តារាចម្រៀងល្បីឈ្មោះ ៣ដួង សោកស្តាយនូវការបាត់បង់បុគ្គលិកឆ្នើមម្នាក់របស់ផលិតកម្មហង្សមាស

តារាចម្រៀងល្បីឈ្មោះប្រុសស្រី ៣ដួង បានសម្តែងការរន្ធត់ចិត្តជាខ្លាំង និងសោកស្តាយជាពន់ពេកចំពោះការបាត់បង់នូវបុគ្គលិកដ៏ឆ្នើមម្នាក់របស់ផលិតកម្មហង្សមាសដោយគ្មានថ្ងៃត្រឡប់វិញឡើយ។

តារាចម្រៀង សុគន្ធ និសា បានរៀបរាប់ទាំងក្តុកក្តួលថា “បងអេីយបង​ បងឆាតមកខ្ញុំមិនប៉ុន្មានថ្ងៃមុននេះទេ ហេីយបងក៏និយាយថា ជំងឺបងប្រហែលជា​មិនអាចប្រសេីរឡេីយ បងបានផ្ញេីរូបបងមក ខ្ញុំឃេីញហេីយខ្ញុំអាសូរបងឡេីងខ្លោចចិត្ត​តែមិននឹកស្មានដល់ថា លឿនថ្នាក់នេះសោះ សូមចូលរួមរំលែក​ទុក្ខក្រុមគ្រួសារផង ភា​ ដែលជាបុគ្គលិកឆ្នេីមរបស់ផលិតកម្មហង្សមាស​សូមបងបានទៅកាន់ទីស្ងប់“។

តារាចម្រៀងលោក ណុប បាយ៉ារិទ្ធ ក៏បានរៀបរាប់ដែរថា “ភា អើយ បងឃើញមួយរយ:ក្រោយនេះ គិតថាប្អូនបានធូរហើយ មិននឹកថា ភា ចាកចេញទៅក្នុងពេលនេះទេ។ ឈឺប៉ុណ្ណាក៏មិនដែលថ្ងូរដែរ សូមចូលរួមរំលែកទុក្ខចំពោះគ្រួសារសពផងនិងសូមបួងសួងឱ្យវិញ្ញាណក្ខន្ធប្អូនបានទៅកាន់សុគតិភពកុំបីឃ្លៀងឃ្លាត“។

មិនខុសគ្នាពីតារាចម្រៀងប្រុសស្រីទាំង២ ដួងខាងលើនោះទេ ចំណែកតារាចម្រៀងអ្នកនាង ពេជ្រ សោភា ក៏បានចូលរួមសោកស្តាយនិងលើកឡើងថា “ចូលរួមសោកស្តាយចំពោះការបាត់បង់មនុស្សជាទីស្រលាញ់នៅក្នុងគ្រួសារបងផង“។ដំណឹងនេះមានមហាជនអ្នកគាំទ្រជាច្រើនបានបង្ហាញការសោកស្តាយ និងចូលរួមរំលែកទុក្ខដ៏ក្រៀមក្រំនេះជាមួយក្រុមគ្រួសារនៃសពផងដែរ៕ អត្ថបទ៖ ចាន់រ៉ា