ឆ្នាំក្រោយ ពិភពលោក មានថ្នាំព្យាបាលកូវីដហើយ!
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ឆ្នាំក្រោយ ពិភពលោក មានថ្នាំព្យាបាលកូវីដហើយ!

បានផុស

នៅ

ការសាកល្បងគ្លីនិក សម្រាប់ថ្នាំគ្រាប់ព្យាបាលជំងឺកូវីដ-១៩ បានចាប់ផ្តើមនៅទូទាំងពិភពលោក ខណៈក្រុមហ៊ុនឱសថនានា កំពុងស្វែងរកវិធីងាយស្រួលនិងព្យាយាមដាក់តម្លៃឲ្យបានសមរម្យដើម្បីព្យាបាលអ្នកជំងឺនិងជួយដល់ការគ្រប់គ្រង ជំងឺរាតត្បាត។

ក្រុមហ៊ុន Merck ដែលមានមូលដ្ឋាននៅសហរដ្ឋអាមេរិក កំពុងធ្វើការជាមួយក្រុមហ៊ុន Ridgeback Biotherapeutics លើថ្នាំព្យាបាលប្រឆាំងមេរោគឈ្មោះ Molnupiravir។ ការសាកល្បងដំណាក់កាលចុងក្រោយសម្រាប់ថ្នាំនេះ បច្ចុប្បន្នកំពុងធ្វើឡើងទូទាំងពិភពលោករួមទាំងនៅប្រទេសជប៉ុនផងដែរ ហើយការរកឃើញរបស់ខ្លួនអាចបញ្ចេញនៅដើមខែតុលា។

ក្រុមហ៊ុន Merck មានគម្រោងស្វែងរកការអនុញ្ញាតឲ្យប្រើប្រាស់ជាបន្ទាន់ សម្រាប់ថ្នាំ Molnupiravir នៅសហរដ្ឋអាមេរិកនាចុងឆ្នាំនេះ ហើយអាចស្វែងរកការអនុញ្ញាតឲ្យប្រើប្រាស់ជាបន្ទាន់នៅប្រទេសជប៉ុន មួយខែឬពីរខែក្រោយនោះ។

ថ្នាំ Molnupiravir ត្រូវបានបង្កើតឡើងដំបូង ដើម្បីព្យាបាលជំងឺគ្រុនផ្តាសាយ ប៉ុន្តែត្រូវបានគេរំពឹងថា ក៏នឹងមានប្រសិទ្ធភាពប្រឆាំងមេរោគកូវីដ១៩ផងដែរ។ ក្រសួងសុខាភិបាលនិងសេវាមនុស្សសហរដ្ឋអាមេរិក បានចុះហត្ថលេខាលើកិច្ចព្រមព្រៀងទិញថ្នាំនេះចំនួន ១.៧ លានដូសក្នុងតម្លៃ ១.២ ពាន់លានដុល្លារ ហើយក្រុមហ៊ុន Merck កំពុងរៀបចំផលិត ១០ លានដូសនៅត្រឹមចុងឆ្នាំនេះ។

ស្របពេលជាមួយគ្នានោះដែរ ក្រុមហ៊ុន Pfizer កំពុងអភិវឌ្ឍថ្នាំប្រឆាំងមេរោគពីរប្រភេទ ដោយផ្អែកលើការព្យាបាលដែលត្រូវបានបង្កើតឡើងសម្រាប់រោគសញ្ញាផ្លូវដង្ហើមស្រួចស្រាវឬជំងឺ SARS ដែលផ្ទុះឡើងក្នុងឆ្នាំ២០០២។ ថ្នាំទាំងនេះ ត្រូវបានផលិតឡើងសម្រាប់អ្នកជំងឺមានរោគសញ្ញាស្រាលទៅមធ្យម ដែលមិនតម្រូវឲ្យចូលព្យាបាលនៅមន្ទីរពេទ្យ។

ទិន្នន័យដំបូងពីការសាកល្បងព្យាបាល ត្រូវបានគេរំពឹងថានឹងបោះពុម្ពផ្សាយនៅចន្លោះខែតុលាដល់ខែធ្នូ ហើយការព្យាបាលអាចចាប់ផ្តើមនៅដើមឆ្នាំក្រោយ។

ចំណែកក្រុមហ៊ុនឪសថជប៉ុន ក៏កំពុងធ្វើការស្រាវជ្រាវអំពីវិធីព្យាបាលមេរោគ ដោយប្រើថ្នាំលេបផងដែរ។ ក្រុមហ៊ុន Shionogi របស់ជប៉ុន បានចាប់ផ្តើមការសាកល្បងដំណាក់កាលទី ១ សម្រាប់ថ្នាំគ្រាប់ការពារមេរោគកូវីដកាលពីខែកក្កដា។ ខ្លួនមានគោលបំណង ចាប់ផ្តើមការសាកល្បងព្យាបាលទ្រង់ទ្រាយធំក្នុងឆ្នាំនេះ ហើយគ្រោងនឹងនាំយកការព្យាបាលទៅកាន់ទីផ្សារនៅត្រឹមចុងឆ្នាំ២០២២។

រីឯក្រុមហ៊ុន Chugai Pharmaceutical បានទទួលសិទ្ធិអភិវឌ្ឍន៍និងទីផ្សារនៅប្រទេសជប៉ុន សម្រាប់ថ្នាំប្រឆាំងវីរុស ដែលត្រូវបានបង្កើតឡើងដោយក្រុមហ៊ុន Roche។ ការព្យាបាលអាចអនុញ្ញាតនៅទូទាំងពិភពលោកក្នុងឆ្នាំ២០២២៕

ប្រែសម្រួល៖ Vann Vann

ប្រភព៖ Asia Nikkei

ចុចអាន៖ វៀតណាម ទទួលជោគជ័យ ផលិតវ៉ាក់សាំងកូវីដ មានប្រសិទ្ធភាពជាង ៩០ភាគរយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services