ព័ត៌មានអន្ដរជាតិ

អ្នករាយការណ៍ពិសេស UN ៖ ទំនាក់ទំនងឥណ្ឌានិងអ៊ីស្រាអែលថ្មីៗនេះ នាំដល់បំពានច្បាប់អន្តរជាតិ

បានផុស

២ ខែ មុន

នៅ

ថ្ងៃពុធ ២២ មេសា ២០២៦

ដោយ

នៅក្នុងបទសម្ភាសន៍ជាមួយកាសែតឥណ្ឌា The Hindu អ្នករាយការណ៍ពិសេសរបស់អង្គការសហប្រជាជាតិ (UN) ស្តីពីតំបន់ប៉ាឡេស្ទីន លោកស្រី Francesca Albanese បានរិះគន់ចំពោះទំនាក់ទំនងរបស់ឥណ្ឌាជាមួយអ៊ីស្រាអែលនាពេលថ្មីៗ ដោយអះអាងថា ទីក្រុងញូវដេលីអាចរំលោភលើកាតព្វកិច្ចរបស់ខ្លួនក្រោមច្បាប់អន្តរជាតិ។

យោងតាមសារព័ត៌មានឥណ្ឌា Outlook ផ្សាយថ្ងៃទី២១ ខែមេសា ឆ្នាំ២០២៦ ដោយមានការរកឃើញមួយភ្ជាប់ទៅនឹងតុលាការយុត្តិធម៌អន្តរជាតិ (ICJ) លោកស្រី Albanese និយាយថា៖ « ICJ បានដាក់កាតព្វកិច្ចលើរដ្ឋនានាមិនត្រូវជួញដូរ ផ្ទេរ ទិញអាវុធពីរដ្ឋដែលត្រូវបានចោទប្រកាន់ពីបទកាន់កាប់ខុសច្បាប់នោះទេ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Albanese បង្ហាញពីការរកឃើញនៃរបាយការណ៍របស់ខ្លួនមានចំណងជើងថា «ការធ្វើទារុណកម្ម និងអំពើប្រល័យពូជសាសន៍» ដែលបានដាក់ជូនក្រុមប្រឹក្សាសិទ្ធិមនុស្សអង្គការសហប្រជាជាតិនិងរកឃើញថា អ៊ីស្រាអែលបានធ្វើទារុណកម្មជាប្រព័ន្ធប្រឆាំងនឹងប្រជាជនប៉ាឡេស្ទីនចាប់តាំងពីខែតុលា ឆ្នាំ២០២៣។

របាយការណ៍នោះពិពណ៌នាពីកន្លែងឃុំឃាំង និងលក្ខខណ្ឌនានានៅក្នុងតំបន់ហ្គាហ្សាថា ជាជំរំធ្វើទារុណកម្មដ៏ធំសម្បើម ដោយកត់ត្រាការចាប់ខ្លួនមនុស្សជាង ១៨ ៥០០នាក់ កុមារ ១ ៥០០នាក់ និងបាត់ខ្លួនដោយបង្ខំជាង ៤ ០០០នាក់។

ចំពោះប្រទេសឥណ្ឌា លោកស្រីបន្ថែមថា៖ « ពេលដែលនាយករដ្ឋមន្ត្រីអ៊ីស្រាអែល លោក ណេតាន់យ៉ាហ៊ូ ត្រូវបានចោទប្រកាន់ពីបទឧក្រិដ្ឋកម្មសង្គ្រាមនិងឧក្រិដ្ឋកម្មប្រឆាំងនឹងមនុស្សជាតិ ប្រទេសឥណ្ឌាដែលមានទំនាក់ទំនងជាមួយ ក៏កំពុងរំលោភលើកាតព្វកិច្ចរបស់ខ្លួនក្រោមច្បាប់អន្តរជាតិ ថែមទាំងអាចប្រឈមមុខនឹងការទទួលខុសត្រូវទៀតផង»។

លោកស្រី Albanese អះអាងថា ទំនាក់ទំនងនយោបាយនិងការពារជាតិជាបន្តបន្ទាប់របស់ឥណ្ឌាជាមួយអ៊ីស្រាអែល កំពុងមានហានិភ័យ បង្កឱ្យមានប្រព័ន្ធអំពើហិង្សាកាន់តែទូលំទូលាយនិងនាំឱ្យរិចរិលនៃសណ្តាប់ធ្នាប់ផ្លូវច្បាប់អន្តរជាតិ។

លោកស្រីបន្តថា៖ « ពីរថ្ងៃមុនសង្គ្រាមបច្ចុប្បន្ន[អ៊ីស្រាអែល] ជាមួយអ៊ីរ៉ង់ នាយករដ្ឋមន្ត្រីឥណ្ឌា លោក Modi បានទៅទស្សនកិច្ចក្នុងប្រទេសអ៊ីស្រាអែលបង្កើនទំនាក់ទំនងភាពជាដៃគូយុទ្ធសាស្ត្រពិសេស ហើយថាអ៊ីស្រាអែលជាមាតុភូមិសម្រាប់ជនជាតិ Jews ដើមកំណើតឥណ្ឌាទៀតផង»។

លោកស្រីបន្ថែមថា៖ « ក្នុងនាមជាសមាជិកនៃអង្គការសហប្រជាជាតិ ប្រទេសទាំងពីរមានការទទួលខុសត្រូវក្នុងប្រព័ន្ធអន្តរជាតិ។ វាហាក់ដូចជាខ្ញុំថា បច្ចុប្បន្ន ឥណ្ឌានិងអ៊ីស្រាអែលកំពុងរួមចំណែកនាំឱ្យមានការពុកផុយនៃប្រព័ន្ធអន្តរជាតិដែលបុព្វបុរសរបស់យើងបានកសាងឡើងយ៉ាងលំបាកមកអ៊ីចឹង»៕

ប្រែសម្រួល៖ ណឺ មិនា

Related Topics:អង្គការសហប្រជាជាតិ (UN)ឥណ្ឌាអ៊ីស្រាអែល

ព័ត៌មានអន្ដរជាតិ១៥ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា