ជីវិតកម្សាន្ដ

តារាជើងចាស់កូរ៉េ Kim Jong Kook ប្រើលុយសុទ្ធទិញវីឡាប្រណីតនៅតំបន់តារាល្បីៗ

បានផុស

១ year មុន

នៅ

ថ្ងៃសុក្រ ២ ឧសភា ២០២៥

ដោយ

យោងតាមសេចក្តីរាយការណ៍មួយកាលពីថ្ងៃទី ០១ខែឧសភា ពីប្រភពឧស្សាហកម្មអចលនទ្រព្យ និងការិយាល័យចុះបញ្ជីរបស់តុលាការកំពូលប្រទេសកូរ៉េខាងត្បូង បានឲ្យដឹងថា តារាចម្រៀង លោក Kim Jong Kook បានប្រើប្រាស់លុយសុទ្ធ ទិញវីឡាប្រណីតដ៏ធំមួយស្ថិតនៅក្នុងតំបន់ Nonhyeon-dong, Gangnam ដោយមានទំហំផ្ទៃដី ២៤៣ម៉ែត្រការ៉េ ក្នុងតម្លៃ ៦.២ ពាន់លានវ៉ុន (ប្រហែល ៤.៣២ លានដុល្លារ) កាលពីខែមុន។

អ្វីដែលធ្វើឲ្យគេញាក់សាច់ និងដាក់ការសន្និដ្ឋានដោយស្ងើចសរសើរ នៅត្រង់ថា វីឡាដែលតារាចម្រៀងប្រុសវ័យ ៤៩ឆ្នាំ បានទិញនោះ គឺប្រើប្រាស់សាច់ប្រាក់សុទ្ធទៅទិញ ព្រោះគ្មានការបញ្ចាំលើអចលនទ្រព្យឬប្រាក់កម្ចីពីធនាគារណាមួយឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីឡានេះទទួលបានការពេញចិត្តជាពិសេសដោយតារាល្បីៗ ដែលផ្តល់តម្លៃលើភាពឯកជន ដោយសារតែជញ្ជាំងផ្នែកខាងក្រៅត្រូវបានបំពាក់ដោយឧបករណ៍ចាប់សញ្ញារាវរកចំនួនប្រាំស្រទាប់ ព្រមទាំងកាមេរ៉ា CCTV ប្រមាណ ១៨០គ្រាប់ បានដាក់នៅពាសពេញបរិវេណនៃអចលនទ្រព្យ ដែលធ្វើឲ្យវាពេញនិយមក្នុងចំណោមតារា និងសាជីវកម្មដែលផ្តល់អាទិភាពដល់ភាពឯកជនរបស់ពួកគេ។ សូម្បីតែ តារាសម្ដែងជួរមុខ ដូចជា Jang Geun Suk និង Lee Yo Won ក៏ត្រូវបានគេដឹងថារស់នៅក្នុងអគារដូចគ្នាដែរ។

តារាចម្រៀង Kim Jong-kook ត្រូវបានគេរាយការណ៍ថា បានទិញវីឡាប្រណីតសម្រាប់គោលបំណងផ្ទាល់ខ្លួន ហើយបច្ចុប្បន្នគាត់កំពុងរស់នៅក្នុងអគារមួយឈ្មោះថា Acro Hills Nonhyeon ក្នុង Nonhyeon-dong ជាមួយនឹងគម្រោងផ្លាស់ទៅផ្ទះថ្មីនៅខែមិថុនា។

Nonhyeon Apelbaum ដែលទើបទិញថ្មី គឺជាអគារវីឡាបែបទីក្រុងប្រណិត ដែលមានទីតាំងនៅ 260 Nonhyeon-dong, Gangnam ព្រមទាំងមានសមាជិកសរុប ៧៦ គ្រួសារ រស់នៅក្នុងអគារ។ នៅក្បែរនោះ មានស្ថានីយ៍ការិយាល័យ Hakdong និង Gangnam-gu (ខ្សែទី ៧) និងស្ថានីយ៍ Eonju និង Seonjeongneung (ខ្សែទី ៩) ក៏ល្អសម្រាប់ការដឹកជញ្ជូនផងដែរ៕