ជីវិតកម្សាន្ដ

តួរឿង «Lilo & Stitch» ទទួលមរណភាពក្នុងវ័យ៥៧ឆ្នាំ ខណៈភាពយន្តកំពុងចាក់បញ្ចាំងក្នុងរោងកុន

បានផុស

១១ ខែ មុន

នៅ

ថ្ងៃអង្គារ ១៧ មិថុនា ២០២៥

ដោយ

នៅថ្ងៃទី ១៧ ខែមិថុនា PEOPLE បានរាយការណ៍ថា តារាសម្តែង David Hekili Kenui Bell ដែលដើរតួជា Big Hawaiian Dude ក្នុងភាពយន្តបែបជីវចលក្រោមចំណងជើងថា Lilo & Stitch ឆ្នាំ២០២៥របស់ Disney បានទទួលមរណភាពក្នុងអាយុ ៥៧ ឆ្នាំ។ ក្រុមគ្រួសារបានបញ្ជាក់ពីព័ត៌មាននេះ និងបានប្រកាសនៅលើទំព័រហ្វេសប៊ុកផ្ទាល់របស់ប្អូនស្រីគឺនាង Jalene Kanani Bell ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្អូនស្រីរបស់តារាសម្ដែងបានសរសេរថា «ក្រុមគ្រួសារមានទុក្ខជាទំងន់ នៅពេលដែលបងប្រុសជាទីស្រឡាញ់ មានចិត្តល្អ ទេពកោសល្យ កំប្លែង ឆ្លាតវៃ និងសង្ហារបស់ខ្ញុំគឺលោក David Hekili Kenui Bell បានទទួលមរណភាពហើយ» ។ ចំពោះមូលហេតុនៃការស្លាប់មិនត្រូវបានបង្ហាញឲ្យដឹងនោះទេ។

គួររំលឹកផងដែរថា David បានលាចាកលោកតែប៉ុន្មានសប្តាហ៍ក្រោយការបញ្ចាំងរឿង Lilo & Stitch។ ភាពយន្តសកម្មភាពផ្ទាល់ថ្មីរបស់ Disney នៅតែដាក់បញ្ចាំងនៅក្នុងរោងកុន ហើយធ្វើបានយ៉ាងល្អនៅឯ Box Office។ ជាមួយនឹងថវិកាផលិតកម្មប្រហែល ១០០ លានដុល្លារអាមេរិក ភាពយន្តនបែបគំនូរជីវចលបាននាំចំណូលជាង៨៥៨លានដុល្លារ គិតត្រឹមថ្ងៃទី ១៥ ខែមិថុនា។

មិនតែប៉ុណ្ណោះ នៅឯការបញ្ចាំងភាពយន្តនៅថ្ងៃទី ២៣ ខែឧសភា តារាសម្ដែងប្រុសបានត្រៀមសំបុត្រថ្នាក់ដំបូងយ៉ាងអន្ទះសារសម្រាប់គ្រួសារទាំងមូល ដើម្បីទស្សនាការបញ្ចាំងលើកដំបូងនៅរោងកុននៅ Kapolei (សហរដ្ឋអាមេរិក) ។

កើតនៅរដ្ឋហាវ៉ៃ លោក David បានកាន់មុខតំណែងផ្សេងៗនៅអាកាសយានដ្ឋានអន្តរជាតិ Kona។ ក្រៅពីការសម្ដែង លោកមានចំណង់ខ្លាំងក្នុងការបញ្ចេញសំឡេង។ មោទនភាពដ៏អស្ចារ្យបំផុតមួយរបស់លោក David គឺការថតសំឡេងរបស់គាត់នៅអាកាសយានដ្ឋាន Kona ជាកន្លែងដែលអ្នកធ្វើដំណើរអាចឮគាត់តាមប្រព័ន្ធបំពងសំឡេងពេលពួកគេចូលទៅហាវ៉ៃ។ លោកក៏បានបង្ហាញខ្លួនក្នុងតួនាទីគាំទ្រដ៏គួរឲ្យចងចាំដូចជា Magnum P.I. (២០១៨ ដល់ ២០១៩) និង Hawaii Five-0 (២០១៤៕