កូនប្រុសតារាកំប្លែងល្បីឈ្មោះ ២រូប កំពុងស្នងតំណែងពីឪពុក

ទស្សនិកជននិងអ្នកគាំទ្របានផ្ទុះការចាប់អា រម្មណ៍ក្រោយឃើញកូនប្រុសរបស់តារាកំប្លែងជើងចាស់ល្បីឈ្មោះ ២ដួងលេចវត្តមានស្នងសិល្ប:ឪពុកតាមរយ:ការសម្តែង (កំប្លែង) ជាមួយគ្នា បង្កភាពសប្បាយរីករាយជូនដល់ទស្សនិកជន។

គ្រាប់ពូជសិល្ប:វ័យក្មេងទាំង២រូបនោះ គឺនាង ខ្ចៅ កូនតារាកំប្លែងជើងចាស់នាយ ខ្ជឹប និងនាយ វ៉ាងដេត ដែលជាកូនប្រុសតារាកំប្លែងល្បីឈ្មោះគឺនាយ វ៉ាងដឺ ។ បន្ទាប់ពីឃើញនូវសមត្ថភាពកំប្លែងរបស់អ្នកទាំង២ បានធ្វើឲ្យអ្នកគាំទ្រសរសើរពីទេពកោសល្យ និងនឹកឃើញដល់គ្រាដែលឪពុកពួកគេសម្តែងរួមគ្នា បង្កភាសប្បាយរីករាយនិងសំណើចសើចក្អាកក្អាយគ្រប់ពេលកាលពីពេលកន្លង។

នាយ វ៉ាង ដេត ដែលជាកូននាយ វ៉ាងដឺ ត្រូវបានមហាជនមើលឃើញពីសមត្ថភាពកំប្លែងមិនចាញ់ឪពុកប៉ុន្មានទេ ទាំងការប្រើប្រាស់សំឡេងនិងកាយវិការក្នុងការកំប្លែង។ ចំណែកនាយ ខ្ចៅ, កូននាយ ខ្ជឹប ក៏មានសមត្ថភាពកំប្លែងមិនចាញ់ឪពុកប៉ុន្មានដែរ ខណ:ពួកគេបានប៉ះគ្នាជាលើកដំបូងក្នុងវីដេអូកំប្លែងខ្លី។

តារាចម្រៀងលោក ជុំ លីណូ បានបង្ហោះវីដេអូនៃសកម្មភាពកំប្លែងរបស់នាយ ខ្ចៅ និង នាយ វ៉ាង ដេត ដោយលើកឡើងថាកាលពីជំនាន់ឪពុកពួកគាត់ការលេងគឺស៊ីសង្វាក់គ្នាពិតជាល្អមើលខ្លាំងរីឯកូនៗរបស់ពួក គាត់ក៏មានសមត្ថភាពប្រហាក់ប្រហែលទៅនឹងឪពុកផងដែរ។ លោក ជុំ លីណូ បន្តថាសូម្បីតែសម្លេងរបស់ពួកគាត់គឺដូចទៅនឹងឪពុកមែនទែនតែម្តង។

ជាមួយគ្នានេះដែរលោក ជុំ លីណូ ក៏បានស្នើដល់អ្នកផលិតវីដេអូកំប្លែងឲ្យជួយផ្តល់ឱកាសសម្រាប់ពួកគា ត់កំប្លែងឲ្យបានច្រើនថែមទៀតដើម្បីលើកទឹកចិត្ត និងជាការបណ្តុះសិល្ប:ស្នងពីឪពុកខណ:ពួកគាត់សុតតែមានទេពកោសល្យនិងមានឈាមជ័រជាអ្នកសិល្ប: ដូចគ្នា៕ អត្ថបទ៖ ចាន់រ៉ា