ថៃ ប្រកាសមានពលរដ្ឋខ្មែរ ២នាក់ ស្លាប់ដោយសារកូវីដ

ក្រសួងសុខាភិបាលថៃបានប្រកាសនៅថ្ងៃអង្គារទី១៤ខែកញ្ញាថា ប្រទេសថៃ បានកត់ត្រាករណីឆ្លងជំងឺកូវីដ-១៩ថ្មីចំនួន ១១,៧៨៦ករណី ដែលជាចំនួនតិចបំផុតគិតចាប់តាំងពីថ្ងៃទី ២០ ខែកក្កដាមក និងមានអ្នកស្លាប់ចំនួន១៣៦នាក់បន្ថែមទៀត ក្នុងរយៈពេល ២៤ ម៉ោងចុងក្រោយ។

មានការឆ្លងសរុបចំនួន ១១,៥១៥ករណីនៅក្នុងប្រជាជនទូទៅ និង ២៧១ករណី ក្នុងចំណោមអ្នកទោសជាប់ពន្ធនាគារ។

ស្របពេលជាមួយគ្នានោះ អ្នកជំងឺកូវីដ-១៩ ចំនួន១៤,៧៣៨នាក់ បានជាសះស្បើយ ហើយត្រូវបានអនុញ្ញាតឲ្យចាកចេញពីមន្ទីរពេទ្យ។

អ្នកស្លាប់ថ្មីទាំង ១៣៦ នាក់គឺមានអាយុចន្លោះពី ១៤ ដល់ ៩៨ ឆ្នាំ ហើយរួមមានទាំងជនជាតិខ្មែរ ២ នាក់, មីយ៉ាន់ម៉ា ២ នាក់ នាក់និង កូរ៉េខាងត្បូងម្នាក់ផងដែរ។

គួរបញ្ជាក់ថា តួលេខថ្មីនេះ បានធ្វើឲ្យករណីឆ្លងសរុបរបស់ប្រទេសថៃ កើនដល់ ១,៤០៦,៥៤២ករណី និងស្លាប់សរុប ១៤,៦២១នាក់៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ជនជាតិវៀតណាម ១៥នាក់ ប្រថុយជីវិត សំងំក្នុងរថយន្តក្លាស្សេ គេចប៉ុស្តិ៍ត្រួតពិនិត្យ កូវីដ