អតីត​ Miss Earth កែវ សេង​លី​ហួរ លើកឡើងបទ ពិសោធធ្លាប់ឆ្លងកាត់ក្នុងវិស័យបវរកញ្ញា

បន្ទាប់ពីឆ្លងកាត់បទពិសោធច្រើនកន្លងមក នៅក្នុងវិស័យបវរកញ្ញាទាំងលើឆាកជាតិនិងអន្តរជាតិកញ្ញា កែវ សេង​លី​ហួរ អតីត ​Miss Earth និង ​Miss Grand Cambodia បាន​ទម្លាយនូវបទពិសោធដែលខ្លួនធ្លាប់ឆ្លងកាត់ក្នុងវិស័យបវរកញ្ញានាពេលកន្លងទៅ។

ការចេញមុខរៀបរាប់ឆន្ទ:និងបទពិសោធពីសំណាក់ កែវ សេង​លី​ហួរ នេះធ្វើឡើងស្របពេលដែលបវរកញ្ញាភពផែនដីកញ្ញា ដេត ស្រីនាឌ តំណាងឲ្យប្រទេសកម្ពុជាចេញមុខបកស្រាយជុំវិញរឿងរ៉ាវដកខ្លួនមិនចូលរួមប្រកួតកម្មវិធី Miss PIanet International 2024 នៅថ្ងៃប្រឡងក្នុងវគ្គផ្តាច់ព្រ័ត្រកាលពីថ្ងៃទី២៧ ខែវិច្ឆិកា ឆ្នាំ២០២៤។

បើតាមការរៀបរាប់របស់កញ្ញា កែវ សេ ង​លី​ហួរ បាននិយាយថា នាងសុំចេញមតិយោបល់បន្តិចក្រោយបានស្ដាប់ការបកស្រាយរបស់គាត់ហើយ។ នាងយល់ពីការមើលងាយពីការមិនឲ្យតម្លៃមិនថាប្រទេសជិតខាង មិនថាប្រទេសដទៃ មិនថា ប្រទេសគ្នាឯង ដែលមិនឲ្យតម្លៃប្រទេសយើង។ នាងយល់ ដោយសារតែនាងក៏ធ្លាប់ជួបបញ្ហានេះច្រើនរាប់មិនអស់ មិនថានៅលើឆាកអន្តរជាតិ ឬនៅក្នុងប្រទេសធ្លាប់ជួបហើយ។ ប៉ុន្តែយើងត្រូវគិតឡើងវិញថា អំឡុងពេលនេះយើងកំពុងតែប្រកួតស្រោចស្រង់មុខមាត់របស់ប្រទេសយើង។

កែវ សេ ង​លី​ហួរ បាននិយាយទៀតថា ដូច្នេះទោះជាមានបញ្ហាអ្វីក៏ដោយមិនថាធ្ងន់ ឬក៏ស្រាល ឬក៏យើងទទួលយកមិនបានខ្លាំងសូមប្រាប់ខ្លួនឯងថា ទ្រាំសិនព្រោះពេលនេះជាពេលប្រឡងសំខាន់កម្មវិធីរៀបចំឡើងនៅប្រទេសរបស់យើងយើងជាម្ចាស់ផ្ទះ។ ពេលនោះហើយយើងត្រូវតែរឹងមាំយើងត្រូវតែបង្ហាញពីសមត្ថភាពរបស់យើង ព្រោះយើង ជាម្ចាស់ផ្ទះនៅពេលដែលយើងធ្វើបានជោគជ័យអ្វីៗវានឹងល្អហើយរឿងដែលកើតឡើងមិនល្អសម្រាប់យើងគេមើលងាយប្រ ជាជនយើងគេមិនឲ្យតម្លៃយើងទុកវាមួយកន្លែងសិន ប្រមូលអារម្មណ៍ដើម្បីប្រកួតយកភាពជោគជ័យ មិនថាយើងទទួលបានលំដាប់រង់ឬក៏លំដាប់ណាមួយក៏ដោយ។

នាងបន្តថាពេលដែលយើងជោគជ័យរឿងដែលយើងខំលាក់ទុក យើងអាចបកស្រាយនៅពេលក្រោយបានតើសំខាន់ភាពជោគជ័យ នៅពេលនោះគេ នឹងឃើញពីសមត្ថភាពរបស់យើង។ សំខាន់ពេលនេះយើងត្រូវ តែប្រកួតឲ្យចប់បង្ហាញពីសមត្ថភាពរបស់ម្ចាស់ផ្ទះឱ្យពិភពលោកគេបានឃើញពីសម្ថភាពរបស់យើង ឲ្យគេដឹងថា ការមើលងាយរបស់ពួកគេទៅលើប្រទេសរបស់យើងគឺគិតខុសទាំងស្រុង។

កែវ សេ ង​លី​ហួរ បញ្ជាក់ថាការចេញមតិរបស់នាងខ្ញុំគឺមានតែប៉ុណ្ណឹង អ្នកទាំងអស់គ្នាក៏ធ្លាប់ដឹងហើយថា ខ្ញុំជាមនុស្សម្នាក់ដែលមានការចូលរួមប្រកួតជាច្រើនចេញទៅឆាកអន្តរជាតិក៏ច្រើនដែរ អ៊ីចឹងខ្ញុំធ្លាប់ជួបបញ្ហាទាំងអស់ហ្នឹងជាច្រើនខ្ញុំដឹងថានៅពេលដែលខ្ញុំនិយាយទៅ គឺមិនបានអ្វីមកវិញទេព្រោះក៏រឿងបានចប់ ហើយប៉ុន្តែខ្ញុំចង់ប្រាប់ដល់ប្អូនៗជំនាន់ក្រោយបើសិន ជាពួកគាត់មានចិត្តមោះមុតក្លាហានចង់ចូលរួមប្រកួតដើម្បីក្នុងកម្មវិធីតំណាងឲ្យប្រទេសកម្ពុជា សូមគាត់តាំងចិត្តតាំងកាយ លះបង់ពេលវេលានិងបេះដូងធ្វើ ឲ្យបានល្អកុំឲ្យមានកំហុសខុសឆ្គងជាលើកទី ១ ២ ៣ ឬទៅថ្ងៃអនាគត”។

អតីត ​Miss Earth និង​ Miss Grand Cambodia កែវ សេង​លី​ហួរ លើកឡើងបន្ថែមថា ប្រជាជនកម្ពុជាទាំងស្រឡាញ់ដាក់ចិត្តដាក់កាយ លះបង់ទាំងថវិកាដើម្បីឲ្យម្ចាស់ផ្ទះ ឬតំណាងប្រទេសកម្ពុជាឆ្ពោះទៅរកភាពជោគជ័យ ដើម្បីមុខមាត់ប្រទេស។ នាងថាការបញ្ចេញមតិនេះនាងមិនកាន់ជើងអ្នកណា ក៏មិនបន្ទោសអ្នកណាដែរ (មិនបន្ទោសហ្វេនមិនបន្ទោសបវរេកញ្ញាមិនបន្ទោសម្ចាស់កម្មវិធី)។ ប៉ុន្តែគ្រាន់តែចង់ឲ្យមានហេតុផលមួយដោយសមស្របឲ្យប្រជាជនខ្មែរយើងគាត់បានយល់៕ អត្ថបទ៖ ចាន់រ៉ា