ព័ត៌មានអន្ដរជាតិ
ផ្ទុះករណីឆ្លងកូវីដថ្មីភ្លាម ចិន ចាត់វិធានការតឹងរ៉ឹង ដោយមិនបង្អង់យូរ
អាជ្ញាធរចិនបានលុបចោលជើងហោះហើររាប់រយ បិទសាលារៀននិងបង្កើនការធ្វើតេស្តិ៍ទ្រង់ទ្រាយធំនៅថ្ងៃព្រហស្បតិ៍ទី ២១ ខែតុលានេះ ដើម្បីព្យាយាមទប់ស្កាត់ការផ្ទុះឡើងថ្មីនៃជំងឺកូវីដ-១៩ ដែលជាប់ទាក់ទងនឹងអ្នកទេសចរមួយក្រុម។
ទីក្រុងប៉េកាំង បានប្រកាន់ខ្ជាប់នូវវិធីសាស្រ្តទប់ស្កាត់កូវីដដ៏ម៉ឺងម៉ាត់ ជាមួយការបិទព្រំដែននិងការបិទខ្ទប់គោលដៅយ៉ាងតឹងរ៉ឹង បើទោះបីជាប្រទេសដទៃទៀតកំពុងព្យាយាមបន្ធូរបន្ថយការរឹតត្បិតក៏ដោយ។
ជារឿយៗ ការផ្ទុះករណីឆ្លងក្នុងសហគមន៍ត្រូវបានលុបបំបាត់ ប៉ុន្តែនៅពេលដែលប្រទេសចិនបានកត់ត្រាករណីថ្មីចំនួន ៥ ថ្ងៃជាប់ៗគ្នាដែលភាគច្រើននៅតំបន់ភាគខាងជើងនិងភាគពាយ័ព្យ អាជ្ញាធរបានពង្រឹងការត្រួតពិនិត្យលើមេរោគកូវីដ-១៩។
ការផ្ទុះឡើងចុងក្រោយនេះ គឺជាប់ទាក់ទងទៅនឹងប្តីប្រពន្ធវ័យចំណាស់មួយគូ ដែលស្ថិតនៅក្នុងចំណោមអ្នកទេសចរជាច្រើននាក់។ ពួកគេបានចាប់ផ្តើមនៅសៀងហៃ មុនពេលហោះហើរទៅកាន់ទីក្រុង Xi’an ខេត្ត Gansu និងតំបន់ម៉ុងហ្គោលីខាងក្នុង។
ករណីរាប់សិប ត្រូវបានផ្សារភ្ជាប់ទៅនឹងការធ្វើដំណើររបស់ពួកគេ ដោយមានទំនាក់ទំនងជិតស្និទ្ធនៅក្នុងខេត្តនិងតំបន់យ៉ាងហោចណាស់ប្រាំ រួមទាំងរដ្ឋធានីប៉េកាំងផងដែរ។
ជាការឆ្លើយតប រដ្ឋាភិបាលក្នុងតំបន់បានដាក់ចេញនូវការធ្វើតេស្តទ្រង់ទ្រាយធំ និងបានបិទទីតាំងទេសចរណ៍ សាលារៀននិងកន្លែងកម្សាន្តនានានៅក្នុងតំបន់ដែលរងផលប៉ះពាល់ ព្រមទាំងបានដាក់ចេញនូវវិធានការបិទខ្ទប់ផងដែរ។
តំបន់មួយចំនួនរួមទាំង Lanzhou នៅភាគពាយ័ព្យប្រទេសចិន បានប្រាប់អ្នកស្រុកកុំចាកចេញបើមិនចាំបាច់។ អ្នកដែលចង់ចាកចេញ ត្រូវតែបង្ហាញលទ្ធផលតេស្តកូវីដ អវិជ្ជមាន៕
ប្រែសម្រួល៖ Vann Vann
ប្រភព៖ CNA
ចុចអាន៖ ចិន ព្រមានផ្ទុះ “ជំងឺរាតត្បាតភ្លោះ” នៅរដូវរងានេះ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)