយដែលត្រូវបានចែកចាយនៅលើ Weibo នោះ Ziyi អាចត្រូវបានគេមើលឃើញថា​ បានដកថយបន្តិច ហើយការបង្ហាញរបស់នាងហាក់ដូចជាឆ្គងខ្លះៗដែរ។ ប៉ុន្តែ​នាង​តែង​ខ្លួន​យ៉ាង​រហ័ស ហើយ​បញ្ចេញ​ស្នាម​ញញឹម​គួរ​សមត្រលប់ទៅវិញ។​

ទន្ទឹមនោះទៀតដែរ នៅពេលដែលអ្នកទាំងពីរថតរូបនៅលើឆាកនោះ Vincent ហាក់ដូចជាបានយកដៃរបស់គាត់ដាក់លើខ្នងខាងក្រោមរបស់ Ziyi ដែលធ្វើឲ្យភ្នែករបស់នាងបើកឡើងដោយការភ្ញាក់ផ្អើល។

យ៉ាងណាមិញ អ្នក​លេង​អ៊ីនធឺណិតបានចូលទៅបញ្ចេញមតិ​ច្រើន​អំពី Vincent ដោយ​មាន​អ្នក​រិះគន់​ជា​ច្រើន​ចំពោះ​តារា​សម្ដែង​រូប​នេះ​ថា បង្ហាញកាយវិការឈ្លានពានពេកទៅកាន់នារីភេទ។ ​ជាមួយគ្នានោះដែរក៏មានមតិជាច្រើននិយាយខុសៗគ្នាថា បុរសចំណាស់នេះគួរឲ្យស្អប់ខ្ពើមណាស់​ ការថើបថ្ពាល់របស់នាងបានធ្វើឲ្យភាគីម្ខាងទៀតមានអារម្មណ៍មិនស្រួលនៅក្នុងចិត្តជាខ្លាំង៕

អត្ថបទ៖ សាង ស្រីល័ក្ខ

ចុចអាន៖ចោទ​ប្រកាន់​អតីត​តារាប្រុសម្នាក់ ​ពី​បទ​ក្លែង​បន្លំ​ឯកសារ​ពេទ្យ គេច​ពី​កាព្វកិច្ចយោធា