ព័ត៌មានអន្ដរជាតិ

ស្ត្រីជប៉ុនពីររូបបំបែកកំណត់ត្រាពិភពលោកជាកូនភ្លោះអាយុវែងបំផុត

បានផុស

៣ years មុន

នៅ

ថ្ងៃពុធ ២២ កញ្ញា ២០២១

ដោយ

chean virakbot

ស្ត្រីជនជាតិជប៉ុនពីររូបបានបំបែកកំណត់ត្រាហ្គីណេសពិភពលោកក្នុងនាមកូនភ្លោះដែលមានអាយុវែងបំផុតរហូតដល់១០៧ឆ្នាំ។

កើតនៅថ្ងៃទី៥ ខែវិច្ឆិកា ឆ្នាំ១៩១៣ លោកយាយ Umeno Sumiyama និងលោកយាយ Koume Kodama មានអាយុ១០៧ឆ្នាំ និង៣០០ថ្ងៃគិតត្រឹមថ្ងៃទី១ ខែកញ្ញា។ នេះបើយោងតាមសេចក្តីប្រកាសរបស់កំណត់ត្រាហ្គីណេសពិភពលោកកាលពីថ្ងៃចន្ទ។

លោកយាយកូនភ្លោះបានកើតនៅកោះ Shodo ខេត្ត Kagawa ក្នុងគ្រួសារមួយដែលមានសមាជិក១៣នាក់។ ពួកគាត់ទាំងពីរនាក់ឥឡូវនេះកំពុងរស់នៅក្នុងផ្ទះថែទាំបែកគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីប្រកាសថា នៅពេលពួកគាត់ទាំងពីរកើតមកជាកូនភ្លោះ ដើម្បីគេចចេញពីការមើលពីអ្នកដទៃ ពួកគាត់បានរស់នៅបែកគ្នាតាំងពីក្មេង។ លោកយាយ Kodama បានចាកចេញពីកោះ Shodo បន្ទាប់ពីរៀនចប់បឋមសិក្សា ហើយក្រោយមកបានរៀបការជាមួយបុរសដែលមិនមែនជាអ្នកកោះ។ ដូច្នេះពួកគាត់បានរស់នៅឆ្ងាយពីគ្នាចម្ងាយជាង៣០០គីឡូម៉ែត្រ។

នៅពេលស្ត្រីជាកូនភ្លោះទាំងពីរបានជួបមុខគ្នាគឺជាពេលដែលមានពិធីមង្គលការ និងពិធិបុណ្យសព ប៉ុន្តែនៅក្នុងវ័យប្រហែលជា៧០ឆ្នាំ ពួកគាត់បានធ្វើដំណើរធម្មយាត្រាព្រះពុទ្ធសាសនាជាមួយគ្នាជាច្រើនលើក។

ពេលនេះ ពួកគាត់ទាំងពីរបានបំបែកកំណត់ត្រាពិភពលោកនៃកូនភ្លោះដែលមានអាយុវែងបំផុតដែលកន្លងមកមានជនជាតិជប៉ុនជាកូនភ្លោះដែរគឺ Kin Narita និង Gin Kanie ជាប់កំណត់ត្រា៕

ប្រែសម្រួល៖ វីរបុត្រ
ប្រភព៖ CNN