ព័ត៌មានអន្ដរជាតិ
ទីបំផុត សម្ព័ន្ធចម្រុះអ៉ីស្រាអែលបានការគាំទ្រពីសភាបញ្ចប់អំណាចលោក Netanyahu
លោកនាយករដ្ឋមន្ត្រីអ៉ីស្រាអែល Benjamin Netanyahu អស់អំណាចរយៈពេល១២ឆ្នាំរបស់លោកហើយ បន្ទាប់ពីរដ្ឋាភិបាលចម្រុះថ្មីរបស់ក្រុមគណបក្សប្រឆាំងទទួលបានជោគជ័យក្នុងការបោះឆ្នោតរដ្ឋសភា។
បុរសស្តាំនិយម Naftali Bennett ត្រូវបានស្បថចូលកាន់តំណែងជានាយករដ្ឋមន្ត្រីដើម្បីដឹកនាំរដ្ឋាភិបាលផ្លាស់ប្តូរ។ លោកនឹងដឹកនាំសម្ព័ន្ធភាពចម្រុះនៃគណបក្សមិនធ្លាប់មានពីមុនដែលទទួលបានសំឡេងភាគច្រើនក្នុងការបោះឆ្នោតសភាចាប់ពី៦០ដល់៦៩%។
លោក Bennett នឹងកាន់តំណែងនាយករដ្ឋមន្ត្រីដល់ខែកញ្ញា ឆ្នាំ២០២៣ ដែលជាផ្នែកកិច្ចព្រមព្រៀងចម្រុះប្តូរវេណគ្នាកាន់អំណាច។ បន្ទាប់មកលោកនឹងផ្តល់អំណាចឲ្យទៅលោក Yair Lapid ដែលជាមេដឹកនាំកណ្តាលនិយមកាន់រយៈពេល២ឆ្នាំទៀត។
ចំពោះលោក Netanyahu ដែលជាមេដឹកនាំកាន់អំណាចយូរបំផុតរបស់ប្រទេសអ៉ីស្រាអែលលេចធ្លោខ្លាំងក្នុងរឿងនយោបាយអស់រយៈពេលជាច្រើនឆ្នាំនៅតែជាប្រធានគណបក្សស្តាំនិមយ Likud និងបានក្លាយជាមេដឹកនាំប្រឆាំងវិញម្តង។
កំឡុងពេលជជែកដេញដោលនៅក្នុងរដ្ឋសភា លោក Netanyahu បានសន្យាថា ៖«យើងនឹងវិលត្រឡប់មកវិញ»។
បន្ទាប់ពីការបោះឆ្នោតហើយ លោក Netanyahu បានដើរទៅរកលោក Bennett និងបានចាប់ដៃគ្នា។
ទោះបីជាយ៉ាងណា តំណាងសភាប៉ាឡេស្ទីនបានប្រតិកម្មទៅនឹងរដ្ឋាភិបាលថ្មីរបស់អ៉ីស្រាអែល។
អ្នកនាំពាក្យប្រធានាធិបតីប៉ាឡេស្ទីនលោក Mahmoud Abbas បាននិយាយថា ៖«នេះជាកិច្ចផ្ទៃក្នុងរបស់អ៉ីស្រាអែល។ គោលជំហររបស់យើងតែងតែច្បាស់លាស់ជានិច្ច គឺជាអ្វីដែលយើងចង់បានរដ្ឋប៉ាឡេស្ទីនមួយនៅព្រំដែនឆ្នាំ១៩៦៧ជាមួយជឺរូសាឡឹមជារដ្ឋធានីរបស់ខ្លួន»។
អ្នកនាំពាក្យរបស់ហាម៉ាសដែលជាក្រុមឥស្លាមនិយមកាន់កាប់តំបន់ហ្គាហ្សាបានបន្តថា ៖«វាជាការកាន់កាប់ និងអណានិគមដែលយើងត្រូវតែតស៊ូដើម្បីទទួលបានសិទ្ធិរបស់យើងវិញ»។
ជាមួយគ្នានេះ លោកប្រធានាធិបតីអាមេរិក ចូ បៃដិន បានផ្ញើលិខិតអបអរសាទរដល់លោក Bennett និងបាននិយាយថា ទន្ទឹងរង់ចាំធ្វើការជាមួយលោក។
សូមបញ្ជាក់ថា គណបក្សប្រឆាំងចំនួន៨បានចងសម័្ពន្ធភាពគ្នាដើម្បីបង្កើតរដ្ឋាភិបាលចម្រុះមានដូចខាងក្រោម៖
- បក្ស Yesh Atid (កណ្តាលនិយម) – ដឹកនាំដោយលោក Yair Lapid (មាន១៧អាសនៈ)
- បក្ស Kahol Lavan (ខៀវ និងស កណ្តាលនិយម) – ដឹកនាំដោយលោក Benny Gantz (មាន៨អាសនៈ)
- បក្ស Israel Beiteinu (ជាតិនិយមបែបខាងស្តាំ) – ដឹកនាំដោយលោក Avigdor Lieberman (មាន៧អាសនៈ)
- បក្ស Labor (សង្គមប្រជាធិបតេយ្យ) – ដឹកនាំដោយលោក Merav Michaeli (មាន៧អាសនៈ)
- បក្ស Yamina (ស្តាំនិយម) – ដឹកនាំដោយលោក Naftali Bennett (មាន៧អាសនៈ)
- បក្ស New Hope (កណ្តាលនិយមបែបខាងស្តាំ) – ដឹកនាំដោយលោក Gideon Sa’ar (មាន៦អាសនៈ)
- បក្ស Meretz (ឆ្វេងនិយមបែបសង្គមប្រជាធិបតេយ្យ) – ដឹកនាំដោយលោក Nitzan Horowitz (មាន៦អាសនៈ)
- បក្ស Raam (អារ៉ាប់ឥស្លាម) – ដឹកនាំដោយលោក Mansour Abbas (មាន៤អាសនៈ)
ប្រែសម្រួល៖ វីរបុត្រ
ប្រភព៖ BBC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង