Connect with us

ព័ត៌មានអន្ដរជាតិ

អ៊ីស្រាអែល រកឃើញថា វ៉ាក់សាំងដូសទី ៣ មានសុវត្ថិភាពខ្លាំងក្នុងចំណោមកុមារ

បានផុស

នៅ

ក្រសួងសុខាភិបាលអ៊ីស្រាអែលបានរាយការណ៍កាលពីថ្ងៃព្រហស្បតិ៍ថា វ៉ាក់សាំងការពារជំងឺកូវីដ ១៩ ដូសទី ៣ បានបង្កឲ្យមានករណីជំងឺរលាកសាច់ដុំបេះដូងតែមួយករណីប៉ុណ្ណោះ ក្នុងចំណោមកុមារអាយុក្រោម ១៩ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតមកដល់បច្ចុប្បន្ននេះ យុវជនអ៊ីស្រាអែលប្រហែល ១១៧,០០០ នាក់ដែលភាគច្រើនមានអាយុពី ១៦ ទៅ ១៩ ឆ្នាំបានទទួលការចាក់វ៉ាក់សាំងដូសទី ៣ ។

សម្រាប់ការប្រៀបធៀបនេះ ក្មេងប្រុស ៤៥ នាក់ និងក្មេងស្រី ៣ នាក់អាយុក្រោម ១៩ ឆ្នាំនៅអ៊ីស្រាអែលបានទទួលរងពីជំងឺរលាកសាច់ដុំបេះដូង បន្ទាប់ពីទទួលបានវ៉ាក់សាំងការពារជំងឺកូវីដ ១៩ ដូសទី ២ ខណៈការចាក់ដូសទី ៣ នេះមានតែមួយករណីប៉ុណ្ណោះ ។

របាយការណ៍បានបន្ថែមថា ក្នុងចំណោមមនុស្សទាំងអស់ដែលបានចាក់វ៉ាក់សាំងដូសទី ៣ នៅអ៊ីស្រាអែល មានអត្រាទាបនៃផលប៉ះពាល់ ដូចជា អស់កម្លាំង និងខ្សោយ បើប្រៀបធៀបទៅនឹងការចាក់ដូសទី ១ និងទី ២ ។

លើសពីនេះទៀត មានតែ ២៥ ករណីនៃផលប៉ះពាល់ធ្ងន់ធ្ងរ បន្ទាប់ពីទទួលបានវ៉ាក់សាំងដូសទី ៣ ត្រូវបានគេរាយការណ៍ក្នុងចំណោមប្រជាជនជាង ៣.៣ លាននាក់ ដែលបានទទួលការចាក់វ៉ាក់សាំងដូសទី ៣ នៅក្នុងប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ស្ងាត់ៗ អ៊ីស្រាអែល ត្រៀមចាក់វ៉ាក់សាំងកូវីដដូសទី ៤

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម