YouTuber តៃវ៉ាន់​ ​ចោទប៉ូលិស​កូរ៉េ​ថា អសមត្ថភាព ក្រោយត្រូវបុរសម្នាក់ព្រួតវាយ

ស្ត្រីជនជាតិតៃវ៉ាន់ម្នាក់បានចោទប្រកាន់ប៉ូលិស​កូរ៉េ​ថា អសមត្ថភាពពុំអាចរកជនដៃដល់បានភ្លាមៗ ក្នុងពេលដែលរូបនាងកំពុងដើរនៅក្នុងសង្កាត់ Hongdae នៃទីក្រុងសេអ៊ូល នាងស្រាប់តែត្រូវគេវាយចំមុខ និងបន្សល់ទុកដោយស្នាមជាំ និងស្នាមម្រាមដៃ បន្ទាប់ពីបដិសេធពីមនុស្សចម្លែកម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃច័ន្ទ ទូរទស្សន៍តៃវ៉ាន់ FTV និងបណ្តាញផ្សាយក្នុងស្រុកផ្សេងទៀតបានរាយការណ៍ថា Liu Li-ying ដែលជា YouTuber តៃវ៉ាន់ដែលមានអ្នកជាវ ៤៦០,០០០ ត្រូវបុរសមិនស្គាល់មុខវាយដំនាង បន្ទាប់ពីបដិសេធពួកគេ នៅ Hongdae ដែលជាមជ្ឈមណ្ឌលកម្សាន្តពេលរាត្រីដ៏ពេញនិយមរបស់អ្នកនៅស្រុក Mapo ភាគខាងលិចទីក្រុងសេអ៊ូល ។

នាង Liu Li-ying បានបង្ហោះរូបថតរបួសរបស់នាង នៅលើបណ្ដាញសង្គម Instagram ដោយបង្ហាញពីស្នាមជាំធំៗនៅលើដៃ និងជើង ព្រមទាំងស្នាមកោសនៅលើស្បែកនៅលើបណ្ដាញ​អ៊ីនធឺណិត បង្ក​ឲ្យមាន​ភាព​ចម្រូងចម្រាស។

នៅលើប្រព័ន្ធផ្សព្វផ្សាយសង្គម នាងបានសរសេរថា នាងត្រូវគេទះកំផ្លៀង បន្ទាប់ពីបដិសេធការនឹងបុរសម្នាក់ និងការទាមទារឲ្យគាត់ដេកជាមួយគ្នា នៅលើដងផ្លូវនៃ Hongdae ។ នាងក៏បានរិះគន់អាជ្ញាធរមូលដ្ឋានដោយសរសេរថា ប៉ូលិសកូរ៉េពិតជាអសមត្ថភាពណាស់។

មិនតែប៉ុណ្ណោះ របាយការណ៍ដំបូងបាននិយាយថា បុរសដែលវាយដំនាង Liu ហាក់ដូចជាជនជាតិកូរ៉េ ពួកគេត្រូវបានគេបញ្ជាក់ថាជាជនជាតិចិន នេះបើយោងតាមប៉ូលិសប្រចាំតំបន់ Mapo កាលពីថ្ងៃពុធ។ ប៉ូលិសតំបន់ Mapo បានទទួលករណីបុរសជនជាតិចិនម្នាក់ក្នុងវ័យ ២០ ឆ្នាំរបស់គាត់បានរំលោភលើស្ត្រីតៃវ៉ាន់ពីរនាក់ ហើយបានចាប់ផ្តើមការស៊ើបអង្កេតផ្ទៃក្នុង។

ដោយឡែក យោងតាមរបាយការណ៍បានបញ្ចប់ដោយការដកស្រង់សម្តីអ្នកជំនាញដែលបាននិយាយថាការវាយដំតាមដងផ្លូវនៅក្នុងប្រទេសកូរ៉េគឺកម្រណាស់ ប៉ុន្តែសម្រាប់អ្នកធ្វើដំណើរដែលមិនស្គាល់ភាសា ឬវប្បធម៌ក្នុងតំបន់ ការចៀសវាងការសន្ទនាជាមួយមនុស្សចម្លែក និងការរក្សាចម្ងាយគឺមានសារៈសំខាន់សម្រាប់សុវត្ថិភាពផ្ទាល់ខ្លួន៕

អត្ថបទ៖ សាង ស្រីល័ក្ខ

ចុចអាន៖ស្ត្រីចិនមួយក្រុមរាំលើកោះ ជេជូ នាំឲ្យរិះគន់ថា កំពុងបំផ្លាញវប្បធម៌កូរ៉េដ៏ផូផង់