ប្រទេសអាស៊ីអាគ្នេយ៍ចំនួន ២ ជាកន្លែងធ្វើតេស្តវ៉ាក់សាំងថ្មីរបស់ ចិន

ប្រទេសម៉ាឡេស៊ី នឹងចូលរួមក្នុងការសាកល្បងដំណាក់កាលទី៣ សម្រាប់វ៉ាក់សាំងការពារជំងឺកូវីដ-១៩ថ្មី ដែលផលិតដោយក្រុមហ៊ុន Shenzhen Kangtai Biological Products របស់ប្រទេស ចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Noor Hisham Abdullah អគ្គនាយកសុខាភិបាលបាននិយាយថា ការសិក្សានេះ នឹងត្រូវធ្វើឡើងនៅមជ្ឈមណ្ឌលស្រាវជ្រាវចំនួន៨ ក្នុងប្រទេសម៉ាឡេស៊ី។

លោកវេជ្ជបណ្ឌិត Noor Hisham និយាយថា ការសិក្សានេះ មានគោលបំណងដាក់បញ្ចូលមនុស្សអាយុចាប់ពី ១៨ ឆ្នាំឡើងទៅចំនួន ៣,០០០នាក់។ ការសិក្សានេះរំពឹងថា នឹងចំណាយពេលពី១៥ទៅ១៩ខែ។

លោកវេជ្ជបណ្ឌិត Noor Hisham លើកឡើងថា “ក្រៅពីម៉ាឡេស៊ី ប្រទេសដទៃទៀតដែលចូលរួមក្នុងការសិក្សានេះគឺមាន កូឡុំប៊ី អាហ្សង់ទីន ប៉ាគីស្ថាន ហ្វីលីពីននិងអ៊ុយក្រែន”។

វ៉ាក់សាំងនេះ ក៏ត្រូវបានអនុម័តដោយប្រទេសចិន តាមរយៈកម្មវិធីអនុម័តលើការប្រើប្រាស់បន្ទាន់កាលពីថ្ងៃទី១៤ខែឧសភា ផងដែរ។

លោកក៏បាននិយាយផងដែរថា ការសិក្សានេះអាចផ្តល់នូវព័ត៌មាន ស្តីពីប្រសិទ្ធភាព សុវត្ថិភាពនិងនិរន្តរភាពនៃវ៉ាក់សាំងការពារជំងឺកូវីដ-១៩ ដល់ប្រជាជនម៉ាឡេស៊ី។

កាលពីថ្ងៃសៅរ៍ ប្រទេសម៉ាឡេស៊ី បានរាយការណ៍ថាមានករណីកូវីដថ្មី ចំនួន ៧,៤៥២ ករណី៕

ប្រែសម្រួល៖ Vann Vann

ប្រភព៖ CNA

ចុចអាន៖ ម៉ាឡេស៊ីយល់ព្រមយកវ៉ាក់វ៉ាក់សាំង AstraZeneca ផលិតនៅថៃហើយ