Connect with us

ព័ត៌មានអន្ដរជាតិ

តាលីបង់ ទទួលស្គាល់ជួបបញ្ហាឈឺក្បាលជាច្រើន ពេលគ្រប់គ្រង អាហ្វហ្គានីស្ថាន

បានផុស

នៅ

រយៈពេល ២ ខែ បន្ទាប់ពីការកាន់កាប់ប្រទេសអាហ្វហ្គានីស្ថាន ក្រុមតាលីបង់កំពុងប្រឈមមុខនឹងបញ្ហាជាច្រើន ខណៈក្រុមឥស្លាមនិយមមួយនេះបាននិងកំពុងព្យាយាមបង្កើតទំនាក់ទំនងជាមួយសហគមន៍អន្តរជាតិ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ តំណាងតាលីបង់បានជួបគណៈប្រតិភូរដ្ឋាភិបាលអាមេរិកនៅប្រទេសកាតាកាលពីដើមខែនេះ ហើយវាគឺជាកិច្ចពិភាក្សាជាលើកដំបូងរបស់ពួកគេ ចាប់តាំងពីក្រុមនេះដណ្តើមបានរដ្ឋធានីកាប៊ុលរបស់អាហ្វហ្គានីស្ថាននៅថ្ងៃទី ១៥ ខែសីហា ។ ប៉ុន្តែទោះជាយ៉ាងណាពេលនេះ តាលីបង់ត្រូវតែដោះស្រាយបញ្ហាបន្ទាន់ជាច្រើនទាំងផ្នែកសេដ្ឋកិច្ច និងសន្តិសុខ ។

សេដ្ឋកិច្ចរបស់ប្រទេសអាហ្វហ្គានីស្ថានកំពុងមានភាពច្របូកច្របល់ ដោយសារតែទ្រព្យសម្បត្តិនៅក្រៅប្រទេសរបស់រដ្ឋាភិបាលនៅតែត្រូវបានបង្កក ។

នៅថ្ងៃទី ៨ ខែតុលា មនុស្សជាង ៤០ នាក់បានស្លាប់ ដោយសារការបំផ្ទុះគ្រាប់បែកអត្តឃាតនៅវិហារឥស្លាមមួយកន្លែងនៅភាគខាងជើងទីក្រុង Kunduz ខណៈក្រុមសកម្មប្រយុទ្ធរដ្ឋឥស្លាមបានអះអាងទទួលខុសត្រូវចំពោះការវាយប្រហារនេះ ។

លើសពីនេះ ការប៉ាន់ប្រមាណមួយបង្ហាញថា ការប្រយុទ្ធគ្នាក្នុងរយៈពេលប៉ុន្មានឆ្នាំចុងក្រោយនេះ បានបង្ខំមនុស្ស ៣.៥ លាននាក់ចេញពីផ្ទះរបស់ពួកគេ ហើយបានធ្វើឲ្យពួកគេផ្លាស់ទីលំនៅក្នុងប្រទេស ។ ទន្ទឹមនោះការព្រួយបារម្ភកំពុងកើនឡើងលើកង្វះស្បៀងអាហារ និងរបស់របរប្រើប្រាស់ប្រចាំថ្ងៃអាចឈានដល់កម្រិតធ្ងន់ធ្ងរបំផុតនៅរដូវរងា ។

ស្របពេលជាមួយគ្នានេះ រដ្ឋាភិបាលបណ្តោះអាសន្នតាលីបង់កំពុងអំពាវនាវឲ្យសហគមន៍អន្តរជាតិញែកស្ថានភាពមនុស្សធម៌ចេញពីបញ្ហានយោបាយ និងបន្តផ្តល់ការគាំទ្រដល់អាហ្វហ្គានីស្ថាន ។

ប៉ុន្តែវាមិនច្បាស់ទេថាតើប្រទេសនេះ អាចទទួលបានជំនួយគ្រប់គ្រាន់ដើម្បីដោះស្រាយបញ្ហាប្រឈមរបស់ខ្លួនឬយ៉ាងណានោះ ខណៈប្រទេសជាច្រើននៅតែមិនទាន់ទទួលស្គាល់ក្រុមនេះនៅឡើយ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ្នកបកប្រែ អាហ្វហ្គានីស្ថាន ដែលត្រៀមជម្លៀសចេញពីប្រទេស ត្រូវបាញ់សម្លាប់ដោយកាំភ្លើង AK នៅក្រុងកាប៊ុល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ៩ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១០ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ១២ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ១២ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៩ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម