ព័ត៌មានអន្ដរជាតិ
ជនជាតិវៀតណាម ១៥នាក់ ប្រថុយជីវិត សំងំក្នុងរថយន្តក្លាស្សេ គេចប៉ុស្តិ៍ត្រួតពិនិត្យ កូវីដ
ជនជាតិវៀតណាមចំនួន១៥នាក់ រួមទាំងក្មេងប្រុសអាយុ៧ឆ្នាំម្នាក់ផងដែរ ត្រូវបានគេរកឃើញនៅខាងក្នុងរថយន្តក្លាស្សេមួយគ្រឿង បន្ទាប់ពីពួកគេ ព្យាយាមរត់គេចពីតំបន់ភាគខាងត្បូងដែលរងផលប៉ះពាល់ខ្លាំងដោយសារជំងឺកូវីដ-១៩។
ប្រទេសវៀតណាម កំពុងប្រយុទ្ធប្រឆាំងនឹងរលកទី៤ នៃវីរុសដ៏កាចសាហាវនេះ ចាប់តាំងពីខែមេសាមក ហើយមនុស្សរាប់លាននាក់កំពុងស្ថិតនៅក្រោមការបញ្ជាឲ្យស្នាក់នៅក្នុងផ្ទះ ខណៈការធ្វើដំណើរក្នុងស្រុកភាគច្រើនត្រូវបានហាមឃាត់។
កាលពីថ្ងៃអាទិត្យ ប៉ូលិសខេត្ត Binh Thuan បានរកឃើញមនុស្សមួយក្រុមមានគ្នា១៥នាក់ នៅខាងក្នុងរថយន្តមួយគ្រឿង ដែលបង្កឲ្យមានការសង្ស័យនៅពេលព្យាយាមឆ្លងកាត់ប៉ុស្តិ៍ត្រួតពិនិត្យមេរោគ នៅតាមផ្លូវភាគខាងជើង។
របាយការណ៍បានឲ្យដឹងថា “ប៉ូលិសមានការភ្ញាក់ផ្អើលយ៉ាងខ្លាំងដែលឃើញមនុស្ស ១៥ នាក់នៅខាងក្រោយរថយន្ត។ ពួកគេខ្លះបែកញើសនិងបង្ហាញរោគសញ្ញាដកដង្ហើមខ្លីៗ”។
អ្នកដំណើរម្នាក់និយាយថា ពួកគេបានសុំឲ្យអ្នកបើកបរបិទប្រព័ន្ធទូរទឹកកករបស់រថយន្ត ព្រោះវាត្រជាក់ពេក។
បុរសម្នាក់ដែលធ្វើដំណើរជាមួយកូនប្រុសអាយុ ៧ ឆ្នាំរបស់គាត់ បាននិយាយថា “យើងដឹងថា វាមានហានិភ័យធំណាស់ ហើយគ្រោះថ្នាក់បំផុតក្នុងការស្ថិតនៅក្នុងរថយន្តក្លាស្សេដែលបិទជិត ប៉ុន្តែយើងប្រឈមនឹងហានិភ័យខ្ពស់ជាងនេះ ប្រសិនបើយើងឆ្លងមេរោគ”។
ក្រុមនេះ បានធ្វើដំណើររាប់សិបគីឡូម៉ែត្រក្នុងរថយន្តចេញពីខេត្តឧស្សាហកម្ម Dong Nai ភាគខាងត្បូងដែលបានកត់ត្រាករណីឆ្លងកូវីដជាង ៣៥,០០០ករណីនិងមានអ្នកស្លាប់ចំនួន ៣២០នាក់។
ខេត្តនេះត្រូវបានបិទទាំងស្រុងចាប់តាំងពីដើមខែកក្កដាមក ហើយមន្ទីរពេទ្យបណ្តោះអាសន្នត្រូវបានបង្កើតឡើងដើម្បីព្យាបាលអ្នកជំងឺរាប់ម៉ឺននាក់។
ការធ្វើដំណើរក្នុងរថយន្តក្លាស្សេនេះ បានធ្វើឲ្យគេនឹកឃើញដល់ហេតុការណ៍កាលពីខែតុលាឆ្នាំ ២០១៩ នៅពេលបុរស ៣១ នាក់និងស្ត្រី ៨ នាក់មកពីប្រទេសវៀតណាម ត្រូវបានគេរកឃើញស្លាប់នៅក្នុងរថយន្តក្លាស្សេមួយគ្រឿង ជិតទីក្រុងឡុងដ៍៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ រដ្ឋាភិបាលវៀតណាម រ៉ាប់រងចិញ្ចឹមកុមារកំព្រាដោយសារកូវីដ ដល់អាយុ២២ឆ្នាំ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា