ព័ត៌មានអន្ដរជាតិ
រាល់វ៉ាក់សាំង ចិន អាចការពារមនុស្សប្រឆាំង វីរុសបំប្លែងខ្លួនឥណ្ឌា Delta ជាពិសេសមិនឲ្យឈឺធ្ងន់ធ្ងរ
លោក Zhong Nanshan អ្នកជំនាញរោគរាតត្បាតកំពូលរបស់ចិន បាននិយាយថា រាល់វ៉ាក់សាំងការពារកូវីដ ១៩ របស់ចិន អាចការពារមនុស្សប្រឆាំងនឹងវីរុសបំប្លែងខ្លួនឥណ្ឌា “Delta” ។
យោងតាមសារព័ត៌មាន Qianjiang Evening News បានឲ្យដឹងថា ការស្រាវជ្រាវបឋមបានរកឃើញថា វ៉ាក់សាំងចិនការពារករណីធ្ងន់ធ្ងរពីវីរុស Delta ចំនួន ១០០ ភាគរយ, ៧៦.៩ ភាគរយប្រឆាំងករណីមធ្យម, ៦៧.២ ភាគរយការពារករណីស្រាល និង ៦៣.២ ភាគរយប្រឆាំងនឹងករណីឆ្លងមិនបញ្ចេញរោគសញ្ញា ។
ទន្ទឹមនោះ លោក Zhong ក៏បានរំឭកសាធារណជនដែរថា ករណីធ្ងន់ធ្ងរទាំង ១៣ នៅទីក្រុង Guangzhou ក្នុងខែឧសភា ដែលរងផលប៉ះពាល់ជាមួយវីរុសបំប្លែងខ្លួនឥណ្ឌា “Delta” សុទ្ធតែមិនបានចាក់វ៉ាក់សាំង ។
ពាក់ព័ន្ធនឹងបញ្ហានេះ លោក Zhong បាននិយាយថា ប្រទេសចិនត្រូវការចាក់វ៉ាក់សាំងប្រហែល ៨៣ ភាគរយនៃចំនួនប្រជាជនរបស់ខ្លួន ដើម្បីទទួលបានភាពស៊ាំក្នុងសហគមន៍ ស្របពេលមានការផ្ទុះឡើងនៃជំងឺកូវីដ ១៩ រលកថ្មីនៅក្នុងទីក្រុងជាច្រើននៅទូទាំងប្រទេសចិន ។
បន្ថែមពីនេះ ដោយប្រៀបធៀបការផ្ទុះឡើងនៅទីក្រុង Guangzhou ជាមួយទីក្រុង Nanjing លោក Zhong បាននិយាយថា ការផ្ទុះឡើងនៅទីក្រុង Nanjing បានរីករាលដាលដល់តំបន់ជាច្រើន ហើយយើងកំពុងយកចិត្តទុកដាក់ខ្ពស់ក្នុងការទប់ស្កាត់ ។
ប៉ុន្តែលោក Zhong ជឿជាក់ថា ការផ្ទុះឡើងនេះអាចត្រូវបានគ្រប់គ្រងក្នុងរយៈពេលប្រហែល ១០ ទៅ ១៤ ថ្ងៃទៀតប៉ុណ្ណោះ ដោយសារវិធានការប្រកបដោយប្រសិទ្ធភាព របស់រដ្ឋាភិបាលក្នុងតំបន់ ៕
ប្រែសម្រួលដោយ ៖ ជីវ័ន្ត
ប្រភព ៖ Global Times
ចុចអាន ៖ ធ្ងន់ធ្ងរហើយ វីរុសបំប្លែងខ្លួនឥណ្ឌា Delta អុកឡុកដល់ទីក្រុងអ៊ូហាន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង