តារាចម្រៀង Kim Jong Kook បញ្ចប់ភាពនៅលីវក្នុងវ័យកៀក៥០ឆ្នាំ ជាមួយនារីអាថ៌កំបាំងម្នាក់

នៅព្រឹកថ្ងៃទី១៨ ខែសីហា សារព័ត៌មានកូរ៉េបានចុះផ្សាយថា Kim Jong Kook ត្រៀមរៀបការក្នុងវ័យ៤៩ឆ្នាំ ដំណឹងល្អនេះដែរ ចំពេលឱកាសគម្រប់ខួប៣០ឆ្នាំរបស់តារាចម្រៀងក្នុងវិស័យសិល្បៈ ដោយបានធ្វើឲ្យអ្នកគាំទ្រ និងមិត្តភ័ក្តិជាច្រើនបានបន្សល់ទុកនូវសារអបអរសាទរយ៉ាងច្រើនលើសលុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនគ្រប់គ្រងរបស់ Kim Jong Kook គឺក្រុមហ៊ុន Turbo JK Company បានចែករំលែកថា ក្នុងឱកាសគម្រប់ខួបលើកទី ៣០ របស់គាត់ គាត់កំពុងចាប់ផ្តើមដំណើរថ្មី ដែលពិតជាពិសេស។ យើងសង្ឃឹមថា អ្នកទាំងអស់គ្នានឹងផ្ញើជូនគាត់នូវអារម្មណ៍កក់ក្តៅ ការគាំទ្រ និងការអបអរសាទរជាច្រើន”។

ពិធីមង្គលការរបស់ Kim Jong Kook នឹងធ្វើឡើងជាលក្ខណៈឯកជននៅទីតាំងមួយក្នុងទីក្រុងសេអ៊ូល។ លោក​ថា​នឹង​អញ្ជើញ​តែ​ទាំង​គ្រួសារ និង​មិត្តភ័ក្តិ​ជិត​ស្និទ្ធ​តែ​ប៉ុណ្ណោះ។ បច្ចុប្បន្ន​ព័ត៌មាន​អំពី​គ្រួសារ​កូនក្រមុំ​នៅ​តែ​រក្សា​ការ​សម្ងាត់នូវឡើយទេ។

Kim Jong Kook ត្រូវបានគេស្គាល់ថាជាបុរសសង្ហានៃវិស័យសិល្បៈកូរ៉េ ។ លោក​មិន​ដែល​បង្ហាញ​ជីវិត​ស្នេហា​ជា​សាធារណៈ​ឡើយ ដូច្នេះ​ហើយ​ទើប​ដំណឹង​រៀបការ​របស់​លោក​បាន​ធ្វើ​ឲ្យ​ផ្អើល​ពេញ​បណ្ដាញ​សង្គម។ ពាក្យគន្លឹះ «Kim Jong Kook gets married» ភ្លាមៗបានក្លាយជាពាក្យគន្លឹះ ដែលគេស្វែងរកច្រើនបំផុតទាំងនៅកូរ៉េ និងប្រទេសចិន។

Kim Jong Kook កើតនៅឆ្នាំ១៩៧៦ ដែលល្បីល្បាញជាតារាចម្រៀង និងជាតារាទូរទស្សន៍។ ក្នុងឆ្នាំ ២០០៥ អាល់ប៊ុម This Is Me”របស់លោកលក់បានជាង ៣០០,០០០ កូពី ដែលបានក្លាយជាអាល់ប៊ុមលក់ដាច់បំផុតក្នុងឆ្នាំនោះ។ តារាចម្រៀងប្រុសបានឈ្នះពានរង្វាន់ Daesang ទាំង ៣ ពីស្ថានីយ៍ទូរទស្សន៍ធំៗចំនួន៣ នៅក្នុងប្រទេស ហើយបទចម្រៀងដែលមានចំណងជើងថា Loveable ក៏ជួយឲ្យឈ្មោះរបស់គាត់លេចធ្លោជាកំពូលតារាចម្រៀងផងដែរ។

ដោយឡែក ងាកមកកាន់ជីវិតឯកជនវិញ កន្លង​មក​តារា​ចម្រៀង​ប្រុស​មាន​ពាក្យ​ចចាមអារ៉ាម​ថា​កំពុង​មាន​ស្នេហា​ជាមួយ Yoon Eun Hye និង Song Ji Hyo ប៉ុន្តែ​លោក​បាន​បដិសេធ។ បច្ចុប្បន្ននេះ Kim Joong Kook នៅតែឧស្សាហ៍រៀបចំសម្រាប់អាល់ប៊ុមគម្រប់ខួប ៣០ ឆ្នាំរបស់គាត់ និងការប្រគំតន្ត្រីនៅខែតុលាខាងមុខនេះ៕

អត្ថបទ៖ សាង ស្រីល័ក្ខ

ចុចអាន៖​ស៊ើបអង្កេតផ្ទះ​អតីត​ស្ត្រី​ទី​មួយ​កូរ៉េ​ខាង​ត្បូង ​រក​ឃើញ​អំណោយដ៏ប្រណីតជាច្រើនបន្ថែមទៀត