ជីវិតកម្សាន្ដ
រឿងអាស្រូវគ្រឿងញៀន Yoo Ah-in រសាត់បន្តិចម្តងៗ ព្រោះភាពយន្ត ២ ទទួលជោគជ័យយ៉ាងត្រចះត្រចង់
ទោះបីជាប្រឈមមុខនឹងភាពចម្រូងចម្រាសច្រើនក៏ដោយ ក៏ខ្សែភាពយន្តថ្មីៗចំនួនពីររបស់តារាសម្ដែងកូរ៉េ Yoo Ah-in ក្រោមចំណងជើងថា «The Match» និង «Hi-Five» បានយកឈ្នះលើរឿងអាស្រូវដែលតារាប្រុសពុងប្រឈមមុខ និងទទួលបានភាពជោគជ័យក្នុងប្រអប់សំបុត្រ។
រឿង «The Match» ដែលបានចេញផ្សាយកាលពីខែមីនា ទទួលបានការចូលមើលលើសពី ២ លានដងក្នុងរយៈពេលត្រឹមតែ ២៧ ថ្ងៃ ក្លាយជាខ្សែភាពយន្តកូរ៉េដែលរកចំណូលបានខ្ពស់បំផុតទី២ ក្នុងឆ្នាំ ២០២៥ ។ ភាពយន្តនេះក៏ទទួលបានពិន្ទុដាច់រហូតដល់ ១.៨ លានដង ដែលបង្ហាញពីការទាក់ទាញយ៉ាងខ្លាំងដល់ទស្សនិកជន។ ទន្ទឹមនឹងនេះ រឿង «Hi-Five» ដែលបានចេញផ្សាយកាលពីខែឧសភា បានទាក់ទាញអ្នកទស្សនាច្រើនជាង១លានដង ដោយជាប់ចំណាត់ថ្នាក់ទី៥ ក្នុងចំណោមខ្សែភាពយន្តកូរ៉េដែលបានចេញផ្សាយនៅឆ្នាំនេះ។
ភាពយន្ដទាំងពីរបានប្រឈមមុខនឹងការលំបាកជាច្រើនមុនពេលចេញផ្សាយ ដោយសារតែការចូលរួមរបស់ Yoo Ah-in។ «The Match» ដើមឡើយគ្រោងនឹងចេញផ្សាយនៅឆ្នាំ ២០២៣ ប៉ុន្តែត្រូវបានពន្យារពេលដោយសារភាពចម្រូងចម្រាសជុំវិញការប្រើប្រាស់គ្រឿងញៀនរបស់លោក។ ដូចគ្នានេះដែរ «Hi-Five» ក៏ត្រូវបានពន្យារពេល ហើយទើបតែចេញថ្មីៗនេះដូចគ្នា។
ថ្វីដ្បិតតែតារាសម្ដែងវ័យ៣៨ឆ្នាំ មិនបានចូលរួមក្នុងសកម្មភាពផ្សព្វផ្សាយសម្រាប់ភាពយន្តទាំងពីរនោះ ហើយក៏មិនបានបង្ហាញខ្លួននៅលើផ្ទាំងរូបភាពសំខាន់ដូចតួសម្ដែងដទៃ បើទោះបីជាខ្លួនជាតួឯកក្នុងរឿងទាំងពីរនេះក៏ដោយ។ យ៉ាងណាមិញ ការសម្ដែងរបស់លោកក្នុងភាពយន្តទាំងពីរ ត្រូវបានគេសរសើរថារឹងមាំ និងគួរឲ្យចាប់អារម្មណ៍ជាច្រើន។
អ្នករិះគន់និយាយថា ជោគជ័យនៃភាពយន្តទាំងនេះមិនមែនមកពីតារាសម្ដែង Yoo Ah-in ទេ។ ភាពយន្តទាំងពីរមានតួសម្តែងចម្រុះដោយសារតែក្នុងរឿង The Match មានតួនាំមុខដូចជាតារាប្រុសលោក Lee Byung-hun ចំណែកក្នុងរឿង Hi-Five តារាស្រី Lee Jae-in ជាអ្នកគ្រប់គ្រងសាច់រឿង ខណៈពេលដែលអ្នកទស្សនាមួយចំនួនអាចមានអារម្មណ៍មិនសប្បាយចិត្តជាមួយនឹងវត្តមានរបស់តួប្រុស ហើយសាច់រឿងដ៏ទាក់ទាញ និងតម្លៃនៃការកម្សាន្តជួយឲ្យវាយកឈ្នះលើអារម្មណ៍អ្នកទស្សនាបាន។
យ៉ាងណាមិញ ដូចដែលទស្សនិកជនជាច្រើនធ្លាប់ដឹងហើយថា នៅប្រទេសកូរ៉េ ខ្សែភាពយន្តដែលមានតួសម្តែងពាក់ព័ន្ធនឹងរឿងអាស្រូវ ច្រើនតែត្រូវបានពន្យារពេល ឬលុបចោល។ អ្នករិះគន់និយាយថា ភាពជោគជ័យនៃ «The Match» និង «Hi-Five» បាននាំមកនូវសេចក្តីសង្រ្គោះមិនត្រឹមតែដល់ Yoo Ah-in ប៉ុណ្ណោះទេ ថែមទាំងដល់ផលិតករ និងសមាជិកនាវិកដែលបានផលិតខ្សែភាពយន្តទាំងនេះផងដែរ៕
អត្ថបទ៖ សាង ស្រីល័ក្ខ
ចុចអាន៖ផ្ទុះចម្រូងចម្រាស ក្រោយសមាជិក NewJeans ម្នាក់លេចមុខនៅក្លឹប ទាំងកំពុងជាប់បម្រាមតុលាការ
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៦ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ