ចលនាតស៊ូប្រដាប់អាវុធ អាហ្វហ្គានីស្ថាន បដិសេធមិនចុះចាញ់ តាលីបង់ ហើយព្រមានសង្គ្រាមនឹងផ្ទុះឡើង

លោក Ahmad Massoud កូនប្រុសរបស់អតីតមេដឹកនាំប្រឆាំងតាលីបង់លោក Ahmad Shah Massoud បាននិយាយថា លោកនឹងមិនចុះចាញ់ក្នុងការដណ្ដើមយកតំបន់ ដែលស្ថិតនៅក្រោមការគ្រប់គ្រងរបស់ក្រុមតាលីបង់ឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Massoud បានអំពាវនាវឲ្យបង្កើតរដ្ឋាភិបាលទ្រង់ទ្រាយធំមួយ ដើម្បីគ្រប់គ្រងប្រទេសដោយមានការចូលរួមពីពួកតាលីបង់ ហើយព្រមានថា សង្គ្រាមនឹងមិនអាចជៀសបានទេ ប្រសិនបើតាលីបង់បដិសេធការសន្ទនាណាមួយ ។

បើយោងតាមសារព័ត៌មាន ​​AFP បានឲ្យដឹងថា រហូតមកដល់ពេលនេះ លោក Massoud បានប្រមូលផ្តុំកម្លាំងប្រយុទ្ធប្រហែល ៩ ពាន់នាក់នៅក្នុងចលនាតស៊ូមួយគឺរណសិរ្សតស៊ូជាតិ (ហៅកាត់ថា NRF) ដែលត្រូវបានគេស្គាល់ផងដែរថាជា ចលនាតស៊ូប្រដាប់អាវុធតាមជ្រលងភ្នំ Panjshir ប្រឆាំងនឹងតាលីបង់ ។

ទន្ទឹមនោះ អ្នកនាំពាក្យ NRF លោក Ali Maisam Nazary បានប្រាប់ AFP ថា គោលដៅចម្បងរបស់ក្រុមនេះ គឺដើម្បីចៀសវាងការបង្ហូរឈាមនៅអាហ្វហ្គានីស្ថាន និងសង្កត់ធ្ងន់លើប្រព័ន្ធរដ្ឋាភិបាលថ្មី ប៉ុន្តែពួកគេក៏ត្រៀមខ្លួនសម្រាប់ជម្លោះផងដែរ ហើយប្រសិនបើតាលីបង់មិនចរចា ពួកគេនឹងប្រឈមមុខនឹងការប្រយុទ្ធនៅទូទាំងប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ លោក បៃដិន ថា ការដាក់ទណ្ឌកម្មលើ តាលីបង់ រង់ចាំមើលពួកគេធ្វើអ្វីបន្តទៀត