ជីវិតកម្សាន្ដ

តារាជើងចាស់ ៣ដួង នៅតែមានប្រជាប្រិយភាពក្នុងចិត្តពលរដ្ឋខ្មែរនៅកម្ពុជាក្រោម

បានផុស

២ នាទីutes មុន

នៅ

ថ្ងៃចន្ទ ៣០ មិថុនា ២០២៥

ដោយ

តារាចម្រៀងខែ្មរជាច្រើនដួង បានធ្វើដំណើរទៅកាន់ខេត្តព្រះត្រពាំង កម្ពុជាក្រោម ដើម្បីចូលរួមពិធីបុណ្យសម្ពោធសាលាធម្មសភា ២ជាន់ រោងទាន ខ្លោងទ្វារ និងខួបអនុស្សាវរីយ៍១២០ឆ្នាំ ការសាងវត្តដែលបានរៀបចំធ្វើឡើងនៅថ្ងៃទី២៦-២៨ ខែមិថុនា ឆ្នាំ២០២៥ ពោលរយៈពេល ៣ថ្ងៃ។

តាមរយៈកម្មវិធីនេះ សង្កេតឃើញមានតារាចម្រៀងជើងចាស់និងថ្មីជាច្រើនរូប ចូលរួមផងដែរ ដូចជា លោក ណយ វ៉ាន់ណេត លោក ហួ ឡាវី, អ្នកនាង ម៉េង កែវពេជ្ជតា, ទិត្យ សុធារី, បាន មុន្នីល័ក្ខ, លោក ឈឿន ឧត្តម និងតារាចម្រៀងខ្មែរជាច្រើនរូបទៀត ។

អ្វីដែលគួរឱ្យកត់សម្គាល់នោះ គឺតារាជើងចាស់ ២ដួង អ្នកនាង ម៉េង កែវពេជ្ជតា លោក ណយ វ៉ាន់ណេត ព្រមនិងលោក ហួរ ឡាវី ពិតជាទទួលបានការគាំទ្រខ្លាំងពីសំណាក់ពលរដ្ឋខ្មែរដែលកំពុងផ្ញើរវាសនានៅទឹកដីកម្ពុជាក្រោម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការសាទរនិងស្វាគមន៍យ៉ាងកក់ក្តៅ អ្នកនាង ម៉េង កែវពេជ្ជតា រំភើបដល់ថ្នាក់ហូរទឹកភ្នែក បន្ទាប់ពីឃើញការគាំទ្រយ៉ាងខ្លាំងពីសំណាក់បងប្អូនខ្មែរនៅកម្ពុជាក្រោម។ តារាជើងចាស់រូបនេះ និយាយទៅកាន់អ្នកគាំទ្រដោយផ្ទាល់ថា “បងប្អូនធ្វើឲ្យខ្ញុំយំហើយ យំព្រោះរំភើបចិត្ត ដែលបងប្អូនផ្ដល់ក្ដីស្រលាញ់ និងគាំទ្រលើសពីអ្វីដែលខ្ញុំធ្លាប់ឮ”។

អ្នកនាងបន្តថា “ខ្ញុំរង់ចាំពេលនេះយូរហើយ ខ្ញុំពិតជាចង់អោយបងប្អូនទាំងអស់គ្នាមានស្នាមញញឹម នាងខ្ញុំពិតជារំភើបច្រៀងមិនចង់ចេញ”។

មិនខុសគ្នានោះទេ លោក ណយ វ៉ាន់ណេត ក៏ដូចជាលោក ហួរ ឡាវី ក៏ទទួលបានការគាំទ្រផងដែរ។ ដ្បិតតែវ័យជ្រេបន្តិចក្តី តែប្រជាប្រិយភាពរបស់លោកនៅទីនោះ ក៏មិនចាញ់អ្នកនាង ម៉េង កែវពេជ្ជតា ដែរ ខណៈក៏ទទួលបានការកោតសរសើរពីអ្នកគាំទ្រគ្រប់វ័យ៕

Related Topics: