ព័ត៌មានអន្ដរជាតិ
អ៊ីស្រាអែល នឹងសាកល្បងវិធីព្យាបាលថ្មីចំពោះអ្នកជំងឺកូវីដធ្ងន់ធ្ងរ
ក្រុមហ៊ុនថែទាំសុខភាពអ៊ីស្រាអែល Enlivex កាលពីថ្ងៃអាទិត្យបានប្រកាសថា ខ្លួននឹងអនុវត្តការធ្វើការសាកល្បងព្យាបាលកម្រិតខ្ពស់ថ្មី សម្រាប់អ្នកជំងឺកូវីដ ១៩ ធ្ងន់ធ្ងរ ។
ក្រុមហ៊ុនបានបន្ថែមថា ការសាកល្បងវិធីព្យាបាល ដែលត្រូវបានអនុញ្ញាតដោយក្រសួងសុខាភិបាលអ៊ីស្រាអែល មានគោលបំណងវាយតម្លៃការព្យាបាលអ្នកជំងឺកូវីដ ១៩ ដែលមានរោគសញ្ញាពិបាកដកដង្ហើមធ្ងន់ធ្ងរ (ARDS) ។
វិធីព្យាបាលថ្មី ដែលមានឈ្មោះថា Allocetra ត្រូវបានរចនាឡើងដើម្បីបង្កើតឡើងវិញនូវកោសិកាភាពស៊ាំ ដែលហៅថា Macrophages ចូលទៅក្នុងស្ថានភាពមានលំនឹងរបស់វា បន្ទាប់ពីរងផលប៉ះពាល់ដោយមេរោគ ។ ក្រុមហ៊ុនបានកត់សម្គាល់ថា បន្ទាប់ពីរងផលប៉ះពាល់ដោយវីរុស កោសិកា Macrophages រួមចំណែកយ៉ាងសំខាន់ដល់ភាពធ្ងន់ធ្ងរនៃជំងឺនេះ ។
ការសាកល្បងដែលបានគ្រោងទុកនេះ ត្រូវបានរៀបចំឡើងដើម្បីវាយតម្លៃពីសុវត្ថិភាព និងប្រសិទ្ធភាពនៃការព្យាបាលចំពោះអ្នកជំងឺកូវីដ ១៩ ធ្ងន់ធ្ងរបន្ថែមលើស្តង់ដារនៃការព្យាបាលថែទាំបច្ចុប្បន្ន ។
គួរបញ្ជាក់ថា ក្រុមហ៊ុន Enlivex មានមូលដ្ឋាននៅកណ្តាលទីក្រុង Ness Ziona ត្រូវបានបង្កើតឡើងក្នុងឆ្នាំ ២០១២ ហើយបានធ្វើពាណិជ្ជកម្មជាមួយក្រុមហ៊ុនទីផ្សារ Nasdaq ជាមួយនឹងមូលធនប្រហែល ១៨៦ លានដុល្លារអាមេរិក ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ