វ៉ាក់សាំងផលិត​នៅថៃ AZ នឹង​ផ្គត់​ផ្គង់​ដល់​ប្រទេស​អាស៊ាន​សប្តាហ៍​ខាងមុខ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

វ៉ាក់សាំងផលិត​នៅថៃ AZ នឹង​ផ្គត់​ផ្គង់​ដល់​ប្រទេស​អាស៊ាន​សប្តាហ៍​ខាងមុខ

បានផុស

នៅ

ក្រុម​ហ៊ុន​ផលិត​វ៉ាក់សាំង AstraZeneca អាច​​នឹង​ផ្គត់​ផ្គង់​​​​វ៉ាក់សាំងការពារ​កូវីដ-១៩​របស់​ខ្លួន​ដែល​ផលិត​នៅ​ប្រទេស​ថៃដល់​បណ្តា​ប្រទេស​អាស៊ាន​នា​សប្តាហ៍​ខាង​មុខ​​ បន្ទាប់​ពី​​បាន​ចាប់​ផ្តើម​ចែក​ចាយ​​ដល់​រដ្ឋាភិបាល​ថៃ​នៅ​ក្នុង​សប្តាហ៍​នេះ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម​ហ៊ុន​បាន​ប្រកាស​ពី​ការ​ផ្គត់​ផ្គង់​ជា​ផ្លូវ​ការ​ដល់​ប្រទេស​ថៃ​ដែល​ជា​វ៉ាក់សាំង​ការពារ​កូវីដ-១៩​ផលិត​នៅ​ក្នុង​ស្រុក​លើក​ដំបូង។ ក្រុម​ហ៊ុន​និយាយ​ថា ខ្លួន​ពិត​ជា​មោទនភាព​ណាស់​ដែល​បាន​ផ្គត់​ផ្គង់​វ៉ាក់សាំង​ក្នុង​ស្រុក​ដល់​ក្រសួង​សុខាភិបាល​ថៃ​ក្នុង​រយៈ​ពេល​ប៉ុន្មាន​ថ្ងៃ​នេះ។

ទោះ​បី​ជា​យ៉ាង​ណា ក្រុម​ហ៊ុន​មិន​បាន​បញ្ជាក់​ច្បាស់​ពី​ពេល​វេលា​ជាក់​លាក់​នៃ​ការ​ផ្គត់​ផ្គង់​ឡើយ​ដោយ​គ្រាន់​តែ​បង្ហាញ​ថា​បាន​ចែក​ចាយ​នៅ​ក្នុង​សប្តាហ៍ទី​១​ដើម​ខែ​មិថុនា​នេះ ហើយ​ក៏​មិន​បាន​បញ្ជាក់​ពី​ចំនួន​ដែរ។ ប៉ុន្តែ​តាម​ប្រភព​ពី​ក្រុម​ហ៊ុន​​បាន​ប្រាប់​សារព័ត៌មាន Bangkok Post ថា ក្រុម​ហ៊ុន​នឹង​ផ្គត់​ផ្គង់​ដំបូង​ចំនួន ១.៨​លាន​ដូស​ដល់​ក្រសួង​សុខាភិបាល​ថៃ។

ក្រុម​ហ៊ុន​បាន​និយាយ​ថា វ៉ាក់សាំង​ដែល​​ចាប់​ដៃ​គូ​​ផលិត​ជា​មួយ​​​ក្រុម​ហ៊ុន​ Siam Bioscience​ របស់​ថៃ​ដែល​មាន​ឯកទេស​ក្នុង​ការ​ផលិត​ឱសថ គឺ​ដើម្បី​គាំទ្រ​ដល់​ការ​ទទួល​បាន​វ៉ាក់សាំង​ប្រកប​ដោយ​ស្មើភាព និង​ទូលំទូលាយ​នៅ​ក្នុង​បណ្តា​ប្រទេស​អាស៊ី​អាគ្នេយ៍។​

ក្រុម​ហ៊ុន​បញ្ជាក់​ថា ការ​ផ្គត់​ផ្គង់​ទៅ​កាន់​បណ្តា​ប្រទេស​អាស៊ី​អាគ្នេយ៍​​នឹង​ចាប់​ផ្តើម​សប្តាហ៍​ខាង​មុខ។

ប្រធាន​ក្រុម​ហ៊ុន AstraZeneca ប្រចាំ​ប្រទេស​ថៃ លោក James Teague បាន​និយាយ​ថា ៖«នេះ​ជា​ព្រឹត្តិការណ៍​ដ៏​សំខាន់​មួយ​ក្នុង​ការ​ប្រយុទ្ធ​នឹង​កូវីដ-១៩។ ការ​បង្កើន​ក្នុង​ការ​ផលិត​វ៉ាក់សាំង​នៅ​ក្នុង​ប្រទេស​ថៃ​របស់​យើងទើប​តែ​ពីរ​បី​ខែ​​ប៉ុណ្ណោះ​គឺ​ទទួល​បាន​សមិទ្ធផល​​ដ៏​ធំ​ធេង។ ​​អរគុណ​ដល់​កិច្ច​សហប្រតិបត្តិការដ៏​ល្អ​ជា​មួយ​ដៃ​គូ​ផលិត​របស់​យើង​គឺ Siam Bioscience»។

លោក​បន្ត​ថា ៖«ឥឡូវ​នេះ​យើង​បាន​រួច​រាល់​ហើយ​ដើម្បី​ផ្គត់​ផ្គង់​វ៉ាក់សាំង​ផលិត​ក្នុង​ស្រុក​ដែល​មាន​គុណភាព​ខ្ពស់។ យើង​អាច​ជួយ​រដ្ឋាភិបាល​ឲ្យ​សម្រេច​គោល​ដៅ​នៃកម្មវិធី​ចាក់​វ៉ាក់សាំង​ដល់​ប្រជា​ជន​ថៃឲ្យ​បាន​លឿន​បំផុត​តាម​ដែល​អាច​ធ្វើ​ទៅ​បាន»។

លោក Nualphan Lamsam នាយក​ផ្នែក​ទំនាក់​ទំនង​សាជីវកម្ម​ក្រុម​ហ៊ុន Siam Bioscience បាន​និយាយ​ថា ៖«Siam Bioscience មាន​មោទនភាព​ណាស់​ដែល​ក្រុម​ហ៊ុន AstraZeneca ជ្រើស​រើស​ជា​ដៃ​គូ​ផលិត​ក្នុង​ស្រុក​របស់​ខ្លួន ហើយ​យើង​បាន​បំពេញ​តួនាទី​ក្នុង​ការ​ផលិត​វ៉ាក់សាំង​ការពារ​កូវីដ-១៩​ដែល​មាន​គុណភាព​​ឲ្យ​បាន​លឿន​បំផុត»។

តាម​រយៈ​ការ​ធ្វើ​តេស្ត​នៅ​មន្ទីរ​ពិសោធ និយករ​ក្នុង​ប្រទេស​ថៃ និង​អន្តរជាតិ​បាន​អនុញ្ញាតឲ្យ​​​វ៉ាក់សាំង AstraZeneca ដោយ​សារ​មាន​​គុណភាព និង​សុវត្ថិភាព​ ដូច្នេះ​ឥឡូវ​នេះ​​អនុញ្ញាត​ឲ្យ​ចាប់​ផ្តើម​ចែក​ចែក​​ហើយ។

ជា​ផ្នែក​មួយ​នៃ​ដំណើរ​ការ​ផលិត​វ៉ាក់សាំង​នីមួយ​ៗ​ត្រូវ​ឆ្លង​កាត់​ការ​ធ្វើ​តេស្ត​ត្រួត​ពិនិត្យ​ការ​ធានាគុណភាព​ និង​ភាព​ខុស​គ្នា​ជាង​៦០៕

ប្រែ​សម្រួល៖ វីរបុត្រ
ប្រភព៖ bangkokpost

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានខ្លីៗ៤៤ នាទី មុន

នេះ​ទំហំ​ទឹកប្រាក់ពិន័យ អ្នក​មិនពាក់ម៉ាស ដើ​រចេញ​ក្រៅ​ផ្ទះ​ បើ​សមត្ថកិច្ច​ចាប់បាន

ព័ត៌មានខ្លីៗ៤៥ នាទី មុន

២នាក់ប្តី-ប្រពន្ធ ដឹកបង្គាក្រៀម ពីកំពត មកលក់នៅភ្នំពេញ ហើយ២ថ្ងៃលក់ចំណេញ មិនក្រោម៣០ម៉ឺនរៀលទេ

ព័ត៌មានខ្លីៗ៥៧ នាទី មុន

ពាក់ម៉ាស់ឲ្យបានត្រឹមត្រូវ ពេលដើរ​ចេញ​ក្រៅ​ផ្ទះ សមត្ថកិច្ចចាប់ផ្តើមអនុវត្តផាកពិន័យហើយ!

ព័ត៌មានជាតិ១ ម៉ោង មុន

អាជ្ញាធរខណ្ឌព្រែកព្នៅ​ ចុះអប់រំផ្សព្វផ្សាយ​ដល់ប្រជាពលរដ្ឋ ​អាជីវករ ​ឱ្យចូលរួមអនុវត្តបម្រាម​គោចរ

ជីវិតកម្សាន្ដ១ ម៉ោង មុន

តារាជើងចាស់ Aum ទើបបរិច្ចាគរួច ឥលូវធ្វើបាយ ២ ពាន់ប្រអប់ ជូនអ្នករងផលប៉ះពាល់ដោយកូវីដធ្ងន់ធ្ងរ

Sokha Hotels

ព័ត៌មានពេញនិយម

Helistar Cambodia - Helicopter Charter Services