ដំណឹងថ្មី! ចិន កំពុងបង្កើតវ៉ាក់សាំងថ្មីប្រឆាំងវីរុសបំប្លែងខ្លួនសាហាវៗ ២ ប្រភេទ

សាជីវកម្មឱសថជាតិជាតិចិន (Sinopharm) បានបង្ហាញវ៉ាក់សាំង និងថ្នាំការពារជំងឺកូវីដ ១៩ ដែលទើបនឹងអភិវឌ្ឍថ្មីនៅឯពិព័រណ៍ពាណិជ្ជកម្មអន្តរជាតិចិនឆ្នាំ ២០២១ សម្រាប់សេវាកម្មពាណិជ្ជកម្ម (CIFTIS) កាលពីថ្ងៃសៅរ៍ ។

លោក Zhu Jingjin ប្រធានគម្រោងរបស់ Sinopharm បាននិយាយនៅឯពិព័រណ៌នោះថា ក្រុមហ៊ុន Sinopharm កំពុងបង្កើតវ៉ាក់សាំងប្រឆាំងនឹងវីរុសបំប្លែងខ្លួនឥណ្ឌា Delta និងវីរុសបំប្លែងខ្លួនអាហ្វ្រិកខាងត្បូង Beta ។

លោកបានបន្ថែមថា វ៉ាក់សាំងប្រូតេអ៊ីនដែលមានវិសាលភាពជំនាន់ទី ២ របស់ខ្លួន កំពុងស្ថិតក្នុងការសាកល្បង ។

ជាចុងក្រោយក្រុមហ៊ុននេះបាននិយាយថា ខ្លួននឹងពង្រីកការផលិតប្រចាំឆ្នាំរបស់ខ្លួនដល់ជាង ៥ ពាន់លានដូស ក្នុងគោលបំណងធ្វើឲ្យវ៉ាក់សាំងការពារជំងឺកូវីដ ១៩ របស់ចិនក្លាយជាទំនិញសាធារណៈទូទាំងពិភពលោក ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ កុំបារម្ភ! វ៉ាក់សាំង Sinopharm មិនបង្កហានិភ័យជំងឺស្ទះសរសៃឈាមក្នុងខួរក្បាល ឬដុំកំណកឈាមឡើយ