រូបថតទាហានម៉ារីនអាមេរិក បីទារកអាហ្វហ្គានីស្ថាន កំពុងបង្កភាពល្បីល្បាញ

រូបថតទាហានម៉ារីនអាមេរិកម្នាក់ កំពុងបីទារក ចំពេលមានការជម្លៀសជនជាតិអាមេរិកនិងជនស៊ីវិលអាហ្វហ្គានីស្ថានចេញពីទីក្រុងកាប៊ុល កំពុងបង្កភាពល្បីល្បាញយ៉ាងខ្លាំង ខណៈការជម្លៀសនៅតែបន្ត បន្ទាប់ពីក្រុមតាលីបង់ ដណ្តើមបានប្រទេសអាហ្វហ្គានីស្ថានកាលពី៥ថ្ងៃមុន។

រូបភាពដែលត្រូវបានចែករំលែកទៅលើបណ្តាញ Twitter កាលពីថ្ងៃសុក្រ ដោយគេហទំព័រព័ត៌មានយោធា Task and Purpose ហាក់ដូចជាបង្ហាញពី ទាហានម៉ារីនកំពុងលួងក្មេង ដែលគាត់កំពុងបី។

រូបនេះ ត្រូវបានគេថតនៅអាកាសយានដ្ឋានអន្តរជាតិក្នុងទីក្រុងកាប៊ុល ជាកន្លែងដែលជនស៊ីវិលណាតូ និងអាមេរិករាប់ពាន់នាក់ ព្រមទាំងជនភៀសខ្លួនអាហ្វហ្គានីស្ថានដែលធ្វើការជាមួយលោកខាងលិចក្នុងអំឡុងពេល “សង្គ្រាមលើភេរវកម្ម” ផងដែរនោះ ត្រូវបានគេជម្លៀសចេញក្នុងរយៈពេលប៉ុន្មានថ្ងៃ ចាប់តាំងពីរដ្ឋាភិបាលនិងកងកម្លាំងប្រដាប់អាវុធអាហ្វហ្គានីស្ថានដួលរលំ។

ទោះបីជាយ៉ាងណាក៏ដោយ គេដឹងថាកុមារនោះជានរណានោះទេ។ កងម៉ារីនរូបនេះ ត្រូវគេដឹងថា ត្រូវបានចាត់ឲ្យទៅអង្គភាពបេសកកម្មម៉ារីនទី ២៤ (MEU) ដែលមានការិយាល័យកណ្តាលនៅរដ្ឋ North Carolina។

អ្នកប្រើប្រាស់ Twitter រាប់សិបនាក់បានបង្ហោះរូបភាពនេះឡើងវិញ ដោយមានម្នាក់សរសេរថា “យោធាគឺល្អបំផុតចំពោះយើង។ សូមព្រះប្រទានពរដល់អ្នកគ្រប់គ្នាដែលកំពុងបម្រើការ ហើយនាំពួកគេទាំងអស់មកផ្ទះវិញ”។ ម្នាក់ទៀតសរសេរថា “រូបភាពនេះ ធ្វើឲ្យខ្ញុំស្រក់ទឹកភ្នែក”៕

ប្រែសម្រួល៖ Vann Vann

ប្រភព៖ Independent

ចុចអាន៖ វីដេអូស្តែងៗមួយទៀត! ម្តាយនិងកូនៗ ត្រូវគេរត់ជាន់ ពេលមនុស្សសម្រុកចូល អាកាសយានដ្ឋានក្រុង កាប៊ុល