ជាកំណត់ត្រា! យុទ្ធនាការចាក់វ៉ាក់សាំងឥតគិតថ្លៃនៅ ឥណ្ឌា ម្សិលមិញ អ្នកចូលរួមចាក់មិនធ្លាប់មានពីមុនមក

ក្រសួងសុខាភិបាលរបស់ប្រទេសឥណ្ឌា បាននិយាយកាលពីថ្ងៃចន្ទថា ប្រជាជនជាង ៨ លាននាក់បានទទួលការចាក់វ៉ាក់សាំងប្រឆាំងនឹងជំងឺកូវីដ ១៩ នៅក្នុងប្រទេសឥណ្ឌា នៅថ្ងៃដំបូងនៃការចាក់វ៉ាក់សាំងឥតគិតថ្លៃសម្រាប់ប្រជាជនវ័យចំណាស់ទាំងមូល ។

សេចក្តីថ្លែងការណ៍បាននិយាយថា “ដំណាក់កាលថ្មីនៃការចាក់វ៉ាក់សាំងការពារជំងឺកូវីដ ១៩ ជាទូទៅចាប់ផ្តើមពីថ្ងៃនេះ ។ នៅក្នុងយុទ្ធនាការដ៏សំខាន់មួយនេះ វ៉ាក់សាំងចំនួន ៨,០៩៥,៣១៤ ដូសត្រូវបានចាក់នៅថ្ងៃដំបូងក្នុងដំណាក់កាលថ្មី នៃការចាក់វ៉ាក់សាំងជំងឹកូវីដ ១៩” ។

រដ្ឋាភិបាលគ្រោងនឹងពន្លឿនល្បឿន និងវិសាលភាពនៃការចាក់វ៉ាក់សាំងទូទាំងប្រទេស ដោយផ្តល់ការផ្គត់ផ្គង់វ៉ាក់សាំងដោយឥតគិតថ្លៃ ដល់តំបន់ និងមន្ទីរពេទ្យឯកជនឥណ្ឌា ដែលបានទិញវ៉ាក់សាំងខ្លួនឯង ។

ការពន្លឿនយុទ្ធនាការចាក់វ៉ាក់សាំងនេះ ក៏ធ្វើឡើង បន្ទាប់ពីឥណ្ឌារកឃើញវីរុសបំប្លែងខ្លួនក្នុងប្រទេសឈ្មោះ “Delta” ដែលងាយចម្លង និងធន់ជាមួយប្រព័ន្ធភាពស៊ាំរបស់មនុស្ស ក៏ដូចជាវ៉ាក់សាំង ជាងវីរុសបំប្លែងខ្លួនដទៃទៀត ហើយកំពុងក្លាយជាវីរុសបំប្លែងខ្លួនលេចធ្លោជាងគេនៅលើពិភពលោក និងបង្កឲ្យមានរលកថ្មីនៃការឆ្លងរាលដាលនៅក្នុងប្រទេសផ្សេងៗគ្នា ។

គួរបញ្ជាក់ថា ប្រទេសឥណ្ឌានៅតែស្ថិតលំដាប់ទី ២ លើពិភពលោក នៃចំនួនអ្នកឆ្លងជំងឺកូវីដ ១៩ ដែលរហូតមកដល់ពេលនេះ បានកត់ត្រាមានចំនួន ២៩.៩ លានករណី និងមានអ្នកស្លាប់ជាង ៣៨៨,០០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ពលរដ្ឋ ឥណ្ឌា នៅតែជួបជុំងូតទឹកទន្លេគង្គា ក្នុងពិធីបុណ្យសាសនាមួយទៀត​ ដោយជឿថា ព្រះចុះពីលើមេឃមកផែនដីជួយការពារកូវីដ