ព័ត៌មានអន្ដរជាតិ

ឥណ្ឌាឆ្លងកូវីដ-១៩ថ្មីដល់៣៥ ម៉ឺននាក់លើកដំបូងក្នុងមួយថ្ងៃ

បានផុស

៣ years មុន

នៅ

ថ្ងៃអង្គារ ២៧ មេសា ២០២១

ដោយ

ករណីឆ្លងកូវីដ-១៩នៅប្រទេសឥណ្ឌាបានឡើងខ្ពស់បំផុត៣៥ម៉ឺននាក់ក្នុងរយៈពេល២៤ម៉ោងជាលើកដំបូង បន្ទាប់ពីឆ្លងបំបែកកំណត់ត្រាពិភពលោក៣ថ្ងៃជាប់គ្នា។

តាមទិន្នន័យរបស់ក្រសួងសុខាភិបាលបានបង្ហាញថា រយៈពេល២៤ម៉ោងចុងក្រោយ ប្រទេសឥណ្ឌាមានករណីឆ្លងកូវីដ-១៩ថ្មីសរុបចំនួន ៣៥២ ៩៩១ នាក់ជាលើកដំបូង ដែលជាចំនួនខ្ពស់បំផុតប្រចាំថ្ងៃក្នុងពិភពលោកដែលបានបំបែកកំណត់ត្រាចាស់របស់ខ្លួនកាលពីថ្ងៃសៅរ។

ចំណែកអ្នកស្លាប់ក្នុងរយៈពេល២៤ម៉ោងចុងក្រោយមានចំនួន២៨១២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសៅរ៍ ទី២៤ ខែមេសា មានករណីឆ្លងកូវីដ-១៩ថ្មីមាន ចំនួន ៣៤៦ ៧៨៦នាក់ ដែលជាកំណត់ត្រាឆ្លងប្រចាំថ្ងៃរបស់ខ្លួន។ កាលពីថ្ងៃសុក្រ ទី២៣ ខែមេសា ករណីឆ្លងកូវីដ-១៩ថ្មីនៅប្រទេសឥណ្ឌាក្នុងរយៈពេល២៤ម៉ោងមាន ចំនួន ៣៣២ ៧៣០ នាក់ និងកាលពីថ្ងៃព្រហស្បតិ៍ ទី២២ ខែមេសានេះ ប្រទេសឥណ្ឌាបមានករណីឆ្លងកូវីដ-១៩ថ្មី ចំនួន ៣១៤ ៨៣៥នាក់។

រហូតដល់នេះ ប្រទេសឥណ្ឌាមានករណីឆ្លងសរុបចំនួន ១៧.៧៣១លាននាក់ដែលជាចំនួនកើនឡើងយ៉ាងឆាប់រហ័ស។ ជាពិសេគ្រាន់តែ៤ថ្ងៃចុងក្រោយនេះឡើងជាងមួយលាននាក់។ ចំណែកអ្នកស្លាប់សរុបមានចំនួន ១៩៥ ១២៣នាក់។

ប្រហែលជាពីរសប្តាហ៍ចុងក្រោយនេះ មន្ទីរពេទ្យនៅប្រទេសឥណ្ឌាបានកំពុងលិចលង់ដោយអ្នកជំងឺកូវីដ-១៩ ខណៈមន្ទីរពេទ្យបានកំពុងខ្វះខាត់អ៊ុកស៊ីសែន និងគ្រែជាចាំបាច់សម្រាប់ព្យាបាល។

ដោយសារខ្វះគ្រែ និងអ៊ុកស៊ីសែនបានបណ្តាលឲ្យអ្នកជំងឺកូវីដ-១៩ជាបន្តបន្ទាប់បានស្លាប់នៅក្រៅមន្ទីរពេទ្យ និងផ្ទះ។

យ៉ាងណា រយៈពេលពីរថ្ងៃចុងក្រោយនេះ បណ្តាប្រទេសជាច្រើនក្នុងពិភពលោកដូចជា អាមេរិក បារាំង អង់គ្លេស អាល្លឺម៉ង់ និងសូម្បីប្រទេសជិតខាងជាដៃគូប្រជែងគឺចិន និងប៉ាគីស្ថានក៏សម្រេចផ្តល់ជំនួយពាក់ព័ន្ធនឹងបរិក្ខាវេជ្ជសាស្ត្រដល់ប្រទេសឥណ្ឌាដែរ៕

ប្រែសម្រួល៖ វីរបុត្រ
ប្រភព៖ reuters