ជីវិតកម្សាន្ដ
តារាជើងចាស់កូរ៉េ លោក Choi Jung Woo ទទួលមរណភាពក្នុងវ័យ៦៩ឆ្នាំ
នៅរសៀលថ្ងៃទី ២៧ខែឧសភា ប្រព័ន្ធផ្សព្វផ្សាយកូរ៉េជាច្រើន បានរាយការណ៍អំពីមរណភាពរបស់តារាសម្ដែង Choi Jung Woo។ យោងតាមសារព័ត៌មាន Chosun បានឲ្យដឹងថា តួសម្តែងក្នុងរឿង «City Hunter» បានទទួលមរណភាពក្នុងអាយុ ៦៩ឆ្នាំ។ ចំពោះមូលហេតុនៃការស្លាប់របស់លោក មិនត្រូវបានប្រកាសឲ្យដឹងនៅឡើយ។
យោងតាម Bless ENT ដែលជាក្រុមហ៊ុនគ្រប់គ្រងរបស់តារាសម្តែងបានបញ្ជាក់ពីព័ត៌មានខាងលើនេះ តាមរយៈគណនីផ្ទាល់ខ្លួន ហើយថែមទាំងបញ្ចាក់ទៀតថា កាលពីថ្មីៗនេះ សុខភាពរបស់តារាសម្តែងជើងចាស់កូរ៉េ មានសភាពធម្មតាទេ ដោយមិនមានជំងឺអ្វីពីកំណើតគួរឲ្យកត់សម្គាល់នោះទេ។ ប៉ុន្តែថា តារាសម្តែងបានតស៊ូជាមួយជំងឺរ៉ាំរ៉ៃក្នុងរយៈពេលប៉ុន្មានឆ្នាំចុងក្រោយនៃជីវិតរបស់គាត់។
ពិធីបុណ្យសពរបស់លោក Choi Jung Woo នឹងធ្វើឡើងនៅមន្ទីរពេទ្យ Gimpo Woori Funeral Home នៅថ្ងៃទី ២៩ ខែឧសភា។ មរណភាពរបស់តារាប្រុសបានធ្វើឲ្យសាធារណជនមានការតក់ស្លុត និងខូចចិត្ត។ មុនពេលស្លាប់ តារាសម្ដែងនៅតែតាំងចិត្តផលិតភាពយន្ត។ នៅលើបណ្ដាញសង្គម ទស្សនិកជនបានផ្ញើសារចូលរួមរំលែកទុក្ខដល់ក្រុមគ្រួសារនៃសព ដែលជាការសម្ដែងការដឹងគុណចំពោះការចូលរួមចំណែកសិល្បៈរបស់តារាសម្ដែង និងជូនពរលោកបានទៅកាន់សុគតិភព។
លោក Choi Jung Woo កើតក្នុងឆ្នាំ ១៩៥៧ គឺជាតារាសម្តែងដែលត្រូវគេចងចាំ ដោយមនុស្សគ្រប់គ្នានៅក្នុងកម្មវិធីកូរ៉េ។ លោកចាប់ផ្ដើមអាជីពសម្ដែងដំបូងក្នុងឆ្នាំ ១៩៧៥ ហើយមានការថតភាពយន្តយ៉ាងច្រើនពីទូរទស្សន៍ដល់ភាពយន្ត។
ក្នុងចំណោមនោះការសម្ដែងរបស់លោកនៅក្នុងរឿងល្បីៗដូចជា «City Hunter (ជាមួយតារាប្រុស Lee Min Ho, Park Min Young), Legend of the Blue Sea (ដើរតួជាឪពុករបស់ Lee Min Ho), Doctor Stranger (ជាមួយ Lee Jong Suk, Kang So Ra) ឬ Master’s Sun (So Ji Suk, Gong Hyo Jin)» ការស្លាប់របស់ Choi Jung Woo ត្រូវបានចាត់ទុកថាជាការបាត់បង់ដ៏អស្ចារ្យសម្រាប់កម្មវិធីកូរ៉េ។
អាជីពទូរទស្សន៍របស់ Choi Jung Woo គឺមានមិនតិចដែរ។ គាត់បានបន្សល់ទុកនូវសញ្ញាសម្គាល់នៅក្នុងគម្រោងជាច្រើនដូចជា៖ Love To Death, Strongest Chil Woo, Painter of the Wind, Brilliant Legacy, God’s Quiz, Deep Rooted Tree, Chief of Staff Season 2 និង Call It Love ជាដើម៕
អត្ថបទ៖ សាង ស្រីល័ក្ខ
ចុចអាន៖មានរហស្សនាមជា «ស្តេច K-pop» តើដឹងទេថា កាលពីក្មេង G-Dragon វីវក់នឹងតន្រ្តីកម្រិតណា?
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ